الموضوع: مش عارف اظبط زوايا

انا معايا عربية فيرنا مانيوال موديل 2005 العربية باور العربية عندى بتعمل حوار غريب اووى اما اجى الف ملف شمال الدركسيون ميردش معايا ويفضل الدركسيون ثابت على الجنب الشمال ويكمل كسر اما الناحية اليمين اما بسيب ايدى بيرد معايا روحت والله لاكتر من 15 واحد بتاع زوايا وكل مرة اللى يقولى مفهاش حاجة سليمة واللى يقولى زراجين واللى يقولى بارات المهم روحت لعفشجى فك عفشة العربيه كلها قدام وركبها حته حته وقلى كلو سليم وسالته على علبة الدركسيون قالى كويسة وقالى مشكلة زوايا بردة روحت لواحد عمل زراجين وظبطها ميه ميه على الجهاز وطلعت اجرب لقيت نفس العيب ورجعتله قالى دى بقا مشكلة علبه دركسيون او البطاحات عايزة تتشحم روحت للعفشجى قالى البطاحات بتاعت الفيرنا مش بتشحم مش عارف اصدق مين انا غايت دلوقتى صرفت اكتر من 1000 جنيه وبردة نفس العيب وخايف اغير علبه الدركسيون وتتطلع مش هيا العيب وخصوصا انى سألت عليها لقيتها ب 5000 جنيه ياريت لو حد حصل معاه حوار زى ده يقولى السبب ايه واسف جدا على الاطاله .

السلام عليكم
روح لواحد بتاع زوايا اسمة الاسناوي بتاع زوايا وفي بريدجستون صلاح سالم وبعد كدة روح لبتاع شاسيهات اسمة سمير علي في الحرفيين وهو يجبلك المفيد ومش هاتلاقي اي مشكلة في العربية ان شاء الله