وراء كل لوجان جميله ... توكيل رينو عظيم ...

**a_nbm** · 18-03-2012 11:27 AM

وراء كل لوجان جميله ... توكيل رينو محترم ...
.
.
.
.
.
.
.
.
.
.
.
.
.
.
.
.
.
.
.
.
.
.
.
صحيت الصبح بدور العربيه مبتدورش
قلت بس البطاريه عملتهااااااااااااااا
الحقني الحقني يابن الجني
طلعت الفانوس ...قصدي الموبيل
ودعكته ... قصدي طلبت 16202
وخلال ساعه واحده كان المارد قدامي و ومعاه عربيه مجهزه بكل المعدات
وقالي ... شوبيك لوبيك تطلب ايه ...
قلتله ..... البطاريه ابوس ايدك
قالي عيني يا عم الحج
ومد ايده في الجراب وطلع بطاريه رينو جديد تمام التمام
وركبها في ثواني ... والعربيه رجعت تدور تاني
وكل ده من غير ولا مليم ......
ياسلام عليك ياتوكيل رينو ياعظيييييييييييييم :b4_388:

**mo_x5** · 18-03-2012 01:08 PM

انا مش فاهم ....هو ده علشان انت مأمن عليها عندهم و ﻻ ده تحت الضمان العادى ؟

**Ahmed A Rahman** · 18-03-2012 02:11 PM

مفيش تأمين مع رينو

اكيد ده الضمان العادي

مبروك البطارية الجديدة

**wassim_nasser** · 18-03-2012 05:16 PM

مبروك ع البطارية و سرد جميل للتجربه ولكن عايز اعرف ضمان البطارية كام مسافة أو بالسنة؟ و هل خدمه الطوارئ دي سارية علي سكان الاقاليم ولا لأ ؟

**a_nbm** · 18-03-2012 05:59 PM

المشاركة الأصلية كتبت بواسطة wassim_nasser

مبروك ع البطارية و سرد جميل للتجربه ولكن عايز اعرف ضمان البطارية كام مسافة أو بالسنة؟ و هل خدمه الطوارئ دي سارية علي سكان الاقاليم ولا لأ ؟

الله يبارك فيك يا دكتور
الضمان سنتين او 40 الف كيلو ع البطاريه
بالنسبه لموضوع الخدمه انا معرفش هي ساريه ولا لأ في الاقاليم
بس ممكن حضرتك تتصل بالتوكيل وتسألهم
انا من سكان الجيزه ... والتوكيل بعتلي سياره الخدمه من اقرب فرع ليا وهو المقطم
حوالي تلت ساعه من الدائري