معلومة علي الماشي لزيت الموتور والباور للاوكتافيا

**mezo73** · 15-03-2012 11:03 PM

بمناسبة اني كنت مع احد الاصدقاء كان بيتفرج علي عربية اوكتافيا a4
بعد اتفرجنا علي العربية كانت العربية من برة وجوة معقولة بس فيها شوية تجاريح وكدة
بس لفت انتباهي ان صاحب العربية كان جايلنا بيها وبطلها وفضلت مروحة التبريد شغالة اكتر من ربع ساعة المهم سالتة فقالي انة مايعرفش اية السبب وانة شاري العربية من سنة تقريبا وبيعملها الصيانة برة قلت اشوف المية والزيت لقيت المية تمام
بشوف الزيت طلعت المقاس ومسحتة وحطيتة تاني وبقيس لقيت مافيش زيت سالت الراجل انت غيرت الزيت امتة وبتحط نوع اية والكمية وكانت المفاجاءة
لما قالي انة بيغير 4 لتر بس
علشان كدة حبيت ااكد للناس اللي ممكن تعمل صيانة برة العربية بتاخد 4.7 لتر بالتمام والكمال زي مابيقول الكتالوج لا اقل ولا اكتر حتي لا يحدث ما يحمد عقباة ودة بالفلتر طبعا
وعلي فكرة الزيت لما بيكون كتير دة غلط
تاني حاجة بخصوص زيت الباور علشان بعض الناس مابتعملش تشك علي بعض الحجات اللي مش باينة ومنها زيت الباور
المفروض قياس زيت الباور لما العربية تكون سخنة وبأكد ان العربية تكون سخنة
يعني ماينفعش تقيس زيت الباور والعربية باردة والكلام دة من كتالوج العربية
النقطة التانية ان زيت الباور بتاع الاوكتافيا زيت باور ابيض وليس احمر يعني لونة شفاف وهو موجود عند بتوع قطع غيار الاسكودا وباكد ان اللي زيت الباور بتاعو ابيض لازم يحط من نفس النوع وبالتالي اللي زيت الباور بتاعة احمر يحط نفس النوع
علي العموم انا فحصت الزيت عندي وطلع ناقص مقدار فنجان قهوة تقريبا وروحت للميكانيكي وفحصلي الدورة كاملة الحمد لله مالقيتش اي تسريب وكملت الزيت
وبالمناسبة دي ان شاء الله لو حد عاوز يكمل الزيت بدل مايجيب الزجاجة لانها كبيرة وعمر ما هايحتاج كمية كبيرة يتفضل يقولي وانا معايا الزجاجة مليانة

**sakr_skoda** · 16-03-2012 08:14 AM

حضرتك بتقول 4.7 لتر زيت بالفلتر طيب مهو ممكن بيكون بيحط اربعة لتر فقط بدون الفلتر ودا الطبيعى للعربية يبقى مش هى دى المشكلة ممكن تكون فيه مشكلة تانية لابد من فحص السيارة فى التوكيل او عند ميكانيكى اسكودا شاطر....

وعلى العموم تكرم على المعلومات المفيدة....

**mezo73** · 16-03-2012 02:18 PM

المشاركة الأصلية كتبت بواسطة أبو كنوز

كلام صحيح وبعدين الغريب ان المهندس يوسف قال هنا انها بتاخد 5 لتر بالفلتر وهو شغال فى مركز خدمة سكودا
انا عن نفسى بحط 4.5 بالفلتر والعربيه معايا تمام ولما بغير الزيت بيكون المقاس القديم مضبوط

انا قولت يا ابو كنوز اجيب كلامي بالدليل
والدليل اهو

Uploaded with ImageShack.us
وعلي فكرة 4.5 من 4.7 لتر مش هاتفرق انما هوكان بغير 4 لتر بالفلتر والكلام دة علي مدار سنةوعامل بيها 20000 كيلو فنقص الزيت ادي لان الموتور بقي خفيف وبياكل زيت
الفكرة اني عامل موضوع ارشادي فقط علشان لو اي حد اتضر يعمل صيانة برة التوكيل مايعملش حاجة غلط وهو مش عارف
اما موضوع وضع الزيت بزيادة بأكد انة غلط مش صح لا زيادة ولانقص
وتقبلوا مروري اخوتي الكرام

Uploaded with ImageShack.us

**أبو كنوز** · 16-03-2012 04:10 PM

المشاركة الأصلية كتبت بواسطة mezo73

انا قولت يا ابو كنوز اجيب كلامي بالدليل
والدليل اهو

Uploaded with ImageShack.us
وعلي فكرة 4.5 من 4.7 لتر مش هاتفرق انما هوكان بغير 4 لتر بالفلتر والكلام دة علي مدار سنةوعامل بيها 20000 كيلو فنقص الزيت ادي لان الموتور بقي خفيف وبياكل زيت
الفكرة اني عامل موضوع ارشادي فقط علشان لو اي حد اتضر يعمل صيانة برة التوكيل مايعملش حاجة غلط وهو مش عارف
اما موضوع وضع الزيت بزيادة بأكد انة غلط مش صح لا زيادة ولانقص
وتقبلوا مروري اخوتي الكرام

Uploaded with ImageShack.us

انا مصدقك وعارف ان كلامك من الكتالوج بس انا قصدى انها حاجه تحير فالمهندس يوسف شغال فى مركز خدمه سكودا وحضرتك كلامك من كتالوج العربيه وانا بحط 4.5 ومافيش مشاكل خالص والحمدلله وكلام SAKR برضه صح على اساس لو الراجل بيحط 4 لتر من غير الفلتر انما بالفلتر طبعا يبقى كلامك صح وعموما متهيالى انى بحط الزيت صح ف 4.5 من 4.7 مش بعيد ولا ايه رايك وهل الفرق البسيط ده ممكن يعمل (نعره) فى صوت الموتور شوف كده الموضوع ده عن عربيتى وقولى رايك
http://www.nilemotors.net/Nile/276983-a4.html

**mezo73** · 16-03-2012 08:00 PM

المشاركة الأصلية كتبت بواسطة أبو كنوز

انا مصدقك وعارف ان كلامك من الكتالوج بس انا قصدى انها حاجه تحير فالمهندس يوسف شغال فى مركز خدمه سكودا وحضرتك كلامك من كتالوج العربيه وانا بحط 4.5 ومافيش مشاكل خالص والحمدلله وكلام sakr برضه صح على اساس لو الراجل بيحط 4 لتر من غير الفلتر انما بالفلتر طبعا يبقى كلامك صح وعموما متهيالى انى بحط الزيت صح ف 4.5 من 4.7 مش بعيد ولا ايه رايك وهل الفرق البسيط ده ممكن يعمل (نعره) فى صوت الموتور شوف كده الموضوع ده عن عربيتى وقولى رايك
http://www.nilemotors.net/nile/276983-a4.html

في البداية بسم الله مشاء الله عربية جميلة

موضوع النعرة دة ممكن يكون من كذا حاجة
يعني مرة انا كنت غيرت زيت شل 5000 وما عجبنيش لانة عمل صوت النعرة بس كان علي السرعات العالية
وممكن يكون من فلتر الهوا ممكن تفكة وتشوفة وبالمرة تجيب منظف انجكشن لان دة ممكن يكون سبب
ممكن يكون من سنسور العمة عاوز تنظيف
وممكن تكون البوجيهات مرطبة وادائها مش كويس يعني لو مع صوت النعرة السحب وحش واستهلاك البنزين عالي عن معدلة
ودة ممكن يكون بسبب ركنة لو انت بتسافر وتركنها كتير
بس اكتر من كدة مااعتقدش ان يكون في سبب تاني

**أبو كنوز** · 16-03-2012 08:35 PM

المشاركة الأصلية كتبت بواسطة mezo73

في البداية بسم الله مشاء الله عربية جميلة

موضوع النعرة دة ممكن يكون من كذا حاجة
يعني مرة انا كنت غيرت زيت شل 5000 وما عجبنيش لانة عمل صوت النعرة بس كان علي السرعات العالية
وممكن يكون من فلتر الهوا ممكن تفكة وتشوفة وبالمرة تجيب منظف انجكشن لان دة ممكن يكون سبب
ممكن يكون من سنسور العمة عاوز تنظيف
وممكن تكون البوجيهات مرطبة وادائها مش كويس يعني لو مع صوت النعرة السحب وحش واستهلاك البنزين عالي عن معدلة
ودة ممكن يكون بسبب ركنة لو انت بتسافر وتركنها كتير
بس اكتر من كدة مااعتقدش ان يكون في سبب تاني

الف شكر لحضرتك ميزو بيه بخصوص الزيت فانا دايما بحط موبيل (4.5 بالفلتر) ههههه وبسقطه بدرى عن معاده يعنى الزيت دايما واحد
اما فلتر الهوا مابقالوش كتير وكنت شفته نضيف بس ان شاء الله هاغيروا حتى لو لسه شغال
ومنظف الانشجكشن عملته السنه اللى قبل اللى فاتت فان شاء الله اجيبه معايا فى الصيف واعمله لان كتره برضه غلط
وسنسور العمه ده الحقيقه ماعرفهوش
اما البوجيهات ممكن تكون مرطبه وفعلا العربيه مرفوعه دايما ما عدا شهر او اتنين كل سنه بس السحب تمام ومافيش استهلاك بنزين