استهلاك بنزين الـــ rb

**AMRSAID127** · 23-03-2012 11:16 AM

السلام عليكم ورحمة الله وبركاتة
موضوعى بخصوص استهلاك البنزين
اللى انا عاوزه ان كل واحد يقول تجربته فى استهلاك بنزين عربيته الــ RB الاوتوماتيك لانى انا حاسس ان استهلاك العربية دى عالى
من الناحية الاولى من خلال الشاشة اللى فى التابلوة اللى بتوضح استهلاك الوقود لكل 100 كيلو بيبقى كاتب ان الاستهلاك من 10.2 لتر إلى 11.9 مع العلم ان الاستهلاك ده ونظام ECO شغال مع ان النظام ده لتوفير الوقود
من الناحيوة التانيه تفويله العربية اخدت معايا فى الــ 94 كيلو 11.35 لتر واخر تفويلة 19.5لتر مشيت بيهم 167كيلو متر.
ومع تفويله العربية على أخر التنك كتب المسافة المتبقية 567 كيلو وكل مرة الرقم ده بيقل
فهل هى فعلا العربية استهلاكها اصلا عالى ولا انا عندى مشكلة .
بجانب ان موشر عوامة البنزين يقل سريعا بمعنى كل 25- 28 كيلو تنزل شرطة . واسف لالاطالة عليكم وأمل الا تبخلوا بأرائكم من واقع تجربة ملاك السيارة .

**د.أحمد السعيد** · 23-03-2012 08:22 PM

متابع

**heart_sugar** · 23-03-2012 10:32 PM

السلام عليكم
انا العداد طالع عندي 8.2 لكل 100كيلو
ولما بفول التنك بيكون 597 الى 614 وبحط بنزين 95
على فكره انا قافل eco لاني بشوف اي شئ بيبقا منور في التابلوه ده يعتبر زيه زي الانذار وللحاجات المؤقته
وعلى فكره انا سئلت اكتر من حد في الشركه وقلي متشغلوش لنفس كلامي السابق غير انه بيقلل سحب العربية

**toty_305** · 23-03-2012 10:48 PM

المشاركة الأصلية كتبت بواسطة heart_sugar

السلام عليكم
انا العداد طالع عندي 8.2 لكل 100كيلو
ولما بفول التنك بيكون 597 الى 614 وبحط بنزين 95
على فكره انا قافل eco لاني بشوف اي شئ بيبقا منور في التابلوه ده يعتبر زيه زي الانذار وللحاجات المؤقته
وعلى فكره انا سئلت اكتر من حد في الشركه وقلي متشغلوش لنفس كلامي السابق غير انه بيقلل سحب العربية

نفس الاستهلاك معايا بنزين 92 بسواقه هاديه......بس استفسار بسيط ليه 95 انا قلبي مش مطاوعني اعمل كده بحس فلوس على الفضي

**_hema** · 24-03-2012 01:16 AM

اخى الكريم
السلام عليكم ورحمة الله وبركاته

اسمح لى ان اشترك بموضوعك رغم انى لست من ملاك الـ أر بى

لان هذه التجربه اكيد تخص اى مالك سياره بغض النظر عن نوعها

فاسمح لى ان اسرد لحضرتك طريقه حساب استهلاك العربيه فى البنزين

لك كل الشكر مقدما

دى وصفه مجربه لآستهلاك البنزين معى شخصيا وهيه طريقه دائماً اتبعها عن قياس استهلاك السياره للبنزين

سواءا كانت العربيه اوتو او عادى فيتم حساب استهلاك البنزين طبقا للموضح بعد

اولا:
فول عربيتك لحد الزور ( يعنى اما عينك تشوف البنزين) مش اول ماالمسدس يفصل الواد بتاع المحطه يقولك كدا فولت ( لان العربيه بتاخد تقريباً 3 او 4 لتر بعد فصل المسدس. وطبعاً حضرتك تكون جايب مصفر عداد الرحلات

ثانياً:
تشمى فى طريق سريع بسرعه ثابته وهى (90) كم بدون تكيف لمسافه 100 كم او 150 او200 حسب طول المسافه.

ثالثاً:
تدخل اقرب محطه بنزين وتفول زى اول مره لغايه الزور وتشوف العربيه خدت كام لتر تقسموا على المسافه يطلع استهلاك السياره بالضبط

بعد ما تشوف العربيه خدت كام لتر تقسموا على المسافه يطلع استهلاك السياره بالضبط

*اضرب الناتج الى طلع ×20 ( اى الصفحيه) يطلع العربيه بتعمل كام كيلو متر فى الـ 20 لتر ( اى الصفيحه)

مثال على ذلك

لو انت مشيت 200 كيلو متر وحطيت بنزين 15 لتر يكون 15/200 =13.33 كم

اى ان اللتر الواحد عمل 13.33 كم تقريباً

نضرب الـ 13.33× 20 لتر بنزين ( الصفيحه) = 266.67 كم تقريباً

اى ان الـ 20 لتر ( الصفيحه ) تعمل 266 كيلو متر تقريباً

اما داخل البلد فانه لايمكن باى حال من الاحوال حساب ذلك بدقه

لان الاماكن التى يتم السير فيها مختلفه من ناحيه السرعه والزحام الموجود فيها ولاكن احنا بنحسبها بالتقريب وكمان داخل فيها تشغيل التكيف بالاضافه استخدام الكيك داون بيزيد من استهلاك البنزين

ارجو ان اكون افدت حضرتك

ولك كل الشكر

وجرب واحيكلى

مع تحياتى

**m_darwesh** · 25-03-2012 03:30 AM

انا معايا نفس العربية اوتوماتيك
وتقريبا ارقام معدل استهلاك البنزين بين 10 الى 11 وساعات كمان توصل 12
لما افول العربية، فعلا المؤشر بيقوول اني ممكن امشي بيهم 500 كم
بس انا تقريبا بيخلصو على 300 كم
وتقريبا التفويلة بتكون 33 لتر

ملاحظة على مؤشر eco:
دا مجرد مؤشر فقط في سيارات هيونداي اللي في مصر وليس نظام لتخفيض استهلاك الوقود (مش عارف الخليجي فيها نظام كامل ولا بس مؤشر فقط)، يعني لما انت تشغل نظام eco
هتلاقي كلمة eco باللون الاخضر منورة في التابلو طول ما انت سايق بطريقة اقتصادية (مش بتحرق مثلا)
وهتلاقيها انطفت لما تبتدي تحرق والار بي ام يعلا
هو المفروض انه فعلا نظام لتوفير الوقود ودا موجود في الهوندا سيفيك الجديدة
هتلاقي في زار ناحية شمال الدركسيون لونه اخضر مكتوب عليه eco
والهيونداي اللي برا مصر (الموجودة في كوريا) موجود فيها نظام كامل مش بس مؤشر
هما اكيد شايلينو من عربيات هيونداي المصدرة لمصر علشان يوفرو كالعادة

ملاحظة: لو قريت عن الجزء دا في الكاتلوج هتلاقيه بيستخدم كلمة informs
يعني يقصد انه مجرد بيقولك اذا كان معدل استهلاك البنزين بالطريقة اللي انت ماشي بيها اقتصادي ولا لأ

**AMRSAID127** · 25-03-2012 11:28 AM

شكرا أخى m_darwesh على ردك واهتمامك ولكن هل تلاحظ ايضا انخفاض الشرط الخاصة بعوامة البنزين سريعا أى تقريبا كل 25 إلى 30 كيلو تنخفض شرطة
وايضا بسمع صوت تنفيس اثناء دوران المحرك من الخلف ولا أعرف سببه
واسف لالاطالة عليك

**AMRSAID127** · 25-03-2012 11:29 AM

شكرا استاذ _hema

**BMW30** · 28-03-2012 05:14 AM

بس الكاتلزج بيقول المتوسط 7 ليتر تقريبا اظن الاستهلاك بتاعكوا عالي كدا ؟

الموضوع: استهلاك بنزين الـــ rb

LinkBack

أدوات الموضوع

عرض

-

-

-

المواضيع المتشابهه

كيف تصل الى اقل استهلاك صحيح بلوجان + اقل معدل استهلاك بنزين انت وصلت ليه كانت كام

استهلاك بنزين

استهلاك بنزين 1

هو فى استهلاك بنزين كدة ...

استهلاك بنزين

الكلمات الدلالية لهذا الموضوع

المفضلات

المفضلات

ضوابط المشاركة