شغل ومرتب منخفض !!!!

**hazoom2006** · 16-03-2012 10:40 PM

انا الحمد لله قدمت فى شغل واتقبلت وطبعا مندوب مبيعات المشكلة ان المرتب 650 جنيه وعموله 2% وطبعا مبيعات يعنى هفضل مشاوير هنا وهناك ومواصلات ومصاريف فى حاجة بقا صاحب الشغل بيقولى هتمضى على عقد مثلا انك لو سبت الشغل خلال فتره معينه سنه هتدفع شرط جزائى طبعا هيكون مبلغ كبير انا روحت واتقبلت الحمد لله خلاص وتمام بس قلقان من حكاية الشرط الجزائى دة علشان لو الشغل كان كتير وخصوصا انى هكون لوحدى المبيعات لان الفرع جديد او لقيت نفسي هصرف المرتب كله مواصلات ؟؟؟يبقى انا مش هعرف اسيب الشغل قبل مالسنة تخلص ؟؟؟

هل اقبل 650 جنيه ولا اطلب الزياده ولو ماوافقوش ؟؟؟ وبرده الشرط الجزائى قالقنى

**Screenplays** · 16-03-2012 10:53 PM

فكك من شغل المناديب ده و خصوصا لو لشركه بضاعتها مش بياعه و كفايه طريقه كلام الناس مع المناديب لاني جربت ابقي مندوب لمده يومين صرفت فيه مبالغ ده غير جالي اكتئاب من طريقه كلام الناس فسيبك من الشغلانه دي كلها و كله كوم و موضوع الشرط الجزائي ده كوم تاني لان اعرف ناس متدبسين و بيعملوا مشاكل عشان صاحب الشغل يرفدهم و مفيش فايده فيا هيكملوا يا هيدفعوا يا هيتسجنوا

**أبو صلاح** · 16-03-2012 10:56 PM

ياباشا مفيش حاجة اسمها شرط جزائي الا في حالات معينة مثلا لو هيديلك كورسات مكلفة شوية او خلافه

لكن في حالتك دي يتكتب في العقد مهلة قبل الاتقالة من الطرفين تكون مكتوبة وموقع عليه بالقبول

يعني لو حبيت تمشي تقدم زي تنبيه بالاستقالة قبلها بشهرين ويوقع هو بالاستلام وكذلك لو حب هو يمشيك

نصيحتي ليك بالشكل ده ترفض ولو على شغل مناديب المبيعات متوافر بكثرة جدا ومرتبات اعلى من كده كمان
اقل مندوب مبيعات انهاردة اعتقد اساسي مش اقل من 800 جنيه

**hazoom2006** · 17-03-2012 01:04 AM

مهو المشكلة ان فرصة العمل دلوقتى نادرة جداااا حتى لو لقيت بيطلبو خبره مش اقل من 3 سنين !!! وانا لسة مخلص جيش ومافيش خبره
البضاعه اجهزة كاميرات وانزار ومراقبه واجهزة حضور بالبصمة اللى مريحنى شوية ان الشركة عندها اربع فروع ف الجمهورية وبتفتح الفرع الجديد عندنا

**Screenplays** · 17-03-2012 01:10 AM

لو تعرف تلغي الشرط الجزائي و عرفهم ان موضوع بيع اجهزه الانذار دي صعبه عشان ميجوش يقولوا معملتش مبيعات فلو قالوا امين دوس مقالوش طير

**hazoom2006** · 17-03-2012 01:50 AM

اللى في الخير يقدمة ربنا

مش عارف اقول اية على البلد كل صاحب شغل بيفكر ازاى انه يشغل الموظفين باقل اجر والمعيشة كل يوم بتغلى اكتر والشباب محبط والله

**Screenplays** · 17-03-2012 02:31 AM

تعالي شوف اللي شغالين عملوا ايه ؟ ... و الله من بعد الثوره المجيده ما دخل جيبي جنيه و فلوس خلصت و الشغل كله واقف

**hazoom2006** · 17-03-2012 02:48 AM

مهو ده اللى مخلينى متردد وبرده قلقان انى مالقيش شغل
ربنا يكرمك ان شاء الله

**Screenplays** · 17-03-2012 03:05 AM

الله يخليك يا فندم و ربنا يوفق الجميع و يفرجها علينا

**rockana9112007** · 17-03-2012 07:36 AM

بص ياباشا انا عاوزك تحط نفسك مكان صاحب الشغل

ياترى هو لية حط الشرط الجزائى دة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وطبعااا هيا واضحة زى الشمس ...........................محدش بيعمر معاة والكل بيطفش بمعدل عالى يعنى تجرى وتقول يافكيك
هو مفكر انة هيمسمرك جنبة بالشرط الجزائى

الموضوع: شغل ومرتب منخفض !!!!

LinkBack

أدوات الموضوع

عرض

شغل ومرتب منخفض !!!! - انشر الموضوع فى :

-

-

-

-

المواضيع المتشابهه

حل مشلكه r p m منخفض

مطلوب لشركة كبيرة ومرتب محترم لكول سنتر

مشروع منخفض القطاره

rbm في السياره منخفض

ليه سعر الستروين ax المستعمل منخفض

الكلمات الدلالية لهذا الموضوع

المفضلات

المفضلات

ضوابط المشاركة