الموضوع: راجعوا معايا ورقي كدا , شهر رايح جاي علي رخصة العربية !!

سلام عليكم
انا بدأت معاناة ترخيص العربية يوم 2 مارس ولسة مخلصتش الورق
العربية بأسم اخويا وهو سافر من شهرين السويد
عملي توكيل بيع للسيارة للنفس وللغير والتعامل مع المرور
المهم كان عليها فحص جبت حاجتة بأسم اخويا وخلصت كل حاجة وطلعت شهادة المخالفات وكله تمام
روحت المرور ارخصها بقي وبقدم الورق اللي خلصته دا كلة
قالي لااااااااااء التوكيل دا مينفعش كدا !!!!!!!!!!!
لازم يتكتب والتجديد والترخيص طب يهديك يرضيك دا مش في مصر دلوقتي طب خد اقرار طب تعهد .. ملهاش حل غير نقل ملكية ودفع الضريبة
روحت وجيت يومين وفي الاخر ملقتش حل غير نقل الملكية قولت امري لله
روحت انقل ملكية . موظف الشهر العقاري طلب شهادة بيانات للشهر العقاري انها محلي مش مستورد وإلا ادفع 1200 جنية والمحلي ب850
قولت لا انا اولي بالفرق روحت وعملت شهادة المخالفات وروحت ونقلت ملكية ودفعت ضريبة انتاج محلي وخلصنا وبقت بأسمي
رجعت تاني المرور اذ اكتشف ان الرخصة وقعت مني
طب الحل اية ياخونا روحت القسم تاني يوم وعملت محضر فقد واتسجل واخدتة وروحت المرور
بعد طابور طويل عريض وصلت يقولي فاضل ختم الظابط والوحدة وادي يوم ضاع كمان مشيت ورجعت بعد ماختمت الظابط والوحدة
الاقي الموظف يقولي طب وانا اعرف منين انها ضايعة مش مسحوبة !!!!!!!!

دخل المحضر للظابط وقاله ماشي !! طب انا لو رخصتي مسحوبة المتخلف هروح ادفع ضريبة ونقل ملكية يتعدي 1500 جنية عشان غرامة 100 ولا 200 جنية ؟؟

المهم انا قدمت الورق الاتي
محضر فقد الرخصة
صور بطاقتي الشخصية
التامين الاجباري سنتين بأسم اخويا واستكمال باسمي
عقد البيع مسجل بأسمي للعربية
عقد توكيل في بيع العربية والتعامل مع المرور باسم اخويا اللي هي الرخصة بأسمة
أورنيك الفحص و الطفاية بأسم اخويا ومختومين وتمام التمام
نموذج مش عارف كام 351 حاجة كدا وعلية طوابع الشرطة المطلوبة

واقف استني الرخصة ساعة اتنين تلاتة اربعة .. الاقيهم بيقولوا تعالوا بكرة واستلموها ان شاء اله
اجي تاني يوم اللي هو النهاردة 20 مارس وانا زي ماقولتلكم بأدي ورقي من يوم 2 مارس وتاريخ شهادة المخالفات 5 مارس
اقف ساعة واتنين وتلاتة وفضلت لحد انا واتنين كمان صعبنا عليهم قالولنا هاتوا بطايقكم نشوف وراكم ..
افاجي بيتقالي ان ورقي ملوش استمارة جوا وتعالي بكرة راجع الورق بتاعك

اية رأيكم بقي في اللي انا فيه دلوقتي وهل ممكن عشان الفحص بأسم اخويا الدنيا وقفت طب ماهي العربية لحد اللحظة مش بأسمي !! غير في نقل الملكية بس
وهل ممكن لان شهادة المخالفات اسبوعين تكون انتهت النهاردة من يوم 5 مارس وقفوا الورق
طب وانا مالي ماهو الورق في الادارة ومتعطل عندهم
انا حقيقي مش عارف ومحتار وبكرة مش عارف اعمل اية ؟

كفارة