عاوز اكسب فلوس من النت .... ازاى

**محمد بلال** · 17-03-2012 08:03 PM

السلام عليكم ورحمة الله وبركاته
ظروف شغلى بتخلينى اقعد كتير على النت ...
عاوز استفيد من الوقت ده واعمل بزنس ازاى
اللى يعرف يا ريت يقولى بالتفصيل وبشرط ( بما لا يخالف شرع الله )
والف شكر يا رجاله

**hamaza81** · 17-03-2012 08:09 PM

في حالتين بس ممن تكسب بيهم
الأولى: إنك تكون بتعرف تعمل مواقع أو تعرف تصمم برامج مثلا وفي الحالة دي في مواقع بتحتاج حد freelancer يقوم بالشغل دا ويتحاسب عليه.

الثانية: إنك تعمل شغل دعاية ونشر مواقع أو منتجات على النت ودا اعتقد بيبقى عن طريق شركات تسويق.

إنما غير كدة كلها قصص فاشلة ونصب وكلام فاضي

**Screenplays** · 17-03-2012 11:13 PM

ممكن شراء و بيع دومينات و انا مجرب الموضوع ده بنفسي و علي فكره مربح جدا بس بياخد وقت

**matrix_it** · 17-03-2012 11:56 PM

يعنى الواحد ياخد كورسات فى ايه؟؟

**MASERATI** · 18-03-2012 12:27 AM

المشاركة الأصلية كتبت بواسطة screenplays

ممكن شراء و بيع دومينات و انا مجرب الموضوع ده بنفسي و علي فكره مربح جدا بس بياخد وقت

السلام عليكم و رحمة الله و بركاته

و ده بيتعمل ازاى ده ؟؟؟؟

**mohamed9999** · 18-03-2012 12:33 AM

متاااااااااااااااابع وما اكثر اللى بيقعدو ع النت

**Screenplays** · 18-03-2012 12:55 AM

المشاركة الأصلية كتبت بواسطة maserati

السلام عليكم و رحمة الله و بركاته

و ده بيتعمل ازاى ده ؟؟؟؟

بتشتري الدومينات من مواقع معينه و بتعرضها للبيع في مواقع اخري

**MASERATI** · 20-03-2012 12:50 AM

المشاركة الأصلية كتبت بواسطة Screenplays

بتشتري الدومينات من مواقع معينه و بتعرضها للبيع في مواقع اخري

السلام عليكم و رحمة الله و بركاته

اللى أنا بسأل عليه لأن أنا جديد فى الحاجات دى:

هو الدومين ده اللى بيتعمل عليه الwebsite و لا ايه بالظبط ؟؟؟

و أشتريه منين, لأنى ماعرفش أنهى مواقع اللى بيتبيع الدومينات, و كمان الأسعار فى حدود كام, يعنى فيه اختلاف و فيه أحجام و لا هو سعر واحد, و لو هو سعر واحد, أنا مكسبى فين ؟؟؟

الدومين ده, بعد ماشتريه, ممكن يتأجر و لا بشتريه و أبيعه و خلاص, و لو بيتأجر, بيتأجر بكام ؟؟؟

هل طول مانا معايا الدومين ده, بدفع رسوم دورية و لا حاجة ؟؟؟؟

سيادتك كنت قلت أن فيه مدة بين الشرا و البيع, مده أد ايه تقريبا ؟؟؟؟

شكرا و جزاك الله كل خير

**Screenplays** · 20-03-2012 01:12 AM

المشاركة الأصلية كتبت بواسطة maserati

السلام عليكم و رحمة الله و بركاته

اللى أنا بسأل عليه لأن أنا جديد فى الحاجات دى:

هو الدومين ده اللى بيتعمل عليه الwebsite و لا ايه بالظبط ؟؟؟ ايوه تمام

و أشتريه منين name.com , لأنى ماعرفش أنهى مواقع اللى بيتبيع الدومينات, و كمان الأسعار فى حدود كام 11 دولار , يعنى فيه اختلاف و فيه أحجام طبعا و لا هو سعر واحد لا مش سعر واحد, و لو هو سعر واحد, أنا مكسبى فين ؟؟؟ الفرق بين تمن الشراء و البيع زي اي تجاره

الدومين ده, بعد ماشتريه, ممكن يتأجر لا بس ممكن تأجره عرفي يعني مش بصوره رسميه و لا بشتريه و أبيعه و خلاص ايوه تمام , و لو بيتأجر, بيتأجر بكام ؟؟؟ ده حاجه بينك و بين المستأجر

هل طول مانا معايا الدومين ده, بدفع رسوم دورية و لا حاجة ؟؟؟؟ لا

سيادتك كنت قلت أن فيه مدة بين الشرا و البيع, مده أد ايه تقريبا ؟؟؟؟ ممكن اسبوع ممكن شهر ممكن 3 شهور ممكن سنه ممكن ميتبعش خالص يعني انت و رزقك

شكرا و جزاك الله كل خير

الرد في الاقتباس و لا شكر علي واجب يا باشا