الموضوع: الفيرنا والشكمان هيجيبولى جنان

عندى مشكلة كبيرة

العربية عندى بقالها فترة وفيها صوت فووووووووووو بس مش عاطفى خالص يعنى كان فى حاجة فيها مشكلة الصوت دة يعنى زى حاجة صاج وانت ضاغط عليها بالهوا جامد كان بيظهر لما اكبس بنزين مرة واحدة لكن لو بدوس على الدواسة بالتدريج الصوت دة مكنش بيطلع خالص يادوب صوت العربية وخلاص المهم جة الشكمان اتخبت فالفتحة بتاعتة اتنت روحت للراجل علشان يفتتحها تانى الراجل قالى العلبة لازم تتغير علشان المصافى مكسورة من جوة ودة كان بيخلى العربية تخنق تفك على السرعات ودة فعلا كان بيحصل المهم غيرتها المهم وانا عند الراجل لما كنت اكبس بنزين على الاخر قبل العربية ماتفصل بتعمل فرقعة فى الشكمان قالى دى الكهربا محتاجة تتظبط علشان لما العلبة كانت مكسورة اثرت على العربية واثرت على الكهربا ولازم تتظبط كمبيوتر وقالى هى ممكن تظبط تانى مع نفسها فى الاول كان صوت العربية ضخم مدى على صوت الديفيل شوية انا قلت يمكن العلبة جديدة ولسة مكربنتش وكدا وصوت الفووو الى بيصرخ مكنتش قادر اميزة كويس

لكن بعد كام يوم العربية رجعت تانى زى الاول الصوت رجع تانى والعربية بحث انها بتتخنق بدرى يعنى ابقى على التالت و السرعة 50 و الاقى العربية صوت تخن و مش سالكة دة لايمنع انها ممكن تجيب سرعة 100 و هى بردوا على التالت بس وهى مخنوقة انا حاسس انى ضاغط عليها و على المطالع العربية مفيسة مش قادرة تطلع بقوة وعزم والصوت شغال ورا عمال يعلى بس مفيش اداء

روحت للراجل تانى قالى دى العلبة الصغيرة الى فى النص الى هى المفروض علبة البيئة خدت خبطة و المصافى اتكسرت وعايزة تتغير ب 230 جنية قلتة مفيش حل تانى قالى الحم العلبة المهم نزل وقعد يحفرك فيها الصوت بقى بيجى ويروح حبة اه و حبة لا وحبة العربية تخنق من عير مناسبة وحابة تجرى عادى وتشد بيها تمام وحبة تخنق

المهم انا دلوقتى هتجنن
العربية عاوزة ظبط كهربا
عاوزة تغير العلبة الى فى النص
عاوزة تغير العلبة الكبيرة الى انا لسة مغيرها

يا زميلي الفاضل ....
صوت فوووو متصل دة حاجة تانية غير الشكمان
ممكن تودي العربية عند اي حد (( يكشف بس علي البليتين الاماميين في العجل ))
وبعد كده ..لو تمام وسلام ...بص الشكمان بتاعنا 3 مناطق
1- الجزئية اللي بعد الفرن دي بيسموها ال سستة ( دي المسؤلة عن 90 % من الاصوات ) لو مكسورة وممكن تروح وتيجي كمان معاك
2- علبة البيئة ..
3- كاتم الصوت الخلفي .......

بنسبة 99 % اللي عندك دة ( بلي عجل او سستة شكمان ب 60 جنية بس )

دي علبة البيئة


ودي العلبة الخلفية قبل ما تتفتح
اضغط هنا لمشاهدة الصورة بالحجم الطبيعي.


ودة شكلها لما اتفتحت


واخيرا السستة


يبقي نقول تاني
سستة ب 60 جنية نغيرها ونشوف الصوت ومش ها تخسر حاجة
ونكشف علي بلي العجل اليمين والشمال

علي ضمنتي

باذن الله هجرب اشوفها ومتشكر جدا لاهتمام حضرتك

شكل الراجل بتاع الشكمان ده مش فاهم حاجه ازاى يعنى يركب حاجه وهو مش عارف ازا كان العيب منها ولا لا

اذا كان متعمد النصب عليا يبقى الله لا يباركلة