الموضوع: تجربتى انبارح مع بلطجيه وهل انا صح ولا غلط

تجربتى انبارح مع بلطجيه وهل انا صح ولا غلط


السلام عليكم


اسمحولى انى احكى الموضوع بالتفصيل ... ذى كل يوم جمعيه رحت علشان اصلى الجمعه وانا من سكان 6 اكتوبر فبصلى فى جامع اسمه عماد راغب ( مشهور هناك ذى جامع الحصرى كدا ) المهم خلف الجامع فى مكان عباره عن حده رمل كبيره تقريبا فدان مثلا بتاعه الجهاز العربيات بتركن فيها يوم الجمعه للزحمه الشديده ولكن عيب هذا المكان انه ليه مدخل واحد يعنى اى عربيه تدخل او تخرج من مكان واحد يكفى عربيه واحده بس ودا شى طبيعى كل جمعه بنركن هناك وعادى جدا انبارح وانا داخل علشان اصلى لقيت شاب بيقلى تعالى كدا سايس المهم عملت نفسى مش واخد بالى ودخلت عادى وركنت العربيه وانا كنت خايف منه ليكون حرامى من شكله الغلط المهم صليت الجمعه وخارج وكان معايا ابن خالتى جه متاخر وبيركن فى نفس المكان وسلمت عليه وكل واحد راح يركب عربيته وانا خارج بالعربيه لقيت ابن خالتى قدامى بعربيته ولما قربنا من الشاب دا لقيته بياخد فلوس من الناس بالاكراه يعنى هتدفع هتدفع واغلب العربيات ال كانت خارجه ساعدها شباب صغير وكانوا بيدفعوا من الخوف ولما جه دور ابن خالتى علشان يخرج طبعا مرداش يدفع لقيت الشاب دا وقف قدام العربيه وبيخبط عليها باسلوب بلطجه وكان من ابن خالتى انه داس بنزين وشاله كام متر والشاب جه على زجاجه وبيخبط جامد ابن خالتى ربنا يكرمه راح منوله كام بنيه فى وشه تمام التمام وانا نزلت من عربيتى سريعا رحت مكمل عليه كام وحده كمان ( دى اول مره فى حياتى تقريبا اتخانق ) المهم مسكناه وقال انى تابع للمسجد والشيخ فلانى وقفنى هنا علشان احمى العربيات جبت الشيخ فلانى ال هو مسؤول المسجد اول لما الشاب قال الكلام دا قدامه ضربه لان المسجد ملوش اى علاقه بالشباب دا خالص


لقيت راجل باين عليه الوقار وشكله ذى الشيخ محمد جبريل بالظبط بالظبط وقال الموضوع بسيط وبيتكلم وعايز يمشى الولد المهم مسكناه برضوا وبعد دقيقه عرفنا انهم اخوات وبعد شويه الراجل ذى الحيه ال شبه محمد جبريل هرب الشاب الاساسى ومسكنا فى الراجل ابو لحيه ولقيته بيحسبن علينا جميعا كل ال شاهدين على الموضوع وحلف 100 مصحف انه راجل كويس وانهم ناس عارفين ربنا واننا ناس منعرفش ربنا المهم طلبنا الشرطه وجد طبعا بعد ساعه واخدناه على القسم اول لما دخلنا القسم

الظابط بيقول للشيخ ابو لحيه انت شرفت يا سامح تانى يعنى مشهور هناك جدا والصدمه انه سوابق ومتسجل عندهم وكلهم عرفينه كويس ومتصنف من الفئه ج2 مش عارف يعنى ايه بس دا تصنيفه هناك والعائله كلها بالمنظر دا واتحول الموضوع على النيابه والنيابه اخلت سبيله لان المجرم الاساسى هو اخوه وطلبت تحريات عن الاتنين بس بعد لما اعد فى الحجز من بعد الظهر لحد بليل
ال عملناه دا صح ولا دا افترى عليه وحاش الله انى اكون بفترى على حد بقصد بس الموضوع يستاهل اننا نسحبه على القسم احنا كنا 10 شباب وكلنا مصمين ناخده على القسم من طريقه البلطجه بس لما اخوه هرب الشاب مسكنا فى اخوه ال هو بلحيه


لو انت مكانى كنت عملت ايه