ما هي افضل مناطق الشيخ زايد

**aminibrahim** · 17-03-2012 07:31 PM

معلش يا جماعه افضل مناطق الشيخ زايد؟؟؟؟؟؟؟

وسعر المتر فيها يتراوح لكام؟؟؟؟؟؟؟؟

والمساحات ؟؟؟؟

معلش يا جماعه ساعدوني عشان بلم نفسي ومقبل علي الشراء؟؟؟؟؟

**NoOoOoUr** · 17-03-2012 10:11 PM

ممممممممممم هو حضرتك اللى اعرفه شااااارع الشيخ زايد بدبى .... وده اللى فيه شركات عالمية ومطاعم ومرااااكز الى اخررررره....
فاياريت بس التوضيح؟

**aminibrahim** · 17-03-2012 10:22 PM

المشاركة الأصلية كتبت بواسطة nooooour

ممممممممممم هو حضرتك اللى اعرفه شااااارع الشيخ زايد بدبى .... وده اللى فيه شركات عالمية ومطاعم ومرااااكز الى اخررررره....
فاياريت بس التوضيح؟

انا قصدي مدي المدينه اللي عندنا زايد_____ مش اسمها الشيخ زايد؟؟؟؟؟؟ مش هي امتداد لاكتوبر؟

انا كنت عابز اعرف احسن مناطقها ايه؟؟؟

شكلي مش عارف اشرح

**NoOoOoUr** · 17-03-2012 10:38 PM

هههههههههههههه مش عارفة والله انت عارف تشرح ولا اية اصل اللى لاقيته منطقة الشيخ زايد وهو مافيش منطقة اسمها الشيخ زايد ده ااذا كنت تقصدها على انها مجمع سكنى او كدة يعنى.... انما شارع الشيخ زايد معروف..
عموما ... انا كده وضح انت بتستفسر عن ايه...
بس بصراحة ماعنديش خلفية قوى عن اشهر المناطق المتواجدة...

**AirForces** · 17-03-2012 11:28 PM

دى خريطة زايد اللى اعرفه انه الأحياء الراقية هناك السابع والتامن .. السابع بيوصل المتر فيه 3200 تقريبا على حسب الموقع والتامن 2200
وفى احياء تانية راقية زى الربوة وبيفيرلى هيلز والياسمين بس معرفش الأسعار
احسن حاجة تقرا الإعلانات اللى فى الجرنال وتتصل تسألهم بنفسك وتحدد معاهم معاد وتروح تشوف على الطبيعة وربنا يوفقك

انا مش ساكن هناك بس حبيت اساعد لحد ما الأعضاء اللى عندهم خبرة فى زايد يجوا :)

**rockana9112007** · 18-03-2012 02:26 AM

بص ياباشا انا ساكن فى زايد فى الحى ال16

بس بصراحة معنديش خلفية بأسعار بقية الاحياء لانها متباينة جداا ومختلفة لكثرة وتنوع مشاريع الاسكان فى زايد

بس هو حضرتك بدون تطفل ميزانيتك فى حدود كام ؟؟ يعنى بتدور على اسكان شباب ولا عمارات اهالى ولا كومباوندات ؟؟

شقق مساحة قد اية ولا فيلات ؟؟؟تفرق

ياريت تذكر دة عشان نقدر نساعدك

وشكرااا

**aminibrahim** · 20-03-2012 06:03 PM

المشاركة الأصلية كتبت بواسطة rockana9112007

بص ياباشا انا ساكن فى زايد فى الحى ال16

بس بصراحة معنديش خلفية بأسعار بقية الاحياء لانها متباينة جداا ومختلفة لكثرة وتنوع مشاريع الاسكان فى زايد

بس هو حضرتك بدون تطفل ميزانيتك فى حدود كام ؟؟ يعنى بتدور على اسكان شباب ولا عمارات اهالى ولا كومباوندات ؟؟

شقق مساحة قد اية ولا فيلات ؟؟؟تفرق

ياريت تذكر دة عشان نقدر نساعدك

وشكرااا

350000 لو كومباوند يبقي افضل

يا ريت ترشدني ممكن اعمل ايه

**aminibrahim** · 20-03-2012 06:05 PM

المشاركة الأصلية كتبت بواسطة nooooour

هههههههههههههه مش عارفة والله انت عارف تشرح ولا اية اصل اللى لاقيته منطقة الشيخ زايد وهو مافيش منطقة اسمها الشيخ زايد ده ااذا كنت تقصدها على انها مجمع سكنى او كدة يعنى.... انما شارع الشيخ زايد معروف..
عموما ... انا كده وضح انت بتستفسر عن ايه...
بس بصراحة ماعنديش خلفية قوى عن اشهر المناطق المتواجدة...

الحمدلله طلع في مدينه اسمها الشيخ زايد هيييييييييييييييييييييييي يييييييييييه

**3mr Farrag** · 21-03-2012 01:32 AM

انا ليا اتنين صحابي في الياسمبن بس ديه اللي اعرفها كلها فلل
ماعتقدش في شقق خااااالص
بص يا باشا انا ساكن في غرب سوميد و في جنبي فلل للبيع و فيه منهم واحده بيبعهم شقق
و المفروض انها ارقي منطقه في اكتوبر

و اللي فاكره ان فيه واحده كانت في حدود 450 الف بس مش فاكر كام متر..دي جنبي بعديا اعتقد بفلتين و قريبه من الشارع الرئيسي
لو عايز اعرفلك نمره التليفون قولي و انا اجبهالك و اعرفلك كام متر

**rockana9112007** · 22-03-2012 10:16 PM

انا اسف ياجماعة لتأخرى فى الرد على الموضوع

الاستاذ امين ......عاوز اقول لحضرتك ان الشيخ زايد مليانة مشاريع اسكان خاصة واهالى فلازم حضرتك تنزل تاخد لفة كذا مرة عشان تقيم الموقف كويس جداااا
واعتقد المبلغ اللى مع حضرتك كويس جدااا ومعقول لحد كبير انة يجيبلك حاجة كويسة

فى شركة اسمها بدر الدين وهيا اللى عاملة كومباوند الكرمة..............فى كومباوند جانبى فى ال16 عبارة عن عمارات محترمة جدااا فى التشطيب .لما سئلت المبيعات قالولى ان الشقة 130 متر ب 370 الف +60 الف وديعة صيانة
وبصراحة الكومباوند محترم

وفى تقريبا فى نفس الكومباوند توين هاوس بس مش عارف المساحة ودى شخص قالى ان سعرها بيبدأ ب 800 الف

وفى تقريبا امكانية انك تقسط مع الشركة بس لفترة قصيرة

وفى تانى فى ال16 عمارات اهالى تشطيب المنطقة كلة محترم والعمارات تشطيبها كويس جدااا بس لسة محدش تقريبااا سكن فيها ودى بالصدفة لقيت اعلان على النت ليها بيقول ان مساحة الشقة 170 متر نصف تشطيب ب250 الف

والمنطقة بينها وبين بفرلى هيلز اقل من دقيقة بالسيارة وتعتبر مجاورة ليها جدااا

وكما ذكر العضو المحترم عمر غرب سوميد منطقة محترمة جداا جدااا بس كبيرة (ممكن تشوفها على جوجل ايرث)وفيها عمارات فعلااا ملهاش حل ومنها المطل على المحور مباشرة ومنها المطل على الحى المتميز وبيسموها الشريط الذهبى وفى منها اللى بيطل على طريق الواحات ودى فى ناس مبتفضلهاش

من الاخر الخيارات متعددة وكثيرة جدااا والسوق اليومين دول مريح يعنى ممكن تلاقى فرص محترمة

الموضوع: ما هي افضل مناطق الشيخ زايد

LinkBack

أدوات الموضوع

عرض

ما هي افضل مناطق الشيخ زايد - انشر الموضوع فى :

-

-

-

-

-

-

-

-

-

المواضيع المتشابهه

الشيخ زايد

افضل مناطق مدينة الشروق واقلها

مرور الشيخ زايد

الشيخ زايد

الكلمات الدلالية لهذا الموضوع

المفضلات

المفضلات

ضوابط المشاركة