الموضوع: انجدونى يا رجاله الانترا

المشاركة الأصلية كتبت بواسطة Medicalist

انا هتشل والله
من كام يوم راكن العربيه ادام قاعه افراح بالطول نزل لقيت واحد مخربش الاكصادم الورانى بالطول والعرض قلت مش مشكله
المصيبه بقى اول امبارح نازل بالليل رايح مشوار وراكن العربيه ادام البيت ومغطيها ببص لقيت نقره كبيره فى الكبوت طبعا ما نمتش يومها و المهم تانى يوم وانا مركز معاها ومدايق اوى من شويه وانا راجع من الشغل وبغطى العربيه لقيت فتحه السقف الجلده مش ماشيه مع السقف من الناحيه الشمال قلت يمكن الجلد مرحله شويه ولا حاجه رحت وقفت فى الشمس وكانت الفاجعه نقره فى السقف كبيره من ناحيه الفتحه و جمبها واحده تانيه من ساعتها واانا هيجرالى حاجه وبدعى على الى عمل كده او حدف حاجه عليها
هل النقر دى ليها حل ولا انساها بس مبوظه شكل السقف و الفتحه وهل لو اتردت على البارد مش هتسيب اثر وهل النقر دى تنزل من تمن العربيه لو جبت ابيعها
طيب بعد كده الواحد ممكن يعمل ايه عشان العربيه ما يحصلهاش حاجه

بالنسبه للخدش, لو واصل للصاج يبقى مفيش حل. او حل صعب شوية هو انك تجيب قلم واكس وتملى بيه الجرح بعدين تجيب قلم بكود اللون بتاع العربيه وتعمل بيه بعد الواكس.

بالنسبه لجلدة فتحة السقف, لو فيها مشكلها بتتغير او بتتصلح في التوكيل عادي.

بالنسبه للنقر, في موضوع قيد التجربه وهو استخدام الثلج الجاف Dry Ice لاخفاء مكان النقر دي. الفكره هي العمل بمبدأ التمدد والانكماش للمعدن. هتسخن صاج الكبوت او السقف لفتره معينه وبعدين تحط الثلج الجاف عشان يحصل Shrinkage للصاج ويرجع للوضع الاصلي.
الفكره دي انا و عضو هيونداي تيم أشرف ابراهيم عاوزين ننفذها بس لما نفضى شوية.

ويفضل المكان الي العربيه بيحصل فيها كل ده تبطل تركن فيه ^_^