الموضوع: يوميات تلميذ ابتدائى ..... من زمااااااااااااان

ذكرياتكم كلها مرعبة كدة ليه ( جماجم !!!! ) - بس كوميدية .
الموقف الأول :
أنا ليه موقف في إبتدائي مع مدرس الألماني ( مدرستي كانت إلماني ) ، كان المدرس ألدغ في السين بيقولها كأنها خاء - وكنت بحب الألماني أوي وكنت مميزة في السنوات اللي قبل الأستاذ دا ما يستلم الفصل - فكان كل ما يشرح أو يتكلم - كنت أموت من الضحك - فأتترد - أو أتعاقب - رغم إن في كلمات كتير في الألماني بتتنطق بلدغته دي وبتكون كلمات صح زي Ich يعني أنا .
الموقف الثاني :
مدرستي كانت مشتركة لغاية ثانوية عامة - ولتقليل الأحاديث خلال الحصص في الفصل - المدرسين مرتبين الفصل ولد جنب بنت - مش بنتيين جنب بعض - ومش ولدين جنب بعض - وفي ثانوية العامة جيه زميلي في الفصل ( أبوه تاجر ومعاه فلوس وعربية بسواق وحاجات كدة ) دا كان مؤدب أوي وعمره ما أتكلم أصلاً لا في الدراسة ولا في أي حاجة تانية - وفجأة قال لي أنا عايز أتجوزك بعد لما أخلص الثانوية العامة - أنا طبعاً فرحت جداً ( شغل عيال ) - أولاً هلبس الفستان والطرحة - ثانياً اللي نعرفه أحسن من اللي ما نعرفوش - وجريت قولت لبابا وماما - قال لي وفيها أيه بترقية !؟ - وأنتم الأتنين رايحين الكلية أبوه يديلوه مصرفكم وسندوتشاكم - أتكسفت من نفسي أوي - بس لما أفتكر الموقف دا - أضحك جداً .
الموقف التالت :
كان فيه مادة أجباري في أبتدائي وأعدادي أسمها البولوتكنك للأولاد - والتدبير المنزلي للبنات - أنا كنت غاوية بلوتكنك وأشطر من الأولاد فيها وكان كل الأولاد بينادو لي المهندسة ناني - وكانوا معتمدين عليا في مشروع بنعمله في أبتدائي ( ديزاين من الطين الصلصال لقلعة ) بس جيت أحطه في الفرن وقع مني أتعجن وباظ - ومن وقتها بطلوا يشجعوني مع كثير من التأليس - فقلبت للتدبير المنزلي وأنا مكسورة .

والله فكرتنى بالذى مضى... انا بقة كنت فظيعة وانا صغيرة واغلبية المواقف اللى كانت بتحصل معايا بسبب العفاريت برده....
كنت فى اولى ابتدائى وكنت طبعا طول الوقت تقريبا عند جدى وجدتى وطبعا بحكم ان انا طول الوقت هناك اتصاحبت على كل اللى كانوا فى الشارع وكل الشوارع المجاورة...(اعمل ايه بس الكل عايز يتعرف عليه ههههه) وكنا كل يوم من الساعة 1 الظهر لحد الساعة 2 او 3 بالليل بنلعب وكان فى بيت جنب بيت جدى على طول مهجوووور ماحدش بيجى ليه خالص البيت ده اصلا لحد فترة قريبة كل ماكنت اشوفه اترعب... المهم فى مرة بالعب بره قدام البيت وكل الولاد والبنات متجمعين تقوم واحدة تتخض وتصرخ وطبعا الكل فى حالة ذهول تقول الشباك فى البيت لاقيته نازل منه دم نيجى نبص مافيش حاجة يابنتى اهدى مافيش فايدة المهم شوية وبعدين ابص انا بقة الاقى الشباك فعلا بيتحرك وفى حاجة غريبة انا سكت وبطلت لعب وفضلت بقة مركزة شوية واقول مافيش حاجة وبعدين اجى ابص الاقى الشباك مرة فى منه حاجة باينه ومرة فعلا زى مايكون نازل منه ده ومره الاقيه بيتحرك المهم فضلت يومين بالضبط اتابع وانا مرعوبة اصلا لحد ماقلت لكل العيال اللى معااانا وكلهم طبعا كل شوية يجيبوا ناس تاكثر ويقفوا قدام البيت علشان يشوفوا وبما انى كنت انا القائدة بتاعتهم قولهم بصوا وشوفوا واهو وماعرفش ايه... والعيال يصدقوا وكلهم مرعوبين وماحدش راضى ييجى جنب البيت واللى بيحلم بالعفاريت واللى بيدعى عليه هههههه واللى يقول والله مانا جى هنا ثانى لحد ماجه واحد كبير وجاب مفتاح البيت ودخل مخصوص علشان يثبت ليه ان مافيش حاجة .. ونزل اصحاب البيت مخصوص من بورسعيد بسبب المواااال ده...وعلشان يبين للناس انه عادى ومفيهوش حاجة لانه بجد كان الناس فى الشارع بداوا يخافوا.
واسبوع مع الثانى مع الثالث الموضوع هدى جدااا ومافيش اى حاجة.




ملحوظة.... على فكرة بجد اللى الواحد كان بيشوفه مش تهيااات ولا حاجة لان البيت ده فعلا مسكووون.

ثانى قصة بقة ودى كنا لسه عياااال عيال يعنى... كنت بالعب عند خالى وكان فى المعهد الازهرى لسة بيبنوا فى الاعدادى والثانوى وكدة يعنى الابتدائى كان خلصان وكانوا بيجهزوا فى الاعدادى والثانوى وطبعا تشوف المعهد وقتها فى عز الظهر تحسه مغااااااااره وتخاف من منظره اصلا ومافيش فيه اى حركة ولا الهوا اصلا...لاننا عيال طبعا كانت تيجى اكبرنا وتقولنا ده فى هنا عفريتة اسمها ماعرفش ايه مش فاكرة يعنى ولابسه اسود فى اسود والاطفال الل بيدخله هناك بتقتلهم ف الحمامات ومش عارفة ايه... وتقولنا عارفين النداهه وتحكيلنا طبعا حكاوى النداهه والكلام الفاضى اللى يرعب الكبار مابالك صغيرين وتقول دى بقة العن من النداهه ودى بقة اتقتلت هنا وروحها بتطلع من بداية المغرب (قال يعنى خايفة تظهر فى العصر ولا الظهر خايفة على نفسها) واللى يقرب من المعد ولا يدخل بتمسكه تقتله وماحدش بيلاقى الاطفال دى ثانى طبعا الواحد فضوله بيبقى هايقتله عيال بقة ومش فاهمين حاجة... المهم نقوم انا واللى عاملين فيها اسود نقول احنا ندخل وكل اربعة مع بعض ونشوف الموضوع ده ودخلنا روحنا للابتدائى الاول مافيش اى حاااااااجة بس بقة هس اسكت وماحدش فينا بيتكلم (كان بعد صلاة المغرب بشوية صغيرين) طبعا الواحد ماشى مرعووووب لحد ماوصلنا لاعدادى وهنا بقة فتحناها ضحك بقة وموال ثانى وعاملين نلعب فى الرمل ونطلع الفصول..لحد مالاقينا بجد فى خيال تحت عتبه باب فى فصل من الفصول رايحة جاية ولدنيا لسه بتقول ياهادى علشان تليل وفى صوت احنا شوفنا الكلام ده من هنا وصريخ وصويت والحقونا وفى مننا اللى نط من فوق السور مش عارفة ازاى واللى لسه فى حالة عياط وصويت وحالتنا حاله وخايفين ننط او اى حاجة وبعدها لقينا فعلا الدنيا بتليل واللى نطوا بيقولوا لينا نطوا وماعرفش ايه لحد مالاقينا خيال وحياة ربنا انا ماعرف الواحد نط ازاى والسور بقة عااالى ولاقينا نفسنا كلنا فى الشااارع.. وبنجرى وفى عفاريت والحقونا.. الناس اتلمت وييجوا يبصوا فوق مافيش حاجة ... وبعديها بشوية لاقينا واحد جاى وبيقول انا كنت طالع اشوف مين اللى فوق وانتم نطيتم...كلنا نبص لبعضنا ونموت على نفسنا من الضحك.. ونقول ده تهياااات (هههههههههههههههه) لحد دلوقتى قصصنا واحنا صغيرين بتتقال للعيال الصغيرين (عظة بقة) بس بجد من كثر ماتحكى لينا بقة ممكن نتخيل حاجات مش موجودة ونترعب بقة والكلام ده...

كنت في اولى ابتدائي وذهبت العب مع بعض ابناء الحي في الشارع ايام الاسكندرية واقترحت على العيال
اننا نتشعبط في العربيات ..!!! وانتظرنا حتى عدت عربية نقل وهوب اتشعبطنا جميعا في العربية ليتنبه السائق ان هناك اطفال متشعبطين في العربية ليضرب فرامل في هذه اللحظة كنت اقف على الاكصدام الخلفي العيال نطت وجريت وانا سقط داخل صندوق العربية النقل لتنطلق العربية مرة اخرى وانا بداخل الصندوق في قمة الرعب والبلاهه لتقف العربية بعد فترة في حي سيدي جابر ليجدني السائق ابكي داخل صندوق العربية وبعد ان حكيت حكاية وجودي في الصندوق ارجعني السائق الى البيت ... ونلت علقه محترمه

القصة الثانية كنت اشاهد فيلم " عنتر ولبلب " بتاع السبع اقلام اندمجت في الاحداث وقررت ان اعطي عيل يسكن في شارع مجاور لنا 7 اقلام على وجهه كل يوم غلاسه منى كل يوم كنت اقابل الواد الطشه قلم على وشه واجري وانا بقول القلم الاول ... وكنت اعمل كمائن له لأظهر له فجأة والطش القلم واجري وانا اذكر رقم القلم ...!!! وفي القلم الخامس كنت عامل كمين للواد خلف عربية والواد كان شاري بيض والراجل كان حاطت البيض في قرطاس ورق ولما ظهرت للواد فجأة صعق الواد ولطشته القلم الخامس والبيض وقع منه على الارض وانا لفيت و بجري خبط في ابو الواد اللى كان شايف الموقف من اوله طبعا مسكني ووداني الى ابى رحمة الله عليه ليشتكي له منى ويحكي له القصه ليقوم ابي بإعطائي الـ 7 اقلام على وشي مره واحده