مفتاح الفصل

**theangel** · 25-03-2012 04:50 PM

السلام عليكم ورحمة الله وبركاته
كان عندي استفسار بسيط وهو عن مفتاح الفصل اللي بيفصل الكهرباء او بيقطع البنزين عن الماتور هل المفتاح ده فعال أم لا ؟

انا ركبته طبعا علشان كانت العربيه كانت هتتسرق ولكن الحمد لله ربنا ستر والجيران سمعوا الصوت ولما خرجوا الحرامي جري
اللي حصل انه بالليل متأخر كان حرامي الله ينتقم منه بيحاول سرقة العربيه كسر زجاج الباب هي العربيه ماتريكس ومن الصوت جيراني ربنا يكرمهم سمعوا فا طلعوا وجري لما شافهم

طبعا الإجراء الروتيني اني اتصلت بالشرطه وبصراحه 5 دقايق وكانوا عندي بس طبعا الوصول بيكون بسرعه والحلول مفيش ابطئ منها
المهم كان ملازم و3 امناء شرطه قالي انت شوفته قولتله لأ هو اللي حصل انه لما الجيران خرجوا هو جري علي طول وانا مشوفتوش قالي احنا ممكن نعملك محضر بس هيبقي بلا فائده وهو قالهالي كده بالحرف
قالي لو شوفته او عايز تتهم حد احنا ممكن نجيبه انما غير كده مش هنعملك حاجه

يعني من الأخر المفروض اني ابقي عارف كل الحراميه والمسجلين تقريبا علشان لما يحصل حاجه ابقي اتهمهم والمحضر يبقي ليه لزوم

المهم انا دلوقت عملت مفتاح فصل للعربيه طبعا هو بيبقي في مكان مخفي
وده زي ماقولت لما تيجي تدور العربيه بتدور معاك وتقوم مبطله لوحدها علي طول ومتدورش تاني
هل المفتاح ده فعال ؟ ولا اي كلام وخلاص

وشكرا وربنا يكفيكم ويكفينا شر المصائب.

**Kareem Fawzy** · 25-03-2012 05:29 PM

هو فعال فى حاجة
ان الحرامى مش هيفهم العيب من اية
ومفيش حرامى هيقعد يدور على العيب فين
الحرامى بيبقى عايز ياخد العربية ويجرى

بخصوص المفتاح هو العادى ان العربية متدورش خالص
لاكن تدور وتبطل لوحدها دى جديدة عملتها ازاى

**wael_power** · 25-03-2012 06:02 PM

تقريبا بيفصل طرمبة البنزين
علشان كده ممكن تدور ثواني نتيجة وجود بنزين بالمواسير وتفصل علي طول
والافضل فصل كهرباء الرشاشات
وربنا يسترها معانا

**SASA3** · 25-03-2012 08:11 PM

و ممكن تعمل زى ما انا عامل كده و تحط كتاوت بدل المفتاح و يبقى التحكم بالريموت بتاع الانذار الى اغلب الناس مركباه

لا بيكون موجود متشاف او ممكن يبص يلاقيه و مخفى و فعال

**theangel** · 25-03-2012 10:47 PM

المشاركة الأصلية كتبت بواسطة sasa3

و ممكن تعمل زى ما انا عامل كده و تحط كتاوت بدل المفتاح و يبقى التحكم بالريموت بتاع الانذار الى اغلب الناس مركباه

لا بيكون موجود متشاف او ممكن يبص يلاقيه و مخفى و فعال

ممكن حضرتك تشرحلي الفكره دي ؟

**abonagham** · 25-03-2012 11:11 PM

ربنا يسترها معانا ومع الجميــــــــــــع

**kbarema** · 26-03-2012 11:31 AM

المشاركة الأصلية كتبت بواسطة theangel

ممكن حضرتك تشرحلي الفكره دي ؟

وانا كمان ضرورى لو سمحت

**SASA3** · 26-03-2012 02:42 PM

المشاركة الأصلية كتبت بواسطة theangel

ممكن حضرتك تشرحلي الفكره دي ؟

الفكرة و ما فيها ان بدل ما اعمل مفتاح للفصل و بيكون ضاهر او مش هعرف احطه فى حته او كل ما انزل من العربيه اشغله و اطفيه و كده

انت تجيب كتاوت فصل و تروح لكهربائى بيفهم و عارف هو بيعمل ايه علشان ميعكش الدنيا

و هيقوم موصل المارش و موصل طرمبة البنزين عليه و يوصل الكتاوت ذات نفسه على جهاز الانذار الى عندك

و انت اول ما تضغط على زرار قفل الباب من الريموت السنتر هيقفل و الزجاج هيقفل و الكتاوت ده هيفصل المارش و هيفصل طرمبة البنزين

و بحيث كده الكتاوت ده يخفيه فى اى حته فى العربيه و مش هيبقى ظاهر و التحكم فيه هيكون من الريموت فقط و مش محتاج مفاتيح ولا كلام من ده

و بالنسبة للتكلفه انا عملته و كان مكلفنى 40 جنيه شامل تمن الكتاوت و المصنعية كمان

و ربنا الى بيستر فى الاخر و الله

**kbarema** · 26-03-2012 03:40 PM

الف شكر لحضرتك على اهتمامك وسرعه ردك

الموضوع: مفتاح الفصل

LinkBack

أدوات الموضوع

عرض

-

-

-

-

-

المواضيع المتشابهه

هل يحقق مفتاح الفصل الامان الكامل للسيارة ؟

مفتاح الفصل

تجربة تركيب مفتاح الفصل فى التوكيل

مفتاح مريات الشارك زى مفتاح البومه ولا مختلف؟؟

استقسار عن وجود مفتاح بجوار مفتاح الكبود

الكلمات الدلالية لهذا الموضوع

المفضلات

المفضلات

ضوابط المشاركة