الموضوع: عندى مشكلة ومحتاجلها حل ضرووورررى

مساء الخير ... إسمحولى اخد رايكم فى موضوع مهم وضرورى جددددا والسبب فى ده خطيبى حبيبي اللى من الأعضاء البرونزيين هنا فى المنتدى واى حاجه بيحتاجها بيعرفها منكم :)

المهم انا فى بيت اهلى اخدنا شقة تمليك فى بيت قديييييييييم جدددددا وبعد الفصال والكلام ده وصلناها لـ77000 وجاتلنا عن طريق واحدة معرفة وروحنا اتفرجنا عليها وعجبتنا جددددددا ونوينا وروحنا نخلص فيها لقيناها مشاركة واحد سمسار برضه وعاملين مكتب ، المهم خلصنا معاهم فيها وجابولنا صاحب الشقه واشترينا عقد شراء من الكتبة وليناه فى حضور اخويا المشترى والراجل البايع والسمسار ده ومضى عليه 2 شهود كان السمسار ده ومعاه واحد جار الشقه دى...المهم احنا دفعنا 40000 من تمن الشقة على اساس ان بعد ما نسجل فى الشهر العقارى او نعمل صحة توقيع ياخد باقى الفلوس ... والراجل علشان يضمن حقه قال عاوز وصل امانه!!! وفعلا كتبله السمسار ده وصل امانه (فشنك طبعا ولا له اى لازمة) على نفسه فيه باقى المبلغ وقاله فلوسك دى عندى وفعلا اخد الفلوس بتاعته على دفعات (وكان بياخدها طبعا عن طريق السمسار ده لانه كاتب الوصل على نفسه) وكل ما ياخد فلوس يكتب الباقى على نفسه (فشنك برضه) المهم بقى علشان مطولش عليكم...الراجل السمسار ده ضحكان علينااااااااا جدددددددددا


أولا: اخد مننا 1500 عمولة للشقه (وسمعت ان حقه 10% بس من المبلغ يعنى 770)

ثانيا: جابلنا محامى من طرفه وعاوز مننا 1100جنيه اخد 700 ولسه 400 لما يخلص باقى الورق (وسمعنا برضه انه المفروض مش ياخد اكتر من 500 جنيه بس)

ثالثا: فى مره من المرات اللى باخد فيها الفلوس دى بعدها بعشر ايام اتصلوا بينا ولما روحنا ادونا 1000 مزورة وقالوا دى كانت فى وسط الفلوس اللى ادتوهلنا ورغم اننا متاكدين من فلوسنا اخدناهم علشان مش عاوزين مشاكل وقولنا اكيد ربنا هيتصرف والحمد لله بعد حرقة دمنا مدة 10 ايام كده لقناهم بيقولوا هاتوا الفلوس دى احنا عرفنا بتاعت مين !!!!!!!!!!!! طبعا لما رحنا اديناهلهم قالوا هنديهم لنفس الراجل علشان احنا ملناش ذنب !!!!! ما علينا كل ده ميهمنااااااااااااااااش

المشكلـــــــــــــــة بقاااااا

ان احنا ابتدينا نوضب فى الشقه وهما عرفوا وكلمونا بيقولوا عاوزين باقى الفلوس اللى كاتب عليها وصل الأمانه (الفشنك) ال10000 ... ومعاهم العقد القديم والتنازل والعقد الجديد ومستنين اخر جلسه لصحة التوقيع ونديهم باقى الفلوس (((انا اسفه يا جماعه لانى بذكر ادق التفاصيل))) ولانهم بيتشغلوا فى توضيب الشقق برضه فاتضايقه اننا بدانا نوضب وجبنا عمال من بره رغم ان ده مش من حقهم واحنا حرين نعمل اللى احنا عاوزينه وقال عاوزين كمان 500 جنيه تانى زياده على عمولتهم قال علشان كانوا مقللين لنا العموله من 2000 لـ 1500 علشان كان فاكر اننا هنجيب العمال من عندهم

المهم احنا هنروحلهم بكرة علشان نشوف هنعمل ايه وكنت محتاجه ارائكم قبل ما نروح علشان نكون واثقين من كلامنا خصوصاً ان المحامى من عنده واحنا معنداش الخلفية القانونية اللى نقدر نتكلم بيها

انـــــــــا أسفـــــــــة يا جمـــــــــــــاعه على الإطـــــــــــــالة

حاولي تستشيري محامي يكون معرفة او حاجة عشان يخلصلك القصة دي كلها بدل التعب دا كلوا

وربنا يكتبلكم الخير ويوفقكم