الموضوع: مقبل على شراء سيارة ومحتار مبين ( الاوبترا اوتو-صنى سوبرصالون)

المشاركة الأصلية كتبت بواسطة hemoa0996

السلام عليكم ورحمة الله وبركاته
انا ان شاء الله مقبل اليومين دول على شراء سيارة زبرو وكان فى تفكيرى سيارتين وهم :
( شيفورليه اوبترا اوتو __ و __ نيسان صنى سوبر صالون ) وعايزكم تساعدونى فى الاختيار من حيث تجاربكم للسيارتين . . وبالنسبة لمعلوماتى على العربيتين :

اولا الصنى : ليا واحد صديقى كان معاه(صنى2008 ex )وكان بيقولى انها عفشتها رخمة جدا ومش مريحة وبتاكل بنزين بالهبل لو انت سواقتك نص رياضية ولو على سرعة وعديت على الفواصل اللى بتبقى عالدائرى ممكن تعوم علشان تعليقها الخلفى مش كويس ده غير بيقولى ان العربية مبتعديش 180 الا بطلوع الروح . وبعد سنة بيبقى اخرها 170 فهل السوبر صالون 2012 نفس الكلام ؟؟؟؟

بالنسبة للصني عفشتها بتدبدب او ما بتسلمها وبتريح بعدين ولو حطيت نيتروجين كمان .... بس قصاد كده ماشاء الله علي الطوالي او جوه البلد ثبات ممتاز والعفشة مش بترهق بسرعه دب فيها رايح جاي ماشاء الله بتستحمل ...... وانا عن اقتناع ان اي عربية تاني لو بتاخد المطبات اللي بلبسها كل شويه ديهه كانت جابت عفشة.
البنزين مش مبظوط خالص .......... الاستهلاك علي حسب رجلك
انا التانك ممكن يقعد معايا 4 ايام و ممكن يقعد معايا 10 ايام
ونفس المشاوير ......... استهلاكك انت ورجلك ليهم عامل كبير كبير ونقل غيارتك
يعني اللي بينقل علي 4000 و 5000 زي الي بينقل علي 2500 ؟؟؟ لا طبعا
الاوتماتيك بتاع الصني علشان تقفل بيه العداد عايز حر علي الغيارات من اولها مش مرة واحده وانت علي التالت مثلا تقول انا هاقفل العداد ........ وصحاب الاوتو يعدلوا لو انا فاهم غلط.
المفروض بعد السنة ديه يبقي المتور اتفتح من الاستخدام واستهلاك البنزين اتظبط و كمان العربية فاقت فبتجيب معاك اكتر مش العكس.

ثانيا الاوبترا : اسمع انها عربية ممتازة وواسعة لكن انت وحظك يعنى ممكن تشترى عربية يطلع فيه عيوب زى: بتسخن بسرعة - الدركسيون بيزيق - النور بيوطى . انما غير كده اسمع انها عربية زى الفل
ثبته وموتورالمانى (اوبل استرا)وفتيس يابانى . بس عيبها اللى بسمعه كتير فراملها وحشة جدا
( وعلى فكرة كل كلامى عن الاوبترا عن طريق المنتديات والانترنت )

الاوبترا انا عرفت من واحد صديقي ان الفتيس الاوو بتاعها ياباني ....... بس كمان الماتور طلع الماني؟ جديدة ديه
انا معرف ش عيوبها غير ان صاجها ضغيف
ومقارنة بالسوبر صالون ... تعتبر فقيرة جدا ككماليات
يعني اغلي من السوبر صالون ومفيهاش اي حاجة من الحاجات ديه
الصني ب102000 جنيه فيها ايه ؟؟؟ (بدون التطرق للماتور والفتيس والعفشة الياباني خدمة شاقة و قطع الغيار والصــــــاج)
1- 2 ايرباج
2- abs , ebd
3- جنووط المونيوم ياباني ( 10000) جنيه لوحدهم في التوكيل
4- ابانوس في الابواب والتابلوه
5- كاسيت 6 اسطوانات تقريبا + ريموت
6- مخادع خلفية للكنبة
7- جلد طبيعي للدريكسيون و الفتيس
8-وحدة اضاءه امامية + جراب نضارة
9- عمود اتزان في العفشة (مش فاكر امامي ولا خلفي)
10- مسند في الكنبة الخلفية

واخير اانت شايف توكيلات نيان بقيت عاملة ازاي دلوقتي بتكتر مع احترافية ماشاء الله
مش منصور وغبور اللي في طغيانهم يعمهون .

فأرجوا ان تساعدونى وتصححو كلامى لو فيه حاجة غلط .

اخيار انا بنصحك نصيحتين والله لو انا مكانك هاعمل كده مش علشان نوع ولا شكرة ولا بتاع

النصيحة الاولي ...... تشوف التيدا وتقعد فيها وهات اول فئة ب115000 معلش حتي لو هاتتزنق شويه بس عربية العمر ان شاء الله ... لو معايا مش هافكر ابيعها
فيها كماليات ممتازة بالسعر ده و ياباني تقفيل مكسيسكي
وواسعه جدا ماشااء الله
او تستني تشوف شكل الصني الجديد اللي نازل نص السنة ديه وقريب جدا للتيدا وواسعه زيها و هاتعجبك بأمر الله

النصيحة التانية انك تصلي استخارة وتداوم عليها لكل حاجة بتعملها لانك كده بتوكل الله عز وجل و ادام وكلته يبقي اكيد اكـــيد الخير كله ليك ان شاء الله

اتمني مكنتش طولت عليك
واقعد بالعافية :))