الموضوع: مش لاقى عنوان غير محتار وغلبان

المشاركة الأصلية كتبت بواسطة hany63

+1111111111111111
عشان ممكن تصرف قد تمنها عشان تصلحها في حالة المفاجئات الغير ساره

+1111

السلام عليكم
أولا ربنا يوفقك للحاجة المناسبة ليك
ثانيا أحب أنصح حضرتك إنك تتوكل على الله وتحدد هدفك بأنك تركب عربية أوروبي بصفة عامة.... ليييييه؟؟؟
محدش ينكر إن الأوروبي يمتاز بكفاءة المحركات وارتفاع معدلات الأمان والثبات والقوة عن المدرسة الآسيوي، لكن عشان يكون معاك عربية أوروبي محترمة وكويسة وتريحك لازم الأخد بالحسبان إن الاختيار يكون بعد الفحص والتكشف المتأني الكامل الشامل من قبل متخصصين في النوع، والصيانات تكون عند فني متخصص في النوع ومشهود له بالكفاءة..... إزاي؟؟؟
يعني مثلا لو هتشتري ميجان، لازم الفحص للموتور والفيتيس يتم عند فني رينو شاطر، والعربية تترفع وينكشف عليه كويس. ولو هتشتري أوبل لازم الفحص يكون عند ورشة أوبل.
ولما ربنا يكرمك وتشتري تعمل الصيانات والإصلاحات عند فني رينو مثلا، وبالتالي وبالتأكيد هتكون عربيتك جديدة علطول ومريحاك ونادرة الأعطال ومتشتكيش أبدا وقطع الغيار اللي هتشتريها هتعمر معاك وتوفر معاك، الكلام ده مش تخيلات وإنما تجارب. ركبت الكليو والميجان، والبورا والبيجو وجميع عائلة سكودا، وفعلا اتعلمت إنك تصلح عربيتك عند الدكتور بتاعها وهترتاح. سامحني للإطالة، وعلى العموم رينو ميجان 2006 كانت معايا وحاليا مع صديق شغال بيها في المقاولات ومش عاوز أقولك كفاءة إزاي.... بس....... الصيانات عند فني رينو شاطر (طبعا مش التوكيل، سيبك من أي توكيل) وقطع الغيار بنشتريها تركي أو فرنساوي وكله محترم والأسعار زي الفل، بس برضه أكرر عليك لازم تشتري حالة كويسة ومش متهانة والكشف على الموتور والفيتيس ضروري بالكمبيوتر وبالتجربة الفعلية والعملية بواسطة فني رينو، وبالتوفيق

المشاركة الأصلية كتبت بواسطة hany63

+1111111111111111
عشان ممكن تصرف قد تمنها عشان تصلحها في حالة المفاجئات الغير ساره

معلش ياباشا بس سؤال ايه اخبار السايبا برايد معاك

بص يا باشا انا معايا الاسترا عربيه محترمه حمار شغل وبهدله من ناحيه الموتور كفائه وجراي من ناحيه الثبات ثباتها ممتاز جدا بحس اصلا انها بتاعت السرعات العاليه والفرامل بتعتها قويه اوي ولما بتهبل بيها بتسد اوي وطالما انت بتدور علي الاوروبي فا كلهم فيهم امان الاسترا فيها اي بي اس واتنين اير باج والقضبان الصلب او الفلاز الي بتبقي في الباب دي وهي باور كهربا ومش بتاكل بنزين اوي علي حسب السواقه وعموما هي مفيهاش مشكله عامه الناس تشتكي منها وهي فيها شويه اوبشنز كدا زي اللينسيز الي في الفوانيس والديد لوك وريموت في المفتاح وطبعا زرار الاسبيد وشويه حاجات تانيه هتعرفها لو جبتها ان شاء الله والصاج بتاعها مشاء الله الاوبل كدا عموما قوي جدا وهي ممتعه في سواقتها
اهم حاجه بغض النظر عن العربيه الي هتشتريها ان شاء الله اتقني ومتستعجلش واعمل صلاه استخاره واللهي فرقت معايا جدا كنت مسافر اخلص في عربيه استرا وكانت متظبطه وتمام التمام سبحان الله الازاز جه فيه سرطان بتاع العربيه ههههههههههه والعربيه اساسا لما فتحت الكبوت طلعت واخده خبطه فا دقق في كل حاجه فيها كويس وربنا يوفقك للخير