عايز انزل تدريب صيفى

**matrix_it** · 23-03-2012 05:33 PM

انا فى سنة تالتة تجارة اسكندرية و عايز انزل تدريب فى الصيف فا هل فى مكاتب معينة اوديلها السى فى و هى تدورلى على تدريب و لو انا هانزل ادور بنفسى بيبقى التقديم من على النت ولا اروح بنفسى ؟

**matrix_it** · 24-03-2012 02:59 PM

لازم واسطة .؟؟؟؟؟؟؟؟؟؟؟؟؟؟

**bHa2** · 24-03-2012 06:32 PM

انا ف 3 تجاره برضه بس عين شمس
ف الاجازه بفكر اشتغل عادي ف اي مكان
وبفلوس الشغل اظبط نفسي كورسات
لان معظم التدريب اللي موجود دلوقتي حوار ان انت بقي تبعت اميلات
وشغل مش بتاعك اساساً الا لو رحت مكان محترم بواسطه

**matrix_it** · 24-03-2012 11:02 PM

طبقولى اخد كورسات ايه فى الصيف

**bHa2** · 24-03-2012 11:21 PM

لو معكش انجلش ظبط لغه
اعتقد لو اخدت الكورس اللي هو جميع المحاسبات اللي بندرسها "بس انجلش"
هيفيدك
دا اللي انا هعمله ان شاء الله ف الاجازه
عندنا الكليه عامله صفقه مع بيرلتز "الليفل اللي بره ب 1225 بناخده ف الكليه ب 400 جنيه"
وعندنا كورس المحاسبه دا اسمه ساب
ودي تفاصيله
"عندنا ف جامعه عين شمس كورس اسمه s.a.p
دا 8 محاسبات
ماليه 1
ماليه 2
ماليه 3
تكاليف
اداريه
مبادئ مراجعه
مبادئ ضرايب
بنوك و شركات تأمين
الماده 7 اسابيع ب 500 جنيه "محاضرات-ماتريال-امتحان"
المركز اسمه "مركز البحوث و الدراسات التجاريه و الاحصائيه-كليه تجاره جامعه عين شمس"
رقم سكرتاريه المركز 22619509
الدراسه انجلش طبعا :)"
وان شاء الله لو حد عنده معلومه عن التدريب او الكورسات يفيدك
لاني بدأت اهتم بالموضوع دا من فتره قريبه"ابديت افوق من غيبوبه التهريج:)"
ف معلوماتي قليله
ف اسأل برضه الكورسات اللي هتنفعك ف مجالك
"تجاره مش محاسبه بس يعني"
لو حد هيظبطك ف شغل بعد التخرج ف مكان معين
اعرف المكان دا محتاج ايه و ظبط نفسك ف المطلوب
عشان تكون فعلاً تستحق المكان ومش مع اول حرقه تنقلات تمشي
معلش طولت ف الرد شويه :)

**bHa2** · 24-03-2012 11:31 PM

دي مشاركه عن التدريب اتكعبلت فيها هنا ف المنتدي

بالنسبة لموضوع التدريب ده انا هقولك على حاجة مهمة يا تدرب بجد و تتعلم حاجة فعلا و تستفيد فى الفترة اللى هتدرب فيها يا اما بلاش احسن تضيع وقتك فيه و خد كورسات تزود بيها مهاراتك و تضيف ليك مهارات مش عندك لان ده اللى هيعلى ال cv بتاعك فعلا
انما لو هتروح بنك او شركة تبعت ايميلات و فاكسات و تستلمها و كلام من ده يبقى قلته احسن , لان شهادة انك تدربت فى المكان الفلانى مش هتفيدك فى الشغل ولا هتحسن نظرة صاحب الشغل ليك الا لو كنت هتشتغل فى نفس المكان اللى تدربت فيه مش ميزة يعنى الا لو كنت تدربت فى نفس المكان اللى انت مقدم فيه على شغل لان ساعتها بيبقى ليك ميزة و افضلية عن باقى الناس اللى مقدمين معاك عاى اساس انك دخلت المكان قبل كده و عرفت النظام عندهم ايه و هتوفر عليهم انك مش لسه هتسستم من الاول .
نرجع بقى لموضوع التقديم ده , التدريب بيعتمد بنسبة كبيرة أوووووى على الواسطة انا مش عايز احبطك بس للاسف ده بيحصل الا الشركات الكبيرة اللى بتحتاج اعداد كبيرة زى فودافون مثلا
انت زبط cv بتاعك و اخل على المواقع بتاع الشركات و البنوك و شوف مواعيد التقديم عندهم امتى لانهم بيفتحوها فترة و بيقفلوها لو ملقتش معلومة مفيدة انزل بنفسك ليهم و اسال كل اللى هتحتاجو غير ال cv ( مش لازم يكون cv قوى و لا حاجة عادى انت لسه طالب و هما عارفين ده المهم يكون فيه صورتك و كل المعلومات البيزك عنك ) هتحتاج انك تطاع اثبات قيد من الكلية
و ربنا يوفقك ان شاء الله , ممكن تجرب الاول مع البنك الاهلى و nsgb
لو انت محاسبة حاول فى سنة من السنين تدرب فى مكتب محاسبة هتستفيـــــــــــــــــــ ـد اووووى و هتتعلم بجد و هيفرك معاك فى اى انترفيو تدخلوه , و ربنا معاك ان شاء الله و يوفقك