الموضوع: عايز اجيب عربيه سانتامو

شكلها ايه العربية دي ؟؟؟
وقطع غيارها عاملة ايه..هو ده المهم في الموضوع

لو تقدر تجيب كارينز..هاتها
زي أحمد شهدي ماعمل..كان معاه فيرنا
ولما العيلة كبرت
باعها...وجاب كارينز

اه اه

شوفتها على جوجل..شوفت منها واحدة أو إتنين في الزقازيق

عربية حلوة
وكبيرة

المشاركة الأصلية كتبت بواسطة ab00seif

على فكرة انا كانت معايا سانتامو 2001 وبعتها من سنة تقريبا عربية كويسة بس لو مضبوطة انما غير كده هتلف حوالين نفسك لان هيونداى اقصد غبور توكيل هيونداى مش معترفة بيها ومالهاش قطع غيار فى التوكيل لان كان وكيلها الرواس اول مانزلت للسياحة وبعدين الكل تخلى عنها مالهاش اهل ههههههههه
غيرت لها موتور استيراد من الحرفيين ب3 الاف جم والاسطى حسن الميكانيكى ركبه وخرط النص العلوى وغيرت طقم صبابات وبرضه مش حلوة وبتسخن اقصد بتغلى ودوخت على الردياتير واخيا وفقتلها ردياتير لانسر
بس كانت بتشرف اوى فى الشغل اشيل عليها اكتر من حمولة نقل وعدد ركاب يرفع الراس
وفى السفر عبيطة عايزة طريق وبس ( ده لما كانت مظبوطة) بس مصاريفها كتيرة ومع ذلك زعلت عليها لما تخلصت منها
فيها حاجة حلوة بس مش عارف ايه هيا ولما بعتها تعبت جدا فى السوق جابت 50 الف بالعافيه وفى معرض سيارات بعد اسبوع جابت 55 وبعدها نزلت صور واعلان نت اتباعت على طول ب62 وخسرت فيها 3 الاف غير اللى صرفتوا عليها
هذه نصيحة لوجه الله افحصها كويس جدددددااااااااااا قبل الشراء وجربها وتكيفها مافهوش وسط ياكويس اوى ياشكرا

طالما هيونداي.. التوكيل مش معترف بيها إزاي ؟

طيب طالما مشاكلها حلها مش بسيط..بلاش منها إحسن ويدور على حاجة تخدم معاه تمام


أنا رأيي تجيب بيجو 504 صالون..أهي منها تساع العيلة
وتروق فيها.

خد بالك إن البيجو 504 إنقرضت كــ عربية ركاب بعد الميكروباصات ماملت البلد

يعني تجيبها.. وتديها لون تمام
وطقم جنوط 18 .. تبقا حكاية
أو البيجو 305 .. هي قديمة شوية بس الصالون منها هايلة
.
او
تشوف عربية من العربيات الصالون الي انت بتنزل معاقين
النوبيرا فيها منها كان بينزل معاقين .. صالووووووووون
شكلها محترم أوي برضو