السلام عليكم اخوانى فى قسم الغالية الشيرى :)
من زمن طويل مدخلتش على المنتدى بحكم عملى فى الخارج والنهاردة بالصدفة دخلت لقيت ما شاء الله شغل جامد قوووووى وعاجبنى من رجالة الشيرى بتوع زماااااااااااااااان أيام مقابلات مزارع دينا والعاشر - بارك الله فيهم
المهم يا جماعة الخير أنا مازلت أقتنى والحمد لله الشيرى a11 وبستخدمها فى أجازاتى السنوية وباقى الوقت مرفوعة فى الجراج - ولاحظت فى الأجازة الأخيرة بعض الملاحظات احتاج مسعادتكم فيها
1- عند تشغيل التكييف والضغط على دواسة البنزين وزيادة rpm تنخفض سرعة دفق هواء التكييف إلى داخل الكابينة وتقل جداً مع زيادة الضغط وعند رفع الضغط تعود سرعة الهواء إلى ما كانت علية وفى كلا الحالتين الهواء المدفوع بارد - الموضوع دة زهقنى خالص حتى أنى أضطر فى بعد الحالات أنى أشغل التكييف على أقصى درجة دفق ممكنة
2- فى بعض الحالات وأنا ماشى أجد لمبة abs نورت ومش عايزة تطفى غير لما أطفى السيارة وأشغلها تانى الموضوع الصراحة دة مخوفنى خالص لأن معظم أجازاتى بقضيها سفر وخايف يكون فى مشكلة فى الفرامل - أنا شاكك أنة ممكن يكون الحساس عايز يتنضف
السلام عليكم
اولا حمدلله على السلامة ياباشمهندس نورت مصر وبالنسبة للعطل الاول... الهواء بارد.. يبقى كومبريسورالفريون يعمل ومروحة الهواية هى السبب ودى كهرباء ممكن حضرتك تكشف على الفيوزات ممكن من الركنة تكون الرجلين جنزرت و تكون عملت باد كونتكت اواطراف الموتور شعرت من الركنة وده اللى بيقلل سرعتها او ممكن يكون فلتر التكييف مسدود وده ف الصدر امام يمين جنب السريال نمبر بتاع الشاسية.
وبالنسبة للـ abs هو فيه اربع حساسات على العجل مش واحد وعموما عندنا فى مصر فكرة الـ abs فكرة فاشلة ومافيش منه فايده ما عندناش لا مطر ولا جليد وعند الفرملة تحس ان الفرامل خفيفة بتهدى وما بتربطش وانا عملت حادثة بسببه راح فيها الاكصدام الامامى والفوانيس الامامية والردياتيران (المية والفريون) الاصلى بتاعتها ومن يوميها وانا شايل فيشة الـ abs وماشى من غيره داخل على سنتين ومشاويرى كلها سفر مصر اسكندرية علشان البيت ف القاهرة والعمل ف اسكندرية ... وفيه ناس هنا ف المنتدى ماشيين من غيره والعربية زى الفل وبتمسك فرامل وفرامل خطر العيب الوحيد ف الموضوع ده ان لمبة الـ abs ولمبة فرامل اليد منورين ف التابلوه وبيعملو نوع من القلق عند بعض الناس بس انا اتعودت عليهم.
وعلية انصحك تشيل فيشة الـ abs وتريح دماغك وتمشى عادى!!!
اسف طولت عليكم بس كنت حابب احكيلكم تجربتى مع الـ abs ف الشيرى لحضرتك واخوانى ف المنتدى.
مستنى ردودكم وسلام مؤقت
المفضلات