زنة فى تابلوه الفيرنا وحكة فى العجل

**ahmed9003** · 25-03-2012 12:48 AM

السلام عليكم ورحمة الله وبركاته

عندى سؤال لحضراتكم وارجو الافادة انا لسه شارى عربية فيرنا مستعملة موديل 2005 وعندى مشكلتين الاولة ان فيه زنة دايما بسمعها ومتهيألى ان ازنة جايه من ناحية التابلوه والمشكلة الثانية انى لما بيركب اتنين اوا اكثر فى الكنبة اللى ورا بلاقى مع اى انخفاض فى الطريق او مطب صوت حكة مع العجل الخلفى وبالذات الناحية الشمال رغم ان اللى اشتريتها منه قالى انه لسه مركب مساعدين ورا كورى جداد مش استيراد وسئلت واحد بص عليهم وقالى انهم فعلا جداد فرجاء الماشورة. ولكم جزيل الشكر

**Ashraf_Ibrahim** · 25-03-2012 01:05 AM

بالنسبة للزنة دا عادي جدا في الفيرنا فمتتعبش نفسك ومتحطهاش في دماغك
اما عن الحكة فشوف عفشجي كويس يبصلك عليها

**A7MED_PHARMA** · 25-03-2012 01:05 PM

الراجل الي فوقيا ده بيتكلم تمام
هههههههههههههههههههههه

الزنة دي..مواسير التكييف..أو أي جزء صلب سايب في التابلوه...من جوه

والحكة الي ورا..المهم إنك تتأكد إن الكاوتش مش بيحك في صاج الرفرف لو الجنط عريض

غالبا فعلا بتكون جلدة الشكمان سايبة .. والشكمان بيهوي يفضل يخبط بالذات لما يكون معاك وزن في الكنبة الي ورا..والعربية تهبط

.
قعد اصحابك في الكنبة ..وخلي حد يهز العربية..وإنزل بص شوف الحكة دي جاية منين
..