الموضوع: انا جربت قفل الدركسيون

باركولى يا هيونداوية اخيرا جربت قفل الدركسيون اللى بيبقى بين الطارة والدواسة
طبعا ماكنش بمزاجى لولا ان الولاد جابهولى كهدية عيد ميلادى ولا عمرى كنت هاشتريه لانى اصلا كسلية
المهم امبارح اول مرة اجربه وقعدت يجى ربع ساعة راسى والف سيف الا لازم اركبه فى دواسة الفرامل ودة ابدا وخدتها مسالة كرامة بقى ويانا يا البتاع دع النهاردة
المهم ربنا هدانى فى الاخر وقلت خلاص بقى اجربه مع دواسة الدبرياج ولحظتها بس قلت يارب يعنى غشيم ومتعافى فعلا
بس بجد انا بانصح كل الناس باستخدام القفل ده لان مفيهوش ولا تعب ولا مجهود ولا حاجة ابدا وفعلا يحسس بالامان
صدقونى اشتروه ومش هاتكسلو تستخدموه ولا حاجة وبالتوفيق يارب
انا الولاد عندى اشتروه من كارفور فى حدود 40 جنيه او حاجة زى كدة
اتمنى ان كل الناس تشتريه وماتكسلش زى حلاتى

المشاركة الأصلية كتبت بواسطة dolly13

ههههههههههه
كل تعليقاتكم حلوة
هو طبعا الحارس ربنا لكن لازم ناخد بالاسباب
هى صحيح مجرد حتة حديدة ومش مصفحة ولا حاجة لكن ممكن اوى تعطل الحرامى او تتسبب فى صدور اصوات تنبه الناس شوية
يعنى حاجة احسن من مفيش
لكن حكاية شيل البطارية دى صعبة اوى الحقيقة انى اعملها باقولكو كسلية
وفعلا لو حطينا اسد مش هايغلبو لكن اهو عشان الواحد مايزعلش اوى لو اتسرقت
ولو انى شايفة ان السرقات قلت اوى والشرطة فعلا بقت شايفة شغلها
وربنا يسترها عاينا كلنا

انا جبت البتاع دي قسط وحاطتها جنب العربية تحت البيت