الموضوع: Eit وكيل كيا بمصـــر....للأسف

السلام عليكم ورحمه الله,
بدايه الفصة انى رحت بالعربيه ((سيراتو)) للتوكيل فى ابورواش مع اخ فاضل من المنتدى هنا و كان معاه عربيته برضه و هيا سيراتو ايضا للفحص , لما قابلنا مهندس الإستقبال هناك اتكلمنا معاه فيما يخص بعض مشاكل العربيه و حلولها من على موقع Kia Global Information System (KGIS) و ال update للسوفت وير للعربية و حلولها و الرد كان "" حضرتك احنا التوكيل و مفيش حاجه زى كده و النت عليه كلام فاضى كتير "" طبعا من هنا فهمت ان تكمله الكلام معاه مضيعه للوقت و المجهود و الصدمة انهم ميعرفوش حاجه عن الموقع ده اللى هو من الشركة الأم و متخصص فى المشاكل التقنية فقط يعنى فى صميم شغلهم.

المهم قلت خلاص هبعتلهم عشان أقر الواقعة دى و يبدأوا يشوفوا حل للموضوع ده , دخلت على Kia Motors Corporation ثم contact us وسجلت اسمى ورقم التليفون و الميل و عرضت المشكلة بالتفصيل , المفروض اللى بيحصل فى الحاله دى ان اللى انا عملته ده بيتسمى Incident وبتاخد رقم بتابع بيه مشكلتى زى كده لما بيكون عندك مشكله فى الADSL و بتكلم الشركه بيديك رقم عشان تتابع بيه ال Case بتاعتك , الكلام ده من امتى من اسبوع فات استنيت حد يكلمنى ابدا , ان ميل يجيلى برضه ابدا كأن مفيش حاجه جتلهم ودى كانت الصدمه التانية.

انا مش عارف يعنى لما اى حد يحب يوصلهم يكلم مين ؟؟!! 140 دليل :) من المفترض ان هى دى أسرع الطرق للتواصل بين العميل و الشركة , ايا كان ده مش غريب على وكيل مصرى و اتوقعه حتى من وكيل مرسيدس فى مصــر بس للأسف اللى كنت فاهمه ان كيــا عملت اسم كويس فى مصـــر بسبب ان وكيلها اتغير و ثقة العملاء فيه , لكن بصراحه اى حد بيسألنى بقوله ابعد عن كيا تماما , هما كده قدروا يوصلوا لل Negative Marketing زى ما بيقولوا.