الموضوع: عايز مدرسة اودي فيها ابني

للاسف معظم سكان القاهرة بيعانوا من المصاريف بتاعة المدارس
اللى ملهاش اخر ومش عارف الواحد لما يكون معاه طفلين تلاتة
في نفس المدرسة هيعمل ايه
ربنا معانا

المشاركة الأصلية كتبت بواسطة m.hosni

هو انت فعلا كده متأخر شوية في التقديم , علشان في مدارس كتير خلصت قبول طلبة جدد
بالنسبة لمدرسة future فهي مدرسة معقولة يعني مش القوية قوي , مصاريف المدرسة ال national فيها في حدود 6000 , الباص ب 2300 غير اللبس
اما ال international في حدود 15000 مصاريف غير باقي الحاجات برضه
اما بقي roots فهي مدرسة اقوي بكتير جدا من future من حيث الحزم و النظام و المستوي التعليمي بس في المقابل مصاريف اغلي , يعني ال. National فيها مصاريفه تقريبا 12000 في السنة غير الباص ب 2000 تقريبا و اللبس
بس المدرستين دول مفيهومش اهتمام بالدين
عندك بقي منارة الفاروق دي برضه مدرسة كويسة و قوية بالاضافة للاهتمام بالدين , يعني عندهم تحفيظ قرآن و بيمنتحنوا فيه , الصلاة في موعدها و هكذا , اما المصاريف بتكون في حدود 12000 غير الباص 2500 تقريبا غير الكتب و اللبس
و كمان فيه حاجة تانية هي بتاخد سن كبير علشان الاقبال عليها عالي جدا , يعني مش اقل من 4 سنين و 7 - 8 شهور

كل الناس شكرتلي في منارة الفاروق بس هي فعلا مش بتاخد غير الأعمار دي؟ انا ابني علي اول السنه الدراسيع هيبقي 4 سنين وشهرين واسمع ان اسعارها ناشيونال 8000 مش 12000

بالنسبة للتاخير فانا مكنتش اعرف خالص ان التقديم من دلوقتي بس كان في دماغي من زمان وكنت ومازلت مطحون في الشغل ومش فاضي اعمل اي حاجه لحد ماالموضوع جه بالصدفه قدامي وساعتها عرفت ان 90% من المدارس خلاص

دلوقتي انا مضايق جدا بسبب الموضوع ده ومش عارف اعمل ايه
هل اسيبه السنه دي والسنه الجايه اقدمله في الفاروق طالما كده كده بتاخد سن كبير؟ ولا اقدم في اي مدرسه من المدارس الكويسه ويعدي فيها اولي وتانيه حضانه او اولي بس وبعدي احاول انقله الفاروق؟

هل في حاجه في الأسكندريه زي الفاروق مثلا؟

المشاركة الأصلية كتبت بواسطة mohamed_selim

هياخد 5% خصم على الطفل التالت هههههههه
عندك منارة الايمان اخر مصطفى النحاس يمين فى يمين عند الضرايب
دين و لغات و لسه بتاخد على ما اظن ... بس انا ما ودتش ولادى فيها

طيب دي بكام؟