اشتريت عربية مستعملة و عايز اعرف خطوات الترخيص ؟؟

**mudengineer** · 18-03-2012 06:26 AM

بعد اذنكوا : العربية ملاكي بورسعيد صاحبها باعهالي بتوكيل مبعوتلي من خارج مصر و انا ماشي بالتوكيل دلوقتي الرخصة انتهت اعمل اية بالظبط علشان ارخصها و تكون باسمي ؟؟ مع ملاحظة اني عايز لما اروح اجيب كل حاجة عشان ما اروحش و ارجع كتير ؟؟
أرجو الافادة

**the9ranger** · 18-03-2012 02:31 PM

بص يا سيدى علشان انا بعمل الموضوع ده دلوقتى اهو
1- تسجل السياره فى الشهر العقارى بالتوكيل الى معاك وده بيبقى على حسب موديل السياره
2- تجيب شهاده مخالفات من المرور القديم بتاع السياره ولو الرخصه مش ساريه تجيب كمان شهاده بيانات
3- تروح المرور التابع ليك وتتديهم صور التوكيلات والتسجيل والرخصه القديمه و النمر القديمه و شهاده المخالفات وتفحص السياره
4- النقطه دى ساعات وساعات على حسب رخامه المرور وهى يقولك بعد الفحص طابقلى بصمه فى المرور القديم لو شاكك فى السياره يبقى هتروح المرور القديم وتطابق البصمه
5- ترجع مرورك ومعاك المطابقه وورق الفحص وكل الورق والمخالفات والتوكيلات وتدفع التأمين والضريبه والتأمين الاجبارى و الرسوم و الطفايه طبعا وتأمين النر الجديده هيكلفوك بتاع 500 لو سنه وتستريح لما يدوك الرخصه ياأما يدوك تصريح مؤقت لحد ما الوسيه يججى من بورسعيد او هيرخصولك علطول ويبعتو هما يجيبو الدوسيه بتاع السياره

انا ماشي فى الاجراأت اهو ربنا معاك ومعايا