السلام عليكم ورحمة الله وبركاته
ممكن يكون لشرب الشاى والقهوة الكتير علاقة بالشكوى بتاعتك, لكن ده مالوش علاقة بعصب المعدة (جايز يكون الدكتور بيحاول يبسطها لك). أولا: حوالى 4 شاى ونس كافيه بس!!!!!! (يعنى ساعات أكتر) وبتقول بس!!!!!!!!!!!! لأ طبعا كتير, وماتقوليش إن فيه ناس بتشرب أكتر لأن ده كله غلط ومش طبيعى وممكن يسبب مشاكل كتير. يسبب قلق وتوتر وإدمان وقرحات المعدة والإثنى عشر واضطرابات فى الهضم وخفقان القلب واضطرابات فى النوم. أما بالنسبة لشكوى الدوخة وعدم الإتزان فهى إن لم يثبت ارتباطها باضطرابات الجهاز السمعى أو العصبى أو القلب سيكون للقلق النفسى علاقة وثيقة بها, وشرب الكافيين ممكن جدا يساعد على ظهور أعراض القلق النفسى
المفضلات