لعنة الطريق الدائري مازالت تطاردنا ، حادث جديد على الدائري.القطامية

**Karim_Monir** · 25-03-2012 12:21 PM

القاهرة
نايل موتورز
افادنا احد مراسلينا بوقوع حادث كبير امام محطة موبيل القطامية علي الطريق الدائري في الاتجاه الى الهرم
حيث اصطدمت سيارة تريللا بمقطورة بعدة سيارات ملاكي وقامت بدهسهم في البلوكات الخرسانية
وعلى اثرها توقف الطريق تماما في كلا الاتجاهين و نناشد هيئة الدفاع المدني بضرورة التدخل سريعا لدفع الحطام

الى السيد وزير الداخلية:
اين رجال المرور للحد من مهازل الطريق الدائري و رفقا بالشعب المصري

**المنسي** · 25-03-2012 12:49 PM

الدائرى شعاره مش هتقدر تغمض عينيك

**amrdisks** · 25-03-2012 01:45 PM

ممنوع كتابه اللغه العربيه باحرف اجنبيه
مشرف عام 1

**kshahin** · 25-03-2012 02:20 PM

الحادث كان الساعة السابعة صباحا ومات فيه ابن احد السائقين فى الشركة التى اعمل بها وهو يعبر الطريق الدائرى ليذهب لمدرسته حيث انزله والده فى الاتجاه المؤدى للتجمع والحادث تم فى الاتجاه الاخر المتجه للمعادى وهو يعبر الطريق ليذهب لمدرسة الصنايع جهة المقطم وبعدها قطع الطلاب الطريق ومش عارف الحادث ده اللى بيتكلم عليا كريم ام هذا حادث اخر ربنا يسترها على الجميع

**heeshooheeshoo** · 25-03-2012 02:46 PM

ده الخبر العادى بتاع كل يوم .. لأن السؤال كل يوم مش بيكون هو فيه حادثة على الطريق الدائرى وللا لأ . السؤال اليومى هى الحادثة بتاعة النهارده على الطريق الدائرى فين ؟
بالمناسبة ... هى الإدارة العامة للمرور واخده اجازة بدون مرتب وللا إيه ؟

**mohkhattab** · 25-03-2012 02:51 PM

حسبى الله و نعم الوكيل فى الطريق دا
دا المفروض يسموه طريق الحوادث

**tutankhamoun** · 25-03-2012 04:00 PM

المشاركة الأصلية كتبت بواسطة heeshooheeshoo

ده الخبر العادى بتاع كل يوم .. لأن السؤال كل يوم مش بيكون هو فيه حادثة على الطريق الدائرى وللا لأ . السؤال اليومى هى الحادثة بتاعة النهارده على الطريق الدائرى فين ؟
بالمناسبة ... هى الإدارة العامة للمرور واخده اجازة بدون مرتب وللا إيه ؟

ما هو يا فندم الشرطة تنزل برادارات ....... الناس مش عاجبها
ما ينزلوش خالص برضه أحنا مش عاجبنا

لأن كل واحد في الشعب المصري محتاج قانون بمزاجه
اللي عايز الطريق يبقى 150 كم - س
و اللي عايز يعمل غرز عادي بدون عقاب
و اللي مش عايز النقل يركب الدائري إلا بمواعيد

أحنا طبق كشري كبير ........... سمك لبن تمر هندي