الطنابير في الكروز خارج الضمان !!!!!!!!!!!

**mazonta** · 13-03-2012 04:15 PM

روحت اغير التيل الأمامي للكروز اقيت المهندس بيقولي السيارة محتاجة طنابير,بس انا عمري ما سيبت التيل لدرخة انو يبوظ الطنابير بغيرة كل 15000 KM و هيا مش داخل الضمان و العربية 57000 km ازاي انا مش فاهم !!! ,قابلت المدير و موظف GM IN EGYPT نفس الكلأم و الطنابير مش موجودة في كتاب الضمان (ما لأ يشملة الضمان ),؟؟؟؟ الكارثة ان التبل الجديد صينييييييييييييييي وانا كل مرة يغيرة امريكي و كالعادة معرفتش اعمل حاجة معاهم فروحت حماية المستهلك المهندسين امبارح وعملت شكوي بالكلأم دا ومستني الرد في خلأل 5 ايام , لو في حد من المنتدي ممكن يوضح ليا الموضوع دا ياريت ,THX

**legend_mohsen** · 13-03-2012 06:15 PM

انا غيرت الطنابير في الضمان ف فرع رابعة العدوية من 4 شهور

**mazonta** · 13-03-2012 06:53 PM

المشاركة الأصلية كتبت بواسطة legend_mohsen

انا غيرت الطنابير في الضمان ف فرع رابعة العدوية من 4 شهور

شكرا علي الرد بس كنت عايز اعرف لو سمحت عربيتك عاملة كام km و تعبوك عشان يغيروها ولأ كان الوضوع سلس

**amribrahim** · 14-03-2012 03:56 AM

حضرتك عملت جميع الصيانات ولا لأ ... منصور و جنرال موتورز بطلع العميل برا الضمان لو معملش 3 صيانات و راح عمل رقم 4 مثلاً

بس النقطة إن مهندس بتاع جنرال موتورز ألك برا الضمان يبقى هارد لك ليك

**mazonta** · 14-03-2012 04:26 AM

عملت جميع الصيانات ,ومعايا الأوراق بس مش هسكت دول نصابين,الصيانات في ابوغالي و مقار و منصور

**amribrahim** · 14-03-2012 05:26 AM

هو كتاب الضمان مكتوب الطنبير ضمنها إيه .. شوف هو مكتوب كام في الكتاب علشان ممكن يكون مكتوب و بعد متعمل مشكلة يطلع إن الموضوع دة كان مكتوب في الكتاب

بس كدة كلامك هيبقى مع جنرال موتورز مش منصور علشان منصور في الأول والأخر توكيل لكن المهندس بتاع جنرال موتورز قال إنت برا الضمان

حاول تكلم المصنع في 6 أكتوبر و كلم حد هناك ... مين المدير بتاع منصور اللي إنت كلمتو ... كان منصور الهرم ولا فين ؟

**legend_mohsen** · 15-03-2012 10:40 AM

معلش على التاخير في الرد انا داخل من الموبيل مخصوص اشوف عملت اية. العربية كانت عاملة ٢٩٠٠٠ كم و المهندس هوا الي قالي الطنابير فيها ريجة ومن غير مطلب غيرها في الضمان على حسابهم,جرب تيجي عند فرع غير الي كنت عندهم

**mazonta** · 27-03-2012 10:13 PM

المشاركة الأصلية كتبت بواسطة legend_mohsen

معلش على التاخير في الرد انا داخل من الموبيل مخصوص اشوف عملت اية. العربية كانت عاملة ٢٩٠٠٠ كم و المهندس هوا الي قالي الطنابير فيها ريجة ومن غير مطلب غيرها في الضمان على حسابهم,جرب تيجي عند فرع غير الي كنت عندهم

الحمد للة مصر لسة بخير و الف شكر ل جهاز حماية المستهلك النهاردة روحت منصور و مقدرتش اوصل معاهم لحل فقلت ابقا قليل الأدب و قلت هنا هرفع قضية عليكو و هبعت ل gm وسبتهم ونازل اخد العربية واروح لقيت المهندس بيقلي طب في حل وسط هما 50 % وانا 50% الصراحة انا قولت الي يجي منكو مصلحة فوافقت علشان زهقت و مش فاضي كل يوم اخد اجازة من الشغل و وكمان غيزوا التيل الصيني بواحد امريكي بعد استخدام اسبوعين علشان الصنعي قال هنة تيل تعبان و دفعت 575 و العربية رجعت الحمد للة زي لزيرو و بس انا مش هسكت ولأزم اوصل الموضوع اللي حصل معايا ل لgm والمعاملة السية من مهندس لgm egypt .المشكلة اني معايا ورقة مكتوب فيها ان gm 25% and mansour 75 % ومفيش نسبة تحمل علي العميل فسألت ال cashier فقال مدام مفيش نسبة تحمل علي العميل يبقا كدا مش هتدفع بس انا دفعت ودا معناة هن منصور بينصب وحملني 50 % و ف نفس الوقت بينصب مش عليا بس دا كمان علي gm و بكدة يبقا هوة دفع فقط 25%يامنصور يا عالميييو كتبت تنازل عن الشكوي بس هبعت لgm الفواتير اللي فيه الكلأم دا علشان يخدوا اكشن و هشرح اللي حصل بالظبط

**amribrahim** · 28-03-2012 04:21 AM

يا باشا يؤسفني أقولك مفيش حاجة هتحصل علشان الموضوع خلص و هما تحملوا الموضوع تحت مسمى goodwill

و على فكرة GM ايجيبت مش هتبص في الشكوى لما يعرفوا زي مقولت إن الموضوع إتحل

إنت بتدفع نسبة و منصور نسبة و GM نسبة و متخدش على كلام الراجل بتاع الخزنة علشان ده مايعرفشي أي حاجة في حوار ال goodwill ده

**mhmdalsaadany** · 14-04-2012 01:06 PM

يا باشا انا غيرت الطنابير وانا واقف عادي جدا جدا وبدون اي حوارات وكانت العربيه عامله حوالي 17000 كم في سنه و10 شهور تقريبا وانا على فكره بعمل صيانه كل 4 شهور مش كل 5000 كم وعلى فكره ساعة الجد لو حضرتك معملتش ولو حتى صيانه واحده بتطلع بره الضمان اسئلني انا واحد معرفه لما كبر الموضوع ودخل فيه حماية المستهلك ولجنه كليه الهندسه بعد كدا لقوا الضمان فيه صيانه واحدة مش مختومه قالولو العربيه بره الضمان بعد الحوارات دي كلها بس الحمد لله الراجل كان معاه الفواتير بس نسي يختم الضمان مش اكتر قاموا ممشيين كل حاجه يعني لو مكنش معاه الفاتوره كان عوضه على الله

الموضوع: الطنابير في الكروز خارج الضمان !!!!!!!!!!!

LinkBack

أدوات الموضوع

عرض

الطنابير في الكروز خارج الضمان !!!!!!!!!!! - انشر الموضوع فى :

-

-

-

-

المواضيع المتشابهه

يا جماعه حد قبل كده غير الطنابير في الضمان ولا هي فعلا استهلاكية ؟؟؟

تركيب قطع غيار خارج الضمان

ياجماعه هى اللوجان كده خارج الضمان

هل الصيانة خارج التوكيل تلغى الضمان؟

استفسار عن الصيانة فى التوكيل (خارج الضمان)

الكلمات الدلالية لهذا الموضوع

المفضلات

المفضلات

ضوابط المشاركة