| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 19 1 2 3 4 5 6 11 ... الأخيرةالأخيرة
النتائج 1 إلى 10 من 184

  1. #1

    الصورة الرمزية Ahmod

    رقم العضوية : 85958

    تاريخ التسجيل : 16Jan2011

    المشاركات : 3,132

    النوع : ذكر

    الاقامة : Egypt - Faisl

    السيارة: Verna , 1.5 , M/T

    السيارة[2]: Toyota Yaris , 1.3 , A/T

    دراجة بخارية: لا يوجد

    الحالة : Ahmod غير متواجد حالياً

    افتراضي تجربة قيادة :: كيا سيراتو :: - Facebook Twitter whatsapp انشر الموضوع فى :

    hasad">

    السلام عليكم ورحمة الله وبركاته

    يمكن يكون الموضوع مش في معاده المناسب اطلاقا ! العربية نازلة بقالها مدة طويلة بل ان الشكل الجديد على وشك انه ينزل الاسواق ! لكن بصراحة تجربتي مع السيراتو غيرت نظرتي للعربية دي بشكل كبير وللعربيات الكوري بشكل عام ! عشان كدة اصريت اني انقلكم تجربتي مع السيراتو

    انا بحكم اني عشت اغلب فترة حياتي في السعودية عشت هناك حوالي 15 سنة تقريبا ! فالسيارة رقم 1 بالنسبة ليا هي اللكزس يليها الاورين والكامري ثم الكورولا

    عائلة التويوتا بالنسبة ليا هي رقم 1 بداية من اللكزس والاندكروزر وحتى التويوتا كرسيدا !

    بالنسبة ليا ولناس كتير تفكيري لما جيت اشتري عربية طالما ماقدرش على تمن الاوروبي سواء تمن العربية او تمن قطع الغيار والصيانات يبقى يا اركب ياباني يا اما ماركبش

    ومن حوالي يومين تقريبا قابلت اخويا وحبيبي ياسر "yasserelsayad" في الجامعة بحكم اننا زمايل في جامعة واحدة

    اتكلمنا شوية وبعدين طلعنا على ال Parking وهناك شفت عربيته السيراتو

    هو مهتم بيها جدا والعربية بسم الله ماشاء الله شكلها جميل وده المتوقع من السيراتو بصراحة شكلها مافيش اروع من كدة

    وبعدين سمحلي اني اجرب عربيته ولان العربية طلعت غير ماكنت انا متوقع تماما ! حبيت اني انقلكم التجربة بمنتهى الحيادية

    انا عن نفسي من زمان وانا بحترم السيراتو كنت بحترم فيها شكلها الانيق من الداخل والخارج وكذلك كنت بسمع ان ماتورها كويس والاداء بتاعها حلو انما كانت في وجهة نظري سواء طلعت او نزلت في الاخر هتفضل عربية كوري لكن بصراحة بعد التجربة غيرت نظرتي للعربية 180 درجة !

    اولا : مواصفات العربية

    العربية اللى انا جربتها هي عربية ياسر

    كيا سيراتو High Line موديل 2010 - فتيس 4 نقلات -

    جنط 17- مزودة ب Smart Key وزر "Start/stop Engine" وباقي كماليات السيراتو المعروفة

    ومش عارف بصراحة اذا كانت العربية خليجي او وكيل !

    ثانيا : المقصورة والسيارة من الداخل

    السيراتو اول ماتركبها بيخطفك شكل الانتريور الجميل والمنسق اللى بيحسسك انك راكب عربية ماتقلش في الجمال والاناقة عن ال BMW والمرسيدس ! ربما اكون بالغت شوية في التعبير لكن فعلا السيراتو شكلها الداخلي ووضعية العدادت اكثر من روعة

    خاصا بالكاربون اللى عامله ياسر في التبلوه والابواب مدي للعربية جمال من نوع خاص !

    جودة التقفيل والخامات المستخدمة في العربية ممتازة وبتديلك احساس بالجمال

    العربية من جوة واسعة والقعدة فيها مريحة وجميلة ووضعية العدادات ممتازة وبتخليك شايف السرعة اللى انت ماشي عليها بشكل مستمر وبمجرد نظرك للطريق بتلاقي عينك جايبة العداد بدون ماتحتاج انك تنظر للعداد بشكل خاص

    ثالثا : الانطلاق بالسيارة

    بمجرد تضغط على زر Start Engine وتبدا العربية تدور بتلاقي نور العدادات اشتغل بشكل تلقائي وده بيدي جمال للتبلوه

    ظبطت المرايات من زرار التحكم في المرايات
    والمرايات موضحة الطريق بشكل كامل وممتاز من اليمين والشمال

    اول مابدأت اتحرك بالعربية هنا لاحظت اول حاجة ضايقتني في السيراتو وهي ان الدركسيون تقيل ! ! اعتقد السبب هو الجنط ال 17 مع الكاوتش ال 215 ! مخلي الدركسيون تقيل ! او يمكن لاني متعود على نعومة دركسيون الياريس الكهرباء فحسيت ان دركسيون السيراتو تقيل !

    لكنه فعلا تقل الدركسيون كان مسببلي مشكلة وماكنتش عارف اتحكم في العربية بشكل كويس من كتر مانا حاسس ان الدركسيون تقيل !

    بعد الانطلاق وبدانا نطلع على الطريق

    الفتيس نقلاته ناعمة جدا والماتور صوته هادي حتى مع الحرق على الغيارات بيفضل صوت الماتور فيه نعومة وبيصاحب الحرق نغمة جميلة تحب انك تسمعها

    الاحساس بالنقلات في حالة المشي العادي يكاد يكون مش محسوس او الاحساس بيه خفيف وبمجرد تضغط على العربية وتبدا تجري تحس العربية عايزة تنط مابين النقلة والتانية !

    العزل اكتر من ممتاز ! فعلا كيا ابدعت في نقطة العزل وتستاهل 5 نجوم ! العزل في السيراتو بيفصلك تماما عن ضوضاء الطريق وبيدخلك في عالم تاني ودي من اكتر النقاط اللى عجبتني في السيراتو

    رابعا : الاداء والتسارع

    تسارع العربية بصراحة بسم الله ماشاء الله حدث ولا حرج !

    الفتيس استجابته سريعة وجميلة وبمجرد الضغط على دواسة البنزين بتلاقي استجابة ممتازة من الماتور

    العربية من قوة التسارع بتحس بان العربية عايزة تنط بعد النقلة عشان تنقل على النقلة اللى بعدها بدون اي تاخير في النقل ! بل بالعكس انا كنت ببقى منتظر النقلة تخلص عشان احس باحساس النطة اللى العربية بتنطها مابين النقلة والتانية ! فعلا احساس بيخليك مستمع بسواقة السيراتو ومستمتع بالجري بيها

    التسارع بتاعها اقل مايقال عليه فوق الممتاز

    بالنسبة للفرامل من اكتر النقاط اللى عجبتني فيها وفعلا الفرامل قوية جدا بتتعامل معاها بمجرد اللمس ! وبتديلك احساس انك عندك القدرة انك توقف العربية في اي لحظة وتسيطر عليها مهما كانت السرعة اللى انت ماشي عليها

    الفرامل ممتازة وتستاهل 10/10

    خامسا : الثبات ونظام التعليق

    مش هقدر احكم بشكل فعلي في نقطة الثبات بحيث ان اعلى سرعة وصلت ليها بالعربية هي 120-130 كم تقريبا !

    لكن العربية كان ثابتها على السرعة دي كان جميل جدا ومحستش ان العربية خفت بل بالعكس كنت حاسس اني قادر على اني اعمل اي مناورة بالعربية بدون اي مشاكل وماكنتش حاسس مطلقا اني ماشي على سرعة 120 الى من خلال النظر الى العداد !

    اللى حسيته فقط ودي تعتبر تاني حاجة ضايقتني في السيراتو ان في اثناء ماكنا ماشين تقريبا عدينا على منطقة فيها مطبات بسيطة او الطريق مش مستوى "طالع ونازل" وحسيت ان العربية في المطبات دي او اعتقد زي مابيتقال عليها "مطبات هوا"

    حسيت ان العربية اكنها ارتفعت من الخلف قليلا ! وده بيديلك احساس لحظي بعدم الثبات اثناء مرورك على مثل تلك المطبات ! لكن سرعان مابتعدي المطبات دي وبترجع العربية لحالتها الطبيعية مرة تانية !

    بالنسبة للعفشة مش هقدر اتكلم على نقطة نشوفية او نعومية العفشة لان العفشة بتبان بشكل اكتر في المطبات والطرق المكسرة او من خلال ساعات سواقة طويلة !

    لكن من خلال تجربتي الصغيرة دي ماحستش ان العربية عفشتها ناشفة او ماحستش ان فيه ارهاق اثناء سواقة العربية بالعكس كنت مستمتع جدا بسواقتها ! وماحستش انها تقل عن الياريس في النعومة فقط فرق الدركسيون لا غير !


    دي كانت تجرببتي مع حوالي 15-20 دقيقة سواقة كيا سيراتو

    العربية اكتر من ممتازة وبصراحة غيرت نظرتي للعربيات الكوري وفعلا بدات احس ان الكوري بدا يواكب الياباني ومابقاش يقل عنه في شئ ! فقط موضوع الاعتمادية اعتقد مازالت الافضلية للعربيات الياباني في نقطة الاعتمادية والتعمير

    لكن السيراتو فعلا عربية تستحق الاحترام وتستاهل فلوسها وكل قرش مدفوع فيها

    العربية ككل جميلة جدا من جوة ومن برة وسواقتها ممتعة للغاية

    فقط اللى ضايقني منها تقل الدركسيون ونقطة احساس ان العربية اترفعت من ورا شوية ! غير كدة العربية عجبتني جدا في كل شئ !

    وربنا يبارك لياسر في عربيته ويحفظهاله ويباركلكو كلكو في عربياتكم

    ..


  2. #2

    الصورة الرمزية Hosam_Optrawy

    رقم العضوية : 13687

    تاريخ التسجيل : 27Jun2008

    المشاركات : 14,730

    النوع : ذكر

    الاقامة : Cairo - Doha

    السيارة: Optra 2008 A/T

    السيارة[2]: Kia Cerato K3 TopLine

    دراجة بخارية: -

    الحالة : Hosam_Optrawy غير متواجد حالياً

    افتراضي -

    شكرا لنقل تجربتك ياباشا

    تقل الباور فعلا ممكن يضايق بس فى بعض العربيات الخليجى ( منهم عربيتى ) الباور بتاعها كهربا وفعلا الكهربا امتع

    عربيه ياسر وكيل على ما اعتقد

    فى حاجه كمان صوت الموتور مع القرص بيبقى عالى ومسموع جامد خصوصا مع الفتيس ال 4 نقلات فى اللى ممكن يشوفه ممتع وفى اللى بيشوفه مزعج

    شكرا مره تانيه على الموضوع

    [aldl]http://s17.postimg.org/ygne2hebj/F2000045710.jpg[/aldl]


  3. #3

    الصورة الرمزية Ahmod

    رقم العضوية : 85958

    تاريخ التسجيل : 16Jan2011

    المشاركات : 3,132

    النوع : ذكر

    الاقامة : Egypt - Faisl

    السيارة: Verna , 1.5 , M/T

    السيارة[2]: Toyota Yaris , 1.3 , A/T

    دراجة بخارية: لا يوجد

    الحالة : Ahmod غير متواجد حالياً

    افتراضي -

    اقتباس المشاركة الأصلية كتبت بواسطة Hosam_Optrawy مشاهدة المشاركة
    شكرا لنقل تجربتك ياباشا

    تقل الباور فعلا ممكن يضايق بس فى بعض العربيات الخليجى ( منهم عربيتى ) الباور بتاعها كهربا وفعلا الكهربا امتع

    عربيه ياسر وكيل على ما اعتقد

    فى حاجه كمان صوت الموتور مع القرص بيبقى عالى ومسموع جامد خصوصا مع الفتيس ال 4 نقلات فى اللى ممكن يشوفه ممتع وفى اللى بيشوفه مزعج

    شكرا مره تانيه على الموضوع
    هو فعلا موضوع الدركسيون ضايقني خاصا لما تبقى متعود تسوق عربية دركسيون كهرباء وخفيف جدا

    انا الفيرنا كنت حاسس ان دركسيون تقيل مقارنة بالياريس ! بس السيراتو اتقل من الاتنين

    وموضوع صوت الماتور يمكن عشان عندي مركب فلتر K&N فمتعود ان مع الحرق بلاقي صوت ضخم ! فمقارنة الصوت ده بده ماحستش ان الصوت عالي

    بالعكس حسيت ان ليه صوت نغمة حلوة ومع العزل ولاننا قافلين الشبابيك كان الصوت اهدى

    واي حد بيحرق فوق ال 4000 RPM لازم يحب صوت الماتور لانه اكيد غاوي سواقة رياضية والا مش هيوصل بال RPM لفوق ال 4000 ! <<< مجرد وجهة نظر

    ..


  4. #4

    الصورة الرمزية memo823000

    رقم العضوية : 45137

    تاريخ التسجيل : 19Aug2009

    المشاركات : 935

    النوع : ذكر

    الاقامة : 6 OCTOBER

    السيارة: AVEO 5 AT 2009

    السيارة[2]: COROLLA MT 2007

    دراجة بخارية: no

    الحالة : memo823000 غير متواجد حالياً

    افتراضي -

    الف شكر لنقل تجربتك بحياديه والطريق اللى قدام الجامعه من انضف الطرق فى اكتوبر فمتحسش بنشوفيت العفشه عليه لاكن لو جربت العربيه بكوتش كونتيننتال المانى مثلا 225/45/17 احساس النعومه والثبات هيتحسن بنسبة 50% على الاقل متعه لا تقاوم
    وياسر من الناس المحترمة فى المنتدى وربنا يباركله فى عربيته
    وطبعا من احد اسباب تقل الدركسيون الجنط ال 17 واكيد بيخف فى ال 16 وال 15


  5. #5

    الصورة الرمزية moha4tec

    رقم العضوية : 58100

    تاريخ التسجيل : 06Jan2010

    المشاركات : 5,727

    النوع : ذكر

    الاقامة : السعوديه

    السيارة: not yet

    السيارة[2]: ..

    دراجة بخارية: no

    الحالة : moha4tec غير متواجد حالياً

    افتراضي -

    مشكور على التقرير الجميل .

    إنا لله وإنا إليه راجعون
    ولا تحسبن الذين قتلوا في سبيل الله أمواتا بل أحياء عند ربهم يرزقون


  6. #6

    الصورة الرمزية lanos2004

    رقم العضوية : 119672

    تاريخ التسجيل : 27Jan2012

    المشاركات : 6,807

    النوع : ذكر

    الاقامة : النزهه الجديدة

    السيارة: اتباعت

    السيارة[2]: lanos 1.5 16 v

    دراجة بخارية: لا يوجد

    الحالة : lanos2004 غير متواجد حالياً

    افتراضي -

    والله انته هتخلى الناس كلها تبيع عربيتها وتشترى سيراتو بتجربتك دى-


  7. #7

    الصورة الرمزية lanos2004

    رقم العضوية : 119672

    تاريخ التسجيل : 27Jan2012

    المشاركات : 6,807

    النوع : ذكر

    الاقامة : النزهه الجديدة

    السيارة: اتباعت

    السيارة[2]: lanos 1.5 16 v

    دراجة بخارية: لا يوجد

    الحالة : lanos2004 غير متواجد حالياً

    افتراضي -

    والله انته هتخلى الناس كلها تبيع عربيتها وتشترى سيراتو بتجربتك دى-


  8. #8

    الصورة الرمزية lanos2004

    رقم العضوية : 119672

    تاريخ التسجيل : 27Jan2012

    المشاركات : 6,807

    النوع : ذكر

    الاقامة : النزهه الجديدة

    السيارة: اتباعت

    السيارة[2]: lanos 1.5 16 v

    دراجة بخارية: لا يوجد

    الحالة : lanos2004 غير متواجد حالياً

    افتراضي -

    كدة خلاص كل الناس هتشترى سيراتو وهتبيع عربياتها بسبب التجربه بتاعتك دى


  9. #9

    الصورة الرمزية lanos2004

    رقم العضوية : 119672

    تاريخ التسجيل : 27Jan2012

    المشاركات : 6,807

    النوع : ذكر

    الاقامة : النزهه الجديدة

    السيارة: اتباعت

    السيارة[2]: lanos 1.5 16 v

    دراجة بخارية: لا يوجد

    الحالة : lanos2004 غير متواجد حالياً

    افتراضي -

    كدة خلاص كل الناس هتشترى سيراتو وهتبيع عربياتها بسبب التجربه بتاعتك دى


  10. #10

    الصورة الرمزية lanos2004

    رقم العضوية : 119672

    تاريخ التسجيل : 27Jan2012

    المشاركات : 6,807

    النوع : ذكر

    الاقامة : النزهه الجديدة

    السيارة: اتباعت

    السيارة[2]: lanos 1.5 16 v

    دراجة بخارية: لا يوجد

    الحالة : lanos2004 غير متواجد حالياً

    افتراضي -

    hasad">

    شوف انته يا تشتغل صحفى يا تشتغل فى الاعلام دة هنزل اكسر عربيتى واستلف واشترى سيراتوا بسبب عرضك للموضوع وتجربتك الشيقه دى --يا راجل دة انته هتخلى الناس كلها تبيع عربياتها وتشترى سيراتو



 
صفحة 1 من 19 1 2 3 4 5 6 11 ... الأخيرةالأخيرة

المواضيع المتشابهه

  1. تجربة قيادة نيو سيراتو 2011 بالفتيس الجديد (6 سرعات)
    بواسطة ahmed_su في المنتدى ساحة تجارب القيادة
    مشاركات: 5
    آخر مشاركة: 17-01-2012, 09:14 PM
  2. تجربة قيادة نيو سيراتو 2011 بالفتيس الجديد (6 سرعات)
    بواسطة ahmed_su في المنتدى أخبار السيارات في مصر والعالم
    مشاركات: 11
    آخر مشاركة: 17-01-2011, 01:23 AM
  3. تجربة قيادة النيو سيراتو - التقرير المنتظر
    بواسطة ahmed_su في المنتدى ساحة تجارب القيادة
    مشاركات: 117
    آخر مشاركة: 29-05-2010, 04:27 PM
  4. تجربة قيادة سيراتو ex موديل 2009
    بواسطة محمد عز في المنتدى كـــــيا
    مشاركات: 10
    آخر مشاركة: 12-02-2010, 04:26 PM
  5. تجربة قيادة سيراتو 2008 مانيول
    بواسطة ahmed_su في المنتدى كـــــيا
    مشاركات: 24
    آخر مشاركة: 05-11-2008, 12:47 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2