الموضوع: هل فعلاً السيارات الكورى فى بداية ظهورها فى مصر كانت الناس واخده نفس الفكره

بتختلف ياباشا القصة بمعنى ... عاوز تعرف اي حاجة ارجع للأصل أو التاريخ ... زمان العربيات الكوري او المنتج الكوري بصفة عامة ... كان سيء السمعة من قبل ماينزل مصر او غير مصر ومابيفرقش عن الصيني حاجة وكانت العربيات أعطالها كتيرررررررر وتعبانة .

لكن لمن أمريكا حبت تدعم كوريا الجنوبية علشان تعلم الادب لجارتها الشمالية ... أبتدت أمريكا تودي كل التكنولوجيا ... لكوريا الشمالية وساعتها بقة للصناعة الكوري ووزن ... ده غير ان كوريا علشان تبتدي في التصنيع صح الصح بقت تاخود فوق التكنولوجيا الامريكة الدعم الياباني بمعنى شركة زي هونداي كانت بيعه عدد لا بئس به من أسهمها لشركة ميستوبيشي ... والدايو كان مستحوذة على اسهمها شركة جينرال موترز ... وكيا كانت نص أسمها كانت وخده شركة مازدا ... الي بالتالي باعت أسهمها لشركة فورد الامريكية .

كزالك هو الحال لو جينا قارنا المنتج الصيني بالمنتج التايواني ... هتلاقي التايواني هو الافضل لأن أمريكا بتدعم تايون عن الصين عدواها اللدود رمز الشيوعية الكافرة بالرأس مالية ... رغم أن تايوان جزء من الصين ولكن أنفصل عنه ونزل تحت لواء وجناح امريكا ... لذلك أمريكا بتدعم الاقتصاد التايواني .

لكن في الحالة بتاعتنا هنا ... لايوجد اي دعم للشركات الصينية ... التي تعتمد بقدر كبير على التقليد ... والتقليل من خامات المنتج ... والي يقولي اصل شركات عالمية في الصين أيوه لكن في دعم من شركات عالمية زي شركة نايك واديدس وبي أم وغيرها من الشركات ... فتلاقي العربية التابعه للمجموعة البافرية ممكن تشوف النور ... لأعتمدها على اسم الشركة ... والعربيات الي مش معروفة قرعة أبوها منين ... نورها هيطفي قريب ... وافتقار الصين لحتت الاسم والتاريخ ، لأنك بمنتهى البساطة انتا لمن تيجي تشتري سلعة فأنتا بتشتري أسم وتاريخ قبل ما تشتري المنتج ذات نفسوو ... لكن الصين معظم سيارتها تقليد كعادتهم يجيبو اي عربية ويقلدوها ... ويحطلك اسم خنفشاري عليها وكل يوم منزلين عربية بأسم جديد ، معادا التابعه لها الشركة البافرية ... لكن من حسن حظ الصين اننا عندنا قوانين بتخلي المواطن العادي يعجز انو يشتري عربية ماركة ... بسبب الجمارك والضرائب المارفقة لها ... ده غير اننا شعب رم رام يعني بيحب يرم رم ... لدرجة ان في ناس بتاكل طبق الكشري في رغيب ... والمكرونة بقت سندويتشات ... وسندويتش قنبلة فول على طعمية على عسل على طحية على شوية سلطة وعليهم حتت بتنجان مخلل ويقلك دي جمييييييييييييلة ... دي تحفة ده السندويتش مخدوم كويس ... وشوية شوية يعملولك سندويتشات بامية في رغيف فرنساوي أو ملوخية في رغيف ... ومبقاش في فرق بينا وبين الناس الي بياكلو ضفاضع مشوية او الصراصير مقلية .

لكن لو عندنا بلد زي العالم والناس هتلاقي في قوانين بتمنع وتجرم بعض العربيات انها تمشي في الشارع ... زي التكاتك الي غرقت بلدنا وحولتنا لبومباي الهند رقم 2 ... او زي صفقة الداتشيا الي جت على اسم شركة رينو وياعيني خلو الناس تبيع الي وراها والي قدمها علشان تشتريها واول ماتشتريها تسخن وتفلفص منك وتعطل في الشارع ... وفي ناس كانت جيباها قسط مبقاش عارف يسدد اقسطها ولا يصلحها ... ولا صفقت البلونيز ولا صفقت 128 الي اكتسحت البلد بحجت ان فانوسها ب 10 جنية واعطالها وتصليحها بتمن عربية قوية ... لكن كان عندنا مع الاسف حكومة زمان بتفكر بالشقلوب ونظام ودنك منين ياجحا ... وكانت بتجمركلك حتى حزام الامان الي بتعتبرو نوع من الرفاهية ... تماماً زي مابتفرض الضرائب على السجاير النضيفة ... وتغلي في سعرها لدرجة لاتطاق ... وبالتالي بيلجء المواطن للسجاير الرخيصة والمميته لأنو مش قادر يبطلها ... فديخنلك سيجارة كلها نشارة خشب وقرف ... وتضر بصحتو والمبلغ الي وفرو في السجاير الغالية ... يدفعو على المستشفيات والعيدات والحكمة والاشعات والتحاليل والادوية اضعاف مضاعفة ... وبكده يكونو خدمو المواطن .

لذلك بقول وبسئل نفسي ليه بدل مايخلونا حقل تجارب يجربوو فينا السلع الجديدة الي ملهاش ماركة ... والي ممكن تضر قد ماتنفع ... ليه ميخفضوش الجمارك للطبقة المتوسطة والغلابة ... علشان يقدرو يعيشو ويوفروا فلوسهم ... لن كده ولا كده الغالي قد مايكون غالي تمنو فيه وموفر ...
فالنقطة هنا ان عربيات الكوري نزلت مصر بعد ماكنت امريكا بتدعمها وبقت شركة محترمة ... وأنتشلتها أمريكا من الافلاس غير بعض الشركات الصينية الي لسه هتفلس واحنا عمالين ناخود في عربيتهم منهم ونفعهم مع احترامي لكل الماركات ولكل مالكيها ولأراء الاعضاء المحترمين ... وتحياتي واسف للأطالة .