نيسان تيدا ولا مازدا 3 !!!

**f4f8f12** · 23-03-2012 03:10 PM

السلام عليكم يا اهل المنتدى الكرام.. انا طبعا بقالى 3 شهور محتار فى عربية مش عارف اجيب ايه .. وبعد طول بحث وقراءة استقريت على الاتنين دول .. "تيدا" او "مازدا 3" ... ياريت اراكم ومعرفة من الافضل بينهم من ناحية سعر اعادة البيع و الصيانة واسعار قطع الغيار وانتشارها مع العلم انى مش هجيب زيرو.. انا هجيب مستعمل بس ابتداء من موديل 2007 فى الاتينين .. ارجو الافادة ومعرفة اراكم لاختيار السيارة المناسبة بعد استخارة المولى عز وجل .. وياريت من راكبى السيارتين يقولولى ملاحظتهم عليهم .. شكرا مقدما :)

**Dr'AhmZZong** · 23-03-2012 03:38 PM

بص يا سيدي مازدا متفوقة في العفشة جدا جدا جدا .. الثبات الخرافي .. موتور محترم .. options تحفة .. أمان عالي ما شاء الله .. عيوبها بقى توكيل سيء جدا جدا .. ضيقة من ورا اويييييييي .. واطية على الارض .. قطع غير ناااااااااار

التيدا بقى موتور قوي جدااااا اقوى من مازدا .. تكييف احسن .. موفرة في البنزين اكتر .. واسعة بحر .. توكيل مفيش بعده اكتر من ممتاز .. قطع غيار مش غالية قوي .. عيوبها بقى : الثبااااااااااااااااات بصراحة مازدا تدوس عليها في الموضوع ده .. ثباتها وحش بعد 140 .. شلكها مش مقبول لمعظم الناس ..

بس كده ..

تحياتي تحياتي لحضرتك ..

**f4f8f12** · 23-03-2012 09:39 PM

شكرا يا جماعة على مروركم .. بس خلينا نتفق ان مفيش عربية كاملة.. نيجى بقه على الحاجات اللى احنا مينفعش ماتبقاش موجودة فى العربية.. يعنى مثلا عفشة التيدا اخبارها ايه؟ ناشفة ولا ناعمة ولا ايه؟ واكيد التيدا تكسب فى علوها عن الارض عن المازدا وده اللى مسبب فرق الثبات فى السرعات العالية.. بس ثبات التيدا مش هيبقى زى ثبات الفيرنا مثلا بعد ال 140 .. يعنى اكيد التيدا احسن بمراحل .. والتيدا انا بحب شكلها جدا اصلا .. فياريت بقه الاستاذ فؤادى يقوللى من الاخر دى ولا دى .. يعنى انا عايز عربية مش بطة فى التسارع وعفشة تكون حلوة و ثباتها يبقى كويس .. وفرق قطع الغيار هنا وهنا .. انا مايل للتيدا اكتر علشان موضوع العلو عن الارض وقطع الغيار.. فياريت رأى واحد منكم كانه هيروح يشترى بكره بما انه جرب العربيتين وساقهم وعارف خباياهم ... ياريت نصيحتكم و شكرا يا رجالتناااااا

**fouady** · 23-03-2012 10:01 PM

المشاركة الأصلية كتبت بواسطة f4f8f12

شكرا يا جماعة على مروركم .. بس خلينا نتفق ان مفيش عربية كاملة.. نيجى بقه على الحاجات اللى احنا مينفعش ماتبقاش موجودة فى العربية.. يعنى مثلا عفشة التيدا اخبارها ايه؟ ناشفة ولا ناعمة ولا ايه؟ واكيد التيدا تكسب فى علوها عن الارض عن المازدا وده اللى مسبب فرق الثبات فى السرعات العالية.. بس ثبات التيدا مش هيبقى زى ثبات الفيرنا مثلا بعد ال 140 .. يعنى اكيد التيدا احسن بمراحل .. والتيدا انا بحب شكلها جدا اصلا .. فياريت بقه الاستاذ فؤادى يقوللى من الاخر دى ولا دى .. يعنى انا عايز عربية مش بطة فى التسارع وعفشة تكون حلوة و ثباتها يبقى كويس .. وفرق قطع الغيار هنا وهنا .. انا مايل للتيدا اكتر علشان موضوع العلو عن الارض وقطع الغيار.. فياريت رأى واحد منكم كانه هيروح يشترى بكره بما انه جرب العربيتين وساقهم وعارف خباياهم ... ياريت نصيحتكم و شكرا يا رجالتناااااا

بص أنا هكون حيادي معاك أولا أنا متخدش بكلامي قوي علشان أنا بحب حاجات معينة بحبها فـال عربية يعني أنا بحب المازدا أكتر مع إن فـامسر التيدا صفقة أحسن بمعنى أنا بحب لمازدا علشان أعتدها واطية شوية وأنا بحب اعدت العربية الواطية فيه ناس بتشوفها عيب وثابتة ومطرها مرضي بس وبحب العربية الواطية مع إن الواطيان بتاع المازدة مش حلو فـمصر لانها بتحك فـمطبات كتير خصوصا لو محمل بس أنا بحب لعربية الواطية

التيدا ماتور أحسن أو أقوى يعني وسحبتها أحسن اعدتها عليَّا تحس إنك علي على اللي جنبك عربية نعمة جدا حتت المطبات دي متشالة تقريبا من حسبتك محمل أو مش محمل واسعة جدا اوسع من لمازدة ك صالون ب حبة حلوين يعيبها بس إن المازدة أحسن منها فـالثبـات ب حبة زي فرق الصالون كده هاهاها
بس طبعا مش زي الفرنا مش للدرجادي احنا بانقرنها بالفئة بتعتها علشان هي مش ب 50 ألف :d :b4_282::b4_282:

**fouady** · 23-03-2012 10:02 PM

نسيت أقول كمان إن عافشت التيدا انعم من المزدا واقل احساس بالتكسير من المزدا بس بتتنطط جواها أكتر من المازدا مش عرف إزاي جايز علشان هي أعلى

**f4f8f12** · 23-03-2012 10:33 PM

المشاركة الأصلية كتبت بواسطة fouady

بص أنا هكون حيادي معاك أولا أنا متخدش بكلامي قوي علشان أنا بحب حاجات معينة بحبها فـال عربية يعني أنا بحب المازدا أكتر مع إن فـامسر التيدا صفقة أحسن بمعنى أنا بحب لمازدا علشان أعتدها واطية شوية وأنا بحب اعدت العربية الواطية فيه ناس بتشوفها عيب وثابتة ومطرها مرضي بس وبحب العربية الواطية مع إن الواطيان بتاع المازدة مش حلو فـمصر لانها بتحك فـمطبات كتير خصوصا لو محمل بس أنا بحب لعربية الواطية

التيدا ماتور أحسن أو أقوى يعني وسحبتها أحسن اعدتها عليَّا تحس إنك علي على اللي جنبك عربية نعمة جدا حتت المطبات دي متشالة تقريبا من حسبتك محمل أو مش محمل واسعة جدا اوسع من لمازدة ك صالون ب حبة حلوين يعيبها بس إن المازدة أحسن منها فـالثبـات ب حبة زي فرق الصالون كده هاهاها
بس طبعا مش زي الفرنا مش للدرجادي احنا بانقرنها بالفئة بتعتها علشان هي مش ب 50 ألف :d :b4_282::b4_282:

عايز اقولك انى لسه قارى التقرير بتاعط فى قسم النيسان عن التيدا (بتاعة باباك)

بس بعد ما قريت التقرير حسيت ان العربية زى الريشة من حوار انها مش ثابتة وانها زى ما انت قولت شكلها من جوه مش جامد قوى .. بس انا عندى الشوارع عند البيت مكسرة تكسير ربنا ما يوريك و انا لما كان معايا الدايو كنت بحس انى فى مراجيح.. انا بحب العربية الواطية على فكرة علشان اثبت بس كل ما هاجى احك فى مطب هحس بالهم .. واللى هو كأن قلبى بيوجعنى .. انا شايف ان مشكلة الثبات دى حلها ان احنا منجريش بيها قوى الا فى مواقف معينة يعنى .. بس علو عن الارض وعفشة وقطع غيار كويسة وتوكيل محترم .. متهيقلى انها انسب .. وفنفس الوقت هاتش باج يعنى شبابى وشكلها من بره جميل .. ولا ايه رأيك؟

**hany63** · 23-03-2012 10:38 PM

المشاركة الأصلية كتبت بواسطة fouady

نسيت أقول كمان إن عافشت التيدا انعم من المزدا واقل احساس بالتكسير من المزدا بس بتتنطط جواها أكتر من المازدا مش عرف إزاي جايز علشان هي أعلى

ده عشان عفشة المازدا ملتي لينك (تعليق مستقل )نفس عفشة الفورد وشتان الفرق بينها و بين عفشة التيدا وده اللي فارق في الثبات و عدم التنطيط

**hany63** · 23-03-2012 10:40 PM

انا بتكلم عن التعليق الخلفي

**Hossam_Zaky** · 23-03-2012 10:47 PM

الناس ردت عليك بمنتهي العقلانية و الفهم
لكن أسمحلي أضيف أنت بتشتري مستعمل مش زيرو و فيه حاجات معينة لازم تفكر فيها

المازدا عربية راقية جدا جدا و بمستوي الجيتا و الفوكس و ستايل تحفة و اداء لا غبار عليه
لكن لازم تستحمل مع المميزات دي صالون ضيق شوية في الخلف و شنطة العربية معقولة مش صغيرة حوالي 400 لتر ( الصني معايا 430 لتر )
و لازم تكون عارف أن صيانة عفشتها مكلف لأنها علي مقصات في الأمام و في الخلف و انت بتشتري مستعمل يبقي أكيد لها مصروف ما و كمان الطنابير بتاعتها بحالتها ولا أيه لأنها مكلفة و مش حتلاقي الأصلي بسهولة ( كل الناس بتقول أصلي )
صيانتها أكيد مش حتكون في التوكيل و حتزور قسم مازدا تعرف الناس بتعمل صيانة فين

النيسان عربية راقية جدا برضه لكن مش لنفس المستوي بس صالون بحر و شنطة كبيرة جدا حوالي 460 لتر و مراكز صيانة زي الفل و توكيل ممتاز من احسن التوكيلات في مصر حاليا و قطع غيار تكلفتها مقبولة و عفشتها مش بتدي ثبات بمستوي المازدا لكن مالهاش صيانة لأنها علي قنطرة في الخلف ماسكة العجلتين زي الصني بس بمستوي تجهيز أرقي و كبيرك تحتاج مقصين امامي بعد عمر ( برضه أنت بتشتري مستعمل )
و تتعايش مع شكل مش بيعجب كل الناس ( بيعجبني عن نفسي لأنه بيدي فخامة ) و ثبات علي الطريق أقل من المازدا ( بس يرضه مش 128 )

أنا فكرت زيك كنت عاوز أغير الصني بحاجة أرقي شوية و الأتنين دول اللي فكرت فيهم بس مستني أشوف حعرف أجيب قشقاي أو سبورتاج و أقسط تمنهم ولا أبيع و أحط حاجة بسيطة و أجيب مازدا أو تيدا مستعمل

في النهاية الأختيار صعب لأن الأتنين ياباني و في نفس الفئة السعرية للمستعمل

المازدا أكيد قلبك حيختارها
النيسان أكيد عقلك حيختارها

بالتوفيق