اخيرا كيا سبورتاج فى سوق السودا

**Hussein_Ramdan** · 15-03-2012 12:30 AM

دة الموضوع باين من عنوانو
احنا كا عادتنا نتصرف فى اى ازمة بذكاء حتى لو كانت عربيات او حاجة للرفاهية
انهاردة واحد صحبى بيقولى انتا كنت عايز اسبورتاج قولتلو اة بس موضوع الست شهور
دة تييييييييييييييييييييييت اووووى
قالى طيب ما فى ناس ممكن تسلمها ليك عالطول قولتلو ايوة منا عارف المعارض وموضوع الاوفر بريس دة
قالى لاء انتا هتشترى من اشخاص ؟
فعلا عرفنى على ناس عايزة تبيع العربية وهى لسة مرخصتش بعد معا عرفت ان تانى فئة وصلت الى 205
وطبعا كمان دخلت على كونتاكت بردو شفت كدة ناس معاها العربية ولسة مرخصتش وعايزها تبعاها كلمت واحد قالى 202 قولتلو لية ياباشا انتا شاريها ب 186
قالى انا حاجزها من ست شهور
مبقتش عارف اقولو اية
هل وصل الامر للدرجة دى
هل فعلا العربية دى تستاهل ان يدفع اكتر من تمنها 15
هل اى اصلا سعرها مناسب انها تكون ب 186
هل الموضوع محتاج انتظار 6 شهور عشان استلم عربية من التوكيل الى بيستعبط
انا مستغرب جدا

**MASERATI** · 15-03-2012 12:50 AM

السلام عليكم و رحمة الله و بركاته

يا باشا, العيب لا هو فى العربية و لا فى اللى بيبيع, العيب فى اللى يرضى بالمسخرة دى و يشترى, أنا متهيألى أنك لو معاك عربية تحت ايدك اليومين دول, احجز و استنى ال6 شهور, أكرملك و أنت أولى بال20000 جنيه الفرق, هو أنت بتلاقى الفلوس عالأرض !!!!!.

و بعدين, كيا ايه دى اللى ب 205000 جنيه و لا حتى ب186000 جنيه!!!!!!!!!!, أما بلد عاوزه الولعة صحيح.

العربيات غالية و الجمارك نار و رغم كده الناس بتشترى و كمان مش عااااااااااااجب, تحس فى مصر أن الوكلاء ماسكين على الزباين ذلة.

**zangry** · 15-03-2012 02:18 AM

المشاركة الأصلية كتبت بواسطة MASERATI

السلام عليكم و رحمة الله و بركاته

يا باشا, العيب لا هو فى العربية و لا فى اللى بيبيع, العيب فى اللى يرضى بالمسخرة دى و يشترى, أنا متهيألى أنك لو معاك عربية تحت ايدك اليومين دول, احجز و استنى ال6 شهور, أكرملك و أنت أولى بال20000 جنيه الفرق, هو أنت بتلاقى الفلوس عالأرض !!!!!.

و بعدين, كيا ايه دى اللى ب 205000 جنيه و لا حتى ب186000 جنيه!!!!!!!!!!, أما بلد عاوزه الولعة صحيح.

العربيات غالية و الجمارك نار و رغم كده الناس بتشترى و كمان مش عااااااااااااجب, تحس فى مصر أن الوكلاء ماسكين على الزباين ذلة.

**abo_anas** · 15-03-2012 03:05 AM

المشاركة الأصلية كتبت بواسطة MASERATI

السلام عليكم و رحمة الله و بركاته

يا باشا, العيب لا هو فى العربية و لا فى اللى بيبيع, العيب فى اللى يرضى بالمسخرة دى و يشترى, أنا متهيألى أنك لو معاك عربية تحت ايدك اليومين دول, احجز و استنى ال6 شهور, أكرملك و أنت أولى بال20000 جنيه الفرق, هو أنت بتلاقى الفلوس عالأرض !!!!!.

و بعدين, كيا ايه دى اللى ب 205000 جنيه و لا حتى ب186000 جنيه!!!!!!!!!!, أما بلد عاوزه الولعة صحيح.

العربيات غالية و الجمارك نار و رغم كده الناس بتشترى و كمان مش عااااااااااااجب, تحس فى مصر أن الوكلاء ماسكين على الزباين ذلة.

ههههههههههههههههههه
والله انت زى العسل
حلو قوى موضوع الذله دى

**amribrahim** · 15-03-2012 03:40 AM

في مدينة نصر و خصوصاً في مكرم عبيد و عبدالرازق السنهوري العربية ديه مليانة فيهم بطريقة غريبة مرة كنت ماشي و عديت 10 عربيات في 500 متر مش أكتر

أنا مستني المعرض بتاع الأهرام علشان أشوف إيه الحكاية

أنا سمعت إن الخليجي موجود و رخيص

**محمد بدر** · 15-03-2012 07:29 AM

الخليجى 2000cc وسعره فوق 360 ألف جنيه

**محمد بدر** · 15-03-2012 08:12 AM

المشاركة الأصلية كتبت بواسطة amribrahim

إنت متأكد من الكلام ده؟ أنا سمعت إن فيه خليجي ١٦٠٠

سؤال ... لو فعلاً الخليجي ٢٠٠٠ cc ليه إن شاء الله تمنها ٣٦٠,٠٠٠ ليه يعني ولا هي علشان suv يعني .. ديه كمان متعتبرش suv بمعنى الكلمة ديه cuv كومباكت يوتيليتي فيهكل ف ماينفعش جمركنا المعظم يقيم العربية على انها suv

انا متأكد تماما" مفيش خليجى 1600 cc حتى هذه اللحظة والكلام على مسئوليتى
وعلشان كده الوكيل بيأخر الحجز وبيعمل ذى ما هو عايز والحجز النهارده يبتدى من 6 أشهر فما فوق
والناس التى أستخدمت العربية وعملت كيلو متر كثير بتشكر فيها جدا"
فكل الأسباب دى ساهمت فى أرتفاع الأوفر بريس

**Land_Cruiser** · 15-03-2012 11:25 AM

مفيش اى مشروع تجارى فى الدنيا تحط فيه خمسين الف جنيه لمده سته اشهر يجيبلك ١٦ الف مكسب حتى. هما بيلعبوا على نقطه ان مفيش منها خليجى ١٦٠٠ سى سى و بالتالى هما محتكرين السعر و مواعيد التسليم و بعدين ٦ اشهر دول يعنى لو حد حجز انهارده يسلموه قبل قبل ما السنه تخلص ب شهرين و نصف فقط ، يعنى يا دوبك صيانه الاف و ما يلحقش حتى الصيانه اللى بعدها و موديل ٢٠١٣ يكون نزل؟ حسبى الله و نعم الوكيل فى الاستغلال و الجشع ده