استبن لم يستخدم والعربية مرفوعة !!!!

**maruti** · 21-03-2012 09:59 PM

بشوف في اعلانات كتير تلاقية كاتب في الاعلان العربية مرفوعة 10 سنين محسسني انو حاطتها على شماعة في الدولاب
ومش فاهم يعني اية عربية مرفوعة؟
ومن فترة كنت ببيع العربية كل الي ييجي يتفرج عليها يسيب العربية كلها ويقولي هوا الاستبن نزل قبل كدا ؟
مش فاهم يعني هتفرق في اية لما الاستبن نزل مرا او مرتين او منزلش خالص ؟

**rawhany** · 21-03-2012 10:22 PM

للاسف ثقافة غلط

**eldell** · 22-03-2012 12:04 AM

فى ناس بتدقق على حجات متخلفه ممكن حضرتك تجيب استبن جديد ومحدش هيعرف بس فعلا فى ناس تحب الى يضحك عليها

**haythamabo** · 22-03-2012 12:13 AM

كلمه حد جاهل بيطلعها والمصريين اساتذه فى الترديد وخلاص من غير ما نفهم بنقول ايه
وخللى بالك ان اللى ماسك تجارة السيارات ناس مش كلهم متعلمين اغلبهم تجار وبيبيعو كلام

**Land_Cruiser** · 22-03-2012 12:25 AM

عادى احنا اكتر شعب بيحب يعمل نفسه لئيم و اكتر شعب برضه بيضحك عليه. و ممكن تحط عليه حكايه رشه بره و خوارج فابريقه و لا مش فابريقه . يعنى واحد العربيه اتخربشت و راح عملها فى التوكيل علشان المنظر مش اكتر فتلاقى اللى باشترى يقولك راشه حزام و لا مش عارف ايه و ناس تانيه تقولك عربيه مو ١٩٩٥ كسر زيرو مش فاهم ازاى و اللى بيبيع ممكن تلاقى العربيه مغيره نص و لا حتى موتور و لا ملهاش ورق فى المرور و يلبس الناس فيها و بيكون فيها استبن ما لمسش. الارض على فكره

**MARTINDALE** · 22-03-2012 12:28 AM

صدقني لو حد سألني السؤال ده ممكن اغلط فيه !!!
انا جبت عربيتي وقبل ما تكمل اسبوعين الكاوتش اتخرم وكان ممكن استخدم الاستبن ..... ده هيفرق في ايه مع شيرلوك هولمز اللي بيشتري ؟؟؟؟؟؟

**Land_Cruiser** · 22-03-2012 12:38 AM

المشاركة الأصلية كتبت بواسطة ahsd2000

صدقني لو حد سألني السؤال ده ممكن اغلط فيه !!!
انا جبت عربيتي وقبل ما تكمل اسبوعين الكاوتش اتخرم وكان ممكن استخدم الاستبن ..... ده هيفرق في ايه مع شيرلوك هولمز اللي بيشتري ؟؟؟؟؟؟

زى اى حد بيشترى بطيخ لازم تلاقيه عمال يخبط عليه سواء كان فاهم بيعمل كده ليه او بيقلد :)

**i_Am_Legend** · 22-03-2012 01:29 AM

شعب عجييييييييييييييييييب...من� �م لله تجار السيارات...هما اللى جننوا الناس كدة...

**i_Am_Legend** · 22-03-2012 01:30 AM

المهم ايه يقولك مش راشة سقف!!!!!!!!!!!.........يعني تبقي العربية بتلمع كلها...والسقف جربااااااااااااااااان....عل شان مش راشة سقف!!!......شلل كتاكيييييييييت

**maruti** · 22-03-2012 04:24 AM

ومرا الجلد بتاع بتاع الباب اتفك وجبت امير ولزقتو وفي شوية نزلو على الباب
واحد وهوا بيتفرج على العربية بيقولي هوا اية دا اولتلو امير قالي لا العربية دي مرشوشة قولتلو يا عم دا امير انا الي عاملو يقولي لا العربية دي مرشوشة ممكن يكون التاجر الي اشترتها منو دحك عليك وادهالك معيوبة اخر ما زهقت قولتلو اتكل على الله يا عم مش ببيع راح واحد صاحبو قايلي تصدق دا فعلن امير وبيتشال بسهولا هههههههههههههههههه
كل دا فاكرين انهم كدا ناصحين ولما يقولولي كدا هخر اودامو واقولو الله يخليك اشتريها ههههههه