لا حول ولا قوة الا بالله
هى فعلا حاجة غريبة ان كل ده يحصل فى فترة قليلة
لكن فى الاخر قول الحمد لله
واكيد بعد فترة قليلة هاترجع لحالتك الطبيعية تانى من غير تشاؤم ولا حاجة
المهم انك بخير ولم تصب باذى . دى اهم حاجة
رقم العضوية : 85958
تاريخ التسجيل : 15Jan2011
المشاركات : 3,132
النوع : ذكر
الاقامة : Egypt - Faisl
السيارة: Verna , 1.5 , M/T
السيارة[2]: Toyota Yaris , 1.3 , A/T
دراجة بخارية: لا يوجد
الحالة :
السلام عليكم ورحمة الله وبركاته
شاري العربية في 2007 يعني بقالي زيادة عن خمس سنين
لحد وقت قريب اوي ! كانت العربية فبريكة وزي الفل والحمد لله ماكنش فيها الهوا
وبمجرد اني بدات اعدل في شكل العربية بالاخص ركبتلها جنوط ! وشوية استيكرات
وبدات المصايب تنزل على العربية واحدة ورا التانية
بعد ماجنطت العربية بحوالي عشر ايام ترلا دخلت فيا بوظلتي الجمب الشمال
صلحتها ويدوب راجع بيها من عند السمكري اتوبيس خبطلي الجمب التاني
قلت معلش قضاء الله وقدر وعين والحمد لله على كل شئ
ومن ساعتها وانا حاسس ان العربية جت فيها عين ومش عايزة تسبها وفعلا بدات الخبطات تتالى خبطة ورا التانية !
جبت GPS ماكملش في العربية يومين وراح حرقلي الفيوزات كلها ! قلت معلش وهبقى اشحنه من الكومبيوتر بلاش اشحنه من الولاعة !
بعدها بمدة وقع اتكسر لحمت ال Holder بتاعه وظبطته ولسه من قريب لابس حفرة كسرته خالص !
قلت حصل خير مافيش مشكلة ومن ساعتها اسطوانة القران مش بتطلع من الكاسيت
بقرى كل الاذكار قبل ماتحرك بالعربية وبسمي الله واتوكل عليه وانا حاسس برضوا من جوايا اني فجاءة هلاقي حاجة خبطتني وانا ماشي او اي حاجة هتحصل !
ومافيش فايدة برضوا الخبطات مش عايزة تسبني ! كل شوية اما خبطة هنا او حكة هنا وبقول الحمد لله كلها امور بسيطة !
لحد من اسبوع تقريبا كنت راجع من مقابلة قسم تويوتا ومرة واحدة واحد بماروتي يرمي عليا الفرامل ماتجبنيش لبست فيه ! الخسائر كانت الاكصدام اتقطع واطبق والكساحة اللى حامية الماتور من تحت اتكسرت
طبعا ده كله زود احساس جوايا اني طول مانا ماشي هيحصل حاجة وان العين دي هتفضل ملازمة العربية لحد ماخبط خبطة تجيب اجلها ! بطلت اجري زي الاول وهديت عن الاول كتير
وبرضوا مازلت من جوايا حاسس اني فجاءة حتى وانا ماشي براحة هلاقي حاجة خبطتني !
النهارده البنزين خلص قلت انزل قبل الصلاة الصبح اروح احط بنزين وارجع
وانا راجع على المحور بدي Kick down اسمع صوت اكن حاجة اتشفطت او فيه تنفيث ! ومرة واحدة العربية تبطل !
طبعا انا كنت ماشي في وسط المحور وعلى سرعة 120-130 تقريبا
ومرة واحدة العربية تبطل والفرامل تبدا تحجر / الدركسيون مش عارف تتحكم فيه كويس الباور فصل ؟
مورت العربية في حال ومش عارف انا مورتها ليه بس انا ماكنتش عارف ايه اللى بيحصل
اديت انتظار والحمد لله ماكنش ورايا او جمبي عربيات وقدرت اركن العربية على جمب
حاولت كتير وكتير اني ادور العربية تاني مافيش فايدة ! طبعا كلها محاولات وسط حالة فظيعة من الرعب ! راكن على اليمين اه بس كل اللى جاي من ورا صواريخ ! !
خايف واحد غشيم ياخد غرزة يمين يلبس فيا !
فصلت البطارية / فصلت فلتر الهوا وركبتهم تاني العربية مافيش مش عايزة تدور
طبعا بهدلة مابعدها بهدلة ! فضلت مستني لحد ماكلمت الوالد جالي بالفيرنا وقطرناها
اثناء القطر طبعا العربية عندي الفرامل حجرت مش عارف ادوس فرامل ! فرامل الايد مش بتوقف العربية كل مايهدي بالفيرنا اقوم خابط فيه
الحمد لله عدت على خير لحد ماوصلنا البيت واكتشفت ان فيوز ال
EFI ضرب ! Electronic fuel injection !
ايه اللى خلاه يضرب الله واعلم ! ليه ومن ايه وليه السبب مش عارف
العربية حاليا مركونة في الجراش ومابقاش ليا نفس اركبها او بمعنى اخر حاسس ان المصيبة عمالة تقرب !
انا مش عارف ايه الحل ومش عارف اللى بيحصل ده ليه ؟ ؟ وهل ده طبيعي وبيحصل مع كل الناس ؟
صحيح الواحد معدل في شكل عربيته شوية بس مش للدرجة ! انا بشوف ناس بسم الله ماشاء الله عربياتهم شكلها احلى كتيير ومعمول فيها شغل اكتر بكتير << طبعا ربنا يباركلهم فيها مش القصد الحسد ابدا بس القصد اني مش عامل التعديلات اللى تستاهل كل العين دي ؟ ؟
مابقتش اركب العربية الا لما اشغل قران واقرى الاذكار ! مابقتش اجري زي الاول
بدوس لما الطريق يفتح ! وبقيت بقلق من الغرز ودايما حاسس اني هلبس وهخبط غرز على خفيف في المضمون لدرجة اني نسيت الغرز القطم بتتاخد ازاي ؟ ؟
حاسس اني بدات اتعقد او جالي حالة نفسية مش عارف
كتييير ابص للعربية واحس اكنها اخر مرة هشوفها فيها او اني بعد المشوار اللى انا فيه العربية هتدمر
حد عنده حلول او مقترحات ؟ لان فعلا كدة الوضع بالنسبة ليا بقى صعب اوي
رقم العضوية : 27439
تاريخ التسجيل : 12Dec2008
المشاركات : 1,913
النوع : انثى
الاقامة : العبور
السيارة: ستروينc3 2007
السيارة[2]: ........
دراجة بخارية: لا يوجد
الحالة :
لا حول ولا قوة الا بالله
هى فعلا حاجة غريبة ان كل ده يحصل فى فترة قليلة
لكن فى الاخر قول الحمد لله
واكيد بعد فترة قليلة هاترجع لحالتك الطبيعية تانى من غير تشاؤم ولا حاجة
المهم انك بخير ولم تصب باذى . دى اهم حاجة
رقم العضوية : 3595
تاريخ التسجيل : 06Dec2007
المشاركات : 800
النوع : ذكر
الاقامة : cairo
السيارة: chevrolet pick up
السيارة[2]: chevrolet spark 2008
دراجة بخارية: لا
الحالة :
معلش ياباشا تفائل وربنا معااااك
انا مش عارف اقولك اية بس فعلااا موضوع العين دة اسوء حاجة
قد تعلمت الصمت من الثرثار .والتساهل من المتعصب .واللطف من الغليظ...
والاغرب انني لا اعترف بجميل هؤلاء المعلمين !!
رقم العضوية : 72112
تاريخ التسجيل : 02Jun2010
المشاركات : 6,052
النوع : ذكر
الاقامة : الجيزة ... المنوفية
السيارة: Duster E2-Terios
السيارة[2]: Nissan Sunny-Tiida
دراجة بخارية: هوندا اليت
الحالة :
تفائلوا بالخير تجدوه ..
انسى بس إنك هيحصلك حاجة و إن شاء الله مش هيحصل أي حاجة ..
ربنا معاك و متزعلش ....
رقم العضوية : 117365
تاريخ التسجيل : 03Dec2011
المشاركات : 582
النوع : ذكر
الاقامة : القاهره
السيارة: لانوس 99
السيارة[2]: كانت 128
دراجة بخارية: n0
الحالة :
بصراحه هقولك صدق احساسك لاني لما صدقت احساسي فعلا العربيه ماتت الشاسيه بتاعها كلو اتشرخ و مبقتش نافعه ف حاول تهدي الاوضاع اليومين دول و متخرجش ب العربيه دلوقتي خاااااااااااالص انا عربيتي لسه ميته من كام يوم و ربنا يبعد عنك كل شر
رقم العضوية : 35257
تاريخ التسجيل : 11Mar2009
المشاركات : 433
النوع : ذكر
الاقامة : Cairo
السيارة: Lancer
السيارة[2]: Fluence
دراجة بخارية: no
الحالة :
حلك عندي بس استنى لما اكتبهولك لانه هياخد وقت ..... وما تقلقش حل مجرب والحمدلله بس المهم تكون مؤمن بالله ومتكل عليه .
رقم العضوية : 39817
تاريخ التسجيل : 07May2009
المشاركات : 2,093
النوع : ذكر
الاقامة : 7adayek El Ahram
السيارة: Isa) civic Sir)
السيارة[2]: Daewoo Nubira 2
دراجة بخارية: ...............
الحالة :
افضل حل ماتخرجش بالعربيه دلوقتى والله وسيبها شويه
koshary
رقم العضوية : 94909
تاريخ التسجيل : 16Apr2011
المشاركات : 1,859
النوع : ذكر
الاقامة : cairo
السيارة: HONDA ACC.98
السيارة[2]: LADA وراحت بعد ماجابتلي خشونة في ركبي
دراجة بخارية: na
الحالة :
توكل على الله
ياريت ترجع العربية بشكلها الاصلي وشيل التعديلات
حاجة كمان متغسلش العربية خالص يدوبك امسح الازاز بالمساحات وبس
واخرج بيها كده فترة
اللهم ارحم والدي الرحمة الواسعة وأموات المسلمين أجمعين وأكتب لنا رفقتهم في جنة الفردوس يا كريم يارحيم يا الله
رقم العضوية : 44663
تاريخ التسجيل : 08Aug2009
المشاركات : 6,605
النوع : ذكر
الاقامة : مجرة درب التبانة
السيارة: Bira 2.0 :)
السيارة[2]: ɐɹʇdo ʎʌǝɥɔ
دراجة بخارية: .
الحالة :
ops !
لأ بقي
انا حصلي نفس الكلام ده بالظبط مع العربية اللي فاتت
انا عاملها حلقات علي فكرة بس محطيتهاش هنا
انت اللي بيحصلك ده كله كدة يعتبر نص حلقة من الحلقات اللي كتبتها
الحلقات اسمها ( Excy والعيشة مرة )
بس انا ماكنتش بتخبط خالص
انا كنت بجيب مالأخر
انا كنت هتقلب عشان فردة كاوتش ( تيوبلس ) فرقعت !
ومرة عجلة واحدة بس قفشت فرامل والعربية كانت هتتقلب برضه
بس انا كنت دايما أخد الموضوع بهزار
لو قريت الحلقات مش هتحس أبدا اني كنت عامل مشكلة ... انا كنت مقضيها ضحك
هقولك كلمة واحدة يمكن تفكرك عشان شكلك ناسي
ربنا بيختارلك الأحسن
كلمة كمان
ربنا اللي بيتحكم في كل حاجة ... مش واحد بيحسدك هو اللي يتحكم فيك
ربنا يحافظ عليك
[mtohg=#000000]http://img696.imageshack.us/img696/2999/warninggf.jpg[/mtohg]
رقم العضوية : 31428
تاريخ التسجيل : 28Jan2009
المشاركات : 379
النوع : ذكر
الاقامة : zagazig
السيارة: seat 133
السيارة[2]: vw polo 99
دراجة بخارية: لا يوجد
الحالة :
بص الى يخاف من العفريت يطلع له
بمعنى طول مانت خايف او قلقان كده العربية هتفضل متصابة
ريحها يومين تلاتة فى الجراش و وهدى نفسك واما يجيلك نفس
اركبها وربنا يسترها معاك
المفضلات