مشكلة زجاج الابواب الامامية للوجان فى المطبات

**eng_mido9** · 15-03-2012 12:51 PM

عندى مشكلة مع زجاج الابواب الامامى لما يكون مفتوح للمنتصف بيعمل صوت رجرجه جامد مع المطبات والتكسيير !!!!! بمعنى ان المجرى بتاعة الازاز فيها بوش او كبيرة (ياريت ما حدش يقول ان الازاز مساحته كبيرة عشان كده بيعمل الصوت ده لان فى عربيات كتيير بنفس المساحة دى وما بتعملش كده) والمشكلة دى حستها من اول ما جبت العربية وبشتكى منها مع كل صيانة ابتداء من 5000كم وللأسف العربية 2011 فى الضمان عاملة دلوقتى 26000 كم وما اتحلتش واخر حاجه وصلت ليها مع توكيل القطامية فى صيانة ال 25000 ان ده عيب فى كل اللوجان وانى اقفل الازاز وانا ماشى واشغل التكييف احسن!!!!!!!!!!!!!!!!!!!!!!!!!!!!!!!!!!!!!
ياريت يا شباب اللى عنده المشكلة دى يقول وهل ليها حل بره التوكيل لانهم مش عارفين يحلوها لغاية دلوقتى اعتقد ان العربيات الصينى ما فيهاش المشكلة دى !!!!!!!!!

**dr_mohamed16** · 15-03-2012 02:24 PM

انا معنديش المشكله ديه بصراحة
و ماعتقدش انى شوفت حد من الاعضاء اتكلم عنها
اعتقد مشكله غردية

**ophthahmed** · 15-03-2012 02:55 PM

انا عندى نفس المشكلة حصلت فى الباب الامامى يمين بعد حل مشكلة كانت فى السنتر بتاع نفس الباب فى التوكيل و فعلا بحس برجة فى الزجاج فى المطبات لما يكون الشباك نص مفتوح و سألت فى التوكيل عند صيانة ال5000 قالو ملهاش حل...بس بجد صداع خاصة لو مركز مع الصوت
انت رحت التوكيل و قالو لحضرتك ايه؟؟؟

**mido7337** · 15-03-2012 08:28 PM

انا عندى نفس المشكله و مش عارف احلها

**lord777** · 15-03-2012 10:34 PM

شوف اى بتاع ابواب محترم غالبا المشكلة مشكلة الكاوتش اللى فى الباب او ممكن تكون تربيط مسامير فى الداخل على فكرة بسطة ان شاء الله بس شوف بتاع ابواب كويس و ما تقلقش نهائى

**blackhorse123** · 15-03-2012 11:31 PM

مشكله غريبه انا ما عنديش المشكله دى الحمد لله

**waleedfadeel** · 16-03-2012 02:19 PM

عندى نفس المشكله، ولو سمعت الصوت افتح الزجاج قليلا او اقفله قليلا وسوف تجد وضع لن تسمع فيه اى صوت للزجاج

**Xlance2010** · 17-03-2012 06:56 PM

المشكلة بالفعل عندى ولكنى توقعت انها مشكلة فردية ، ولكن حلها سهل ، وهو انى احرك الزجاج قليلا لاعلى او لاسفل واقلمت نفسى على كده ، وللعلم سيارتى موديل 2011 وحتى الان العداد 8000 كم ، والله الموفق

**eng_mido9** · 18-03-2012 04:26 AM

المشاركة الأصلية كتبت بواسطة ophthahmed

انا عندى نفس المشكلة حصلت فى الباب الامامى يمين بعد حل مشكلة كانت فى السنتر بتاع نفس الباب فى التوكيل و فعلا بحس برجة فى الزجاج فى المطبات لما يكون الشباك نص مفتوح و سألت فى التوكيل عند صيانة ال5000 قالو ملهاش حل...بس بجد صداع خاصة لو مركز مع الصوت
انت رحت التوكيل و قالو لحضرتك ايه؟؟؟

فعلا الصوت ده صداع والاسوء لو حد راكب معاك وقاعد يسمع الصوت الجميل ده طبعا مش هايصدق ان العربية موديل 2011 هايفتكر نفسه قاعد فى اتوبيس قديم !!!!!!!!!!!!!!!! والله اخر كلام مع التوكيل كان القطامية قاللى ان ده عيب ومشكله عامة فى اللوجان قولتله طيب ادينى تقرير عن حالة العربية وقولى فية ان المشكلة دى مشكله عامة لقيتة وشه جاب الوان الطيف وقالى احنا هندخلها ورشة السمكرة ولو فيها اى حاجة تاكد اننا هانصلحها وطبعا زى ما دخلت زى ما خرجت وانا بالنسبة بحاول اتأقلم انى اشغل التكييف على طول وما افتحش الشباك حتى عشان الجو بره كله تراب !!!!!!!!!!!!!!!!!!!!!!!!!!!!!!!!1

**eng_mido9** · 18-03-2012 04:34 AM

انا كدة اتاكدت ان المشكلة دى مش مشكلة فردية واللى متأكد منه اكتر ان التوكيل لو عايز يصلحها هايصلحها لانى مره اشتكيت من تزيق العفشه فى المطبات المهندس ركبلى كاوتشة زيادة فى المساعد ومن ساعتها بصراحة ما سمعتش الصوت نهائى والعفشة بقت انعم ف معنى كده انهم عندهم حد بيفكر ومخة نضيف ليييييييييييييييييييييييي يييييييييييييييييه بقى مايحلوش المشكله الهايفة دى؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟

الموضوع: مشكلة زجاج الابواب الامامية للوجان فى المطبات

LinkBack

أدوات الموضوع

عرض

-

-

-

-

المواضيع المتشابهه

شاهد بالصور انواع المصابيح الامامية والخلفية للوجان

عايز اغير سماعات الابواب الامامية للعربية نوبيرا 2

مدى امكانية تركيب سماعات فى الابواب الامامية

زجاج الابواب بالفيرنا بترجرج مع قفل الابواب

كاوتش الابواب الامامية للرينو ميجان 2 عامل كام جديد ومستعمل؟؟

الكلمات الدلالية لهذا الموضوع

المفضلات

المفضلات

ضوابط المشاركة