بنك البركة

**koheya** · 24-03-2012 06:47 AM

السلام عليكم ورحمة الله وبركاته
ان شاء الله بفكر اشترى عربية من خلال بنك البركة لان الشغل بيتعامل معاة من غير حظر بيع وخايف جدا يكون فيها ربا او شبهه ربا فهل فى حد من السادة الزملاء تعرض لموضوع الشراء من البنك دة وهل حد يقدر يفيدنى من خلال بحثة بفتاوى تجيز او تحرم النوع دة من البيوع .لانى بصراحة مش مستريح ابدا انى اروح لبنك اقولة اشتريلى العربية دى وبعدين اقسطها منك بفايدة.

**Abdm** · 24-03-2012 03:05 PM

حضرتك علشان تكون مستريح ما فيش غير حلين للتقسيط الآسلامى وحضرتك لو ناوى تقسط ما فيش غيرهم ... :-

الآول : البنوك الآسلامية وبنك البركة من البنوك الآسلامية وأنة يعمل معاكم عرض عدم حظر البيع وممكن كمان يكون التأمين غير أجبارى يبقى كدة كويس قوى وفرصة جامدة وكمان أكيد الفائدة قليلة ...

والبنك هيكون علية العهدة فى التعاملات ألاسلامية ومش هيختلف عن باقى البنوك الآسلامية . وممكن بردة بنك فيصل الآسلامى بس مش هتلاقى المميزات المعروضة من بنك البركة وكمان نسبة الفائدة هتكون أكيد أعلى والشروط رخمة .

الحل الثانى : تقسيط مباشر ودة طبعا أفضل نوعا ما لآنة مش بيدخل بنوك فى النصف . بس عيوبة أنة الفائدة عالية + تأمين + حظر بيع + مقدمة كبيرة .... فية عندك عبد اللطيف جميل سيارات يابانى وهيونداى حسب الطلب .... وفية توكيل رينو على سيارات رينو .... وتقريبا ممكن على سيارات كيا ....

... يأما حضرتك لو مش مستعجل أعمل جمعيات لمدة سنتين على الآقل أو ثلاث سنين وربنا يكرمك وأشترى كاش ودة طبعا أفضل حل .

والله الموفق والمستعان

**koheya** · 24-03-2012 07:39 PM

المشاركة الأصلية كتبت بواسطة abdm

حضرتك علشان تكون مستريح ما فيش غير حلين للتقسيط الآسلامى وحضرتك لو ناوى تقسط ما فيش غيرهم ... :-

الآول : البنوك الآسلامية وبنك البركة من البنوك الآسلامية وأنة يعمل معاكم عرض عدم حظر البيع وممكن كمان يكون التأمين غير أجبارى يبقى كدة كويس قوى وفرصة جامدة وكمان أكيد الفائدة قليلة ...

والبنك هيكون علية العهدة فى التعاملات ألاسلامية ومش هيختلف عن باقى البنوك الآسلامية . وممكن بردة بنك فيصل الآسلامى بس مش هتلاقى المميزات المعروضة من بنك البركة وكمان نسبة الفائدة هتكون أكيد أعلى والشروط رخمة .

الحل الثانى : تقسيط مباشر ودة طبعا أفضل نوعا ما لآنة مش بيدخل بنوك فى النصف . بس عيوبة أنة الفائدة عالية + تأمين + حظر بيع + مقدمة كبيرة .... فية عندك عبد اللطيف جميل سيارات يابانى وهيونداى حسب الطلب .... وفية توكيل رينو على سيارات رينو .... وتقريبا ممكن على سيارات كيا ....

... يأما حضرتك لو مش مستعجل أعمل جمعيات لمدة سنتين على الآقل أو ثلاث سنين وربنا يكرمك وأشترى كاش ودة طبعا أفضل حل .

والله الموفق والمستعان

جزاك الله خيرا يا استاذ عبد الحى

**melagouze** · 24-03-2012 08:43 PM

المشاركة الأصلية كتبت بواسطة koheya

السلام عليكم ورحمة الله وبركاته
ان شاء الله بفكر اشترى عربية من خلال بنك البركة لان الشغل بيتعامل معاة من غير حظر بيع وخايف جدا يكون فيها ربا او شبهه ربا فهل فى حد من السادة الزملاء تعرض لموضوع الشراء من البنك دة وهل حد يقدر يفيدنى من خلال بحثة بفتاوى تجيز او تحرم النوع دة من البيوع .لانى بصراحة مش مستريح ابدا انى اروح لبنك اقولة اشتريلى العربية دى وبعدين اقسطها منك بفايدة.

بص يا باشا ...انا بتعامل مع البنك دلوقت ....و خلصت موافقاته.....الميزه اللي فيه انك ممكن تكيش باقي المبلغ بدون اي رسوم او غرامات....هما هيقرفوك شويه في الاجراءات لان كل فرع هتلاقيه بيقولك كلام غير التاني..........ده من حيث البنك

البنك لا يختلف في اجراءاته عن اي بنك عادي باستثناء عقد المرابحه ( لا يذكر فيه كلمه فائده و التكييش و ده اوبشن جميل و يطلعك من شبهه الربا في حاله ربنا فرجها معاك)

باقي الاجراءات تماما مثل اي بنك عادي.....و بالمناسبه انا كلمت دار الافتاء عن طريق التليفون المباشر و قالوللي ان التقسيط مع اي بنك جائز شرعا بشرط وجود سلعه في النص.....يعني التمويل حلال ....اما القرض الشخصي هو اللي حرام.........و اقولك بصراحه....الرأي ده اقرب للصواب في نظري الشخصي و الله اعلم.....لكن قسط مع بنك اسلامي درءا للشبهات