شراء عربية جديدة صني .. اوبترا .. اكسنت .. الانترا

**akkosh** · 21-03-2012 12:14 AM

السلام عليكم ...
انا كنت بفكر اشتري عربية جديدة بعد الانسر اللي معايا ما توفت :) ... انا محتار جدا بصراحة وكنت بقارن بين اكسنت و اوبترا (سعرهم بالنسبالي معقول).. وبعدين لقيت في المنتدي عندكم مقارنة مع نيسان صني (نفس السعر تقريبا) .. وهي كانت بره حساباتي خالص .. وبعد ما ابتديت اقتنع بيها لقيت ان الشكل الجديد لسه مانزلش مصر ...
للاسف المواضيع كانت قديمة شوية (2007 -2008) .. فلو حد يتكرم ويساعدني في التفكير .. يبقي جزاه الله كل خير

انهي احسن .. الاوبترا ولا نيسان ولا اكسنت ... وهل في حاجة في نفس حدود السعر احسن منهم كلهم ؟!؟!

**Sehsss** · 21-03-2012 12:20 AM

التلات عربيات كويسين، لو عاوز اعتمادية وموتور جبار، وعفشة خدمة شاقة وتكييف قوي جدا نيسان صني بدون كلام، عاوز شكل وشياكة يبقى الأكسنت rb

**akkosh** · 21-03-2012 12:47 AM

الف شكر يا صديقي علي الرد ...
بس هو في امل ان الشكل الجديد بتاع النيسان صني ينزل مصر قريب ؟!
وفي ناس يترشحلي الاوبترا .. وانا بصراحة ماعرفش اي حاجة عن النيسان غير منكم هنا

**Sehsss** · 21-03-2012 12:51 AM

الشكل الجديد شهر 6 بإذن الله

**Sehsss** · 21-03-2012 12:55 AM

المعلومة الموثقة اللي عندي إنها هاتبقى تحت الـ115 ألف، كام بالتحديد، ما حدش عارف

**mem** · 21-03-2012 02:12 AM

نيسان صنى يا باشا وتوكل على الله
عربية اولا يابانى تكييف تلاجة عفشة تنفع مع بلادنا ومطبتنا الجميلة تستحمل مش زى
باقى العربيات عالية عن الارض مش اى مطب تحك فيه اتزان عالى جدا على السرعات تسارع ممتاز محرك جبار شكل جميل وانسيابى قطع غيار متوفره وفى نفس الوقت باسعار معقولة توكيلات نيسان منتهى الاحترام والتعاون مع العملاء واهم حاجة عندهم راحة العميل
اما الكورى شكل فقط لا غير وقطع غيارها غالية وتوكلتها مش كويسة ما فيش اهتمام وكفاء الكورى اكيد مش زى اليابانى مش كده ولا ايه

**NoOoOoUr** · 21-03-2012 02:15 AM

فعلا لو انت عاااااوز الموتور الكويس والعربية اللى تستحمل معاك قووووووووى والطريق رايح جاى وهنا وهناك طبعا تبقى صنى اولى اختياراتك وتتكل على الله وتجيب نيسان صنى...
:)