ساعدونى فى الاختيار

**omar_mot3eb** · 24-03-2012 12:29 AM

الاول السلام عليكم
انا بشترى عربيه و محتار من فتره
قلت لوجان جديد بس مش برتاحلها و لا حتى مراتى بترتاحلها
المهم صرفت نظر عن اللوجان
ظهر قدامى كذا عربيه مستعملة
هسألكم على اتنين منهم
الاولى النترا 2007 كاملة اتوماتيك و جنوط 15 و فوجات بس رشه حزام نظافه فى الجنب من تحت
ماشيه 95 الف كيلو مع واحد جارى الكلام على 73 الف
التانيه معروضه عليا لسه اكسنت 2012 الشكل الجديد ار بي ماشيه 700 كيلو كامله مانيوال
الفئة اللى ب 97 الف صاحبتها كان معاها اتوماتيك و مش عارفه تتعامل مع المانيوال فبتبيعها علشان تغير
المهم فيها رخصه 3 سنين
الكلام على 87 الف و ممكن ينزلوا شويه
افيدونى فى الاختيار

**Ashraf_Ibrahim** · 24-03-2012 12:43 AM

خد الآر بي بدون تفكير مطلقا
مفيش وجه مقارنة مطلقا لو العربية عاملة 700 كم فقط وهتنزل 10000 جنيه يبقا كويس جدا
ولو تعرف تنزل اكتر يبقا بيس
المهم ان كدة مفيش وجه مقارنة بين الالنترا والار بي من حيث الموديل وعدد الكيلومترات وكمان الالنترا راشة حزام -مع ان دا لا يعيبها - بس القمارنة تحكم

**Ashraf_Ibrahim** · 24-03-2012 12:59 AM

هو انت ممكن تتزنق شوية في الفلوس فعلا
بس في المقابل انت راكب عربية موديل السنة
ممشيتش
هتريحك في الصيانات والمصاريف لأنها زيرو
وهتبقا على ايدك متلعبش فيها انت برده متضمنش الالنترا معمول فيها ايه
استخير وربنا يقدملك اللي فيه الخير ان شاء الله