الموضوع: قطع غيار نايل موتورز

المشاركة الأصلية كتبت بواسطة ahmed.tv

صعب اننا نشترى قطع غيار ونبيعها للاعضاء .. لان الموضوع ده عايز راس مال كبير جدا .. لان لو جبنا من مصر .. واشترينا قطع غيار اصلية من نيسان .. عشان تاخدها بسعر قليل يبقا لازم تشترى بكمية .. وفيه تامين وقصص كبيرة جدا .. وسالت فيها قبل كدا

وعشان تجيب من بره مصر التايوانى وغيره وغيره .. يبقا بردوا محتاج راس مال عشان تسافر وتستورد قطع غيار مش حتجيب بالواحدة ابدا .. ولازم تجيب بالكمية .. والموضوع ده متعب جدا .. لان كمان لازم تضمن القطع اللى بتجيبها وبتبيعها للاعضاء .. يعنى دوشة وقصة وجع دماغ

ده غيار احنا هنا كام واحد .. فى القسم حنتشرى قطع غيار .. وكمان كل امتى حنتشرى قطع غيار
وحتى لو فتحنا محل على سبيل الميثال .. نيسان زباينها مش كتير

انا لما بلف فى السوق عشان اشترى هدايا للاعضاء فى التكريمات .. وعلى سبيل المثيال كان النهاردة .. حفيت عشان الاقى اى حاجة عليها شعار نيسان .. كله لماركات كورى

ده حتى الولاعات بتاعت السجائر كلها ماركات ما عدا نيسان .. او ميدلايات مفتايح .. ماليان لكل الماركات ويجى عند نيسان متلقيش او تلاقى واحدة او اتنين

القصة اللى بتتكلموا فيها فى قطع الغيار صعبة جدااااااا

وقصة الاستيكر .. الاستيكر بيقدم خدمات للاعضاء المنتدى .. وكمان بصراحة احنا بنشترى الاستيكر من قبل ما يكون فى خدمات .. كدعم للمكان اللى اتعرفنا على بعض منه .. وشوفنا معاه اجمل ايام عمرنا .. ودى حقيقة

وكسبت منه اخوة وقفوا معايا وقت الازمات .. بجد .. اهلى واقاربى موقفوش معايا كدا
وشوفت منه الانانى واللى بتاع مصلحته .. واللى بياخد الخدمة مننا ويخلع والقماص .. والراجل والجدع .. واللى صاحب صحبه .. واللى مخه وقلبه كبير

وفى الاخر جمعنا جروب .. من الناس المحترمة اللى سنها صغير بس عقلها كبير وقلبها كبير وكمان وسطينا ناس كبار مقاما واخوة لينا كبار .. وبقينا اخوة واسرة بجد .. ومقدرين بعض .. وهو ده اللى طلعنا بيه وكسبناه وبندور عليه هنا .. واللى مش بيقدرنا واخد مصلحته خلاص براحته هو الخسران وعلى كيفه

لما بنكتب معلومة وموضوع او بنرد على اى عضو جديد بنرد بحب وبقلب .. ولا اكنه شغلنا اللى بناخد عليه مرتب .ز مع اننا مش بناخد حاجة غير محبتنا فى بعض فى الله .. واحيانا وكتير بنسرف من جيبنا على خدمات وملعومات عشان الاعضاء .. سواء بتصال بمهندسين فى التوكيل عشان نسالهم على معلومة لعضو او نسهل اى مشكلة .. ومش انا اللى لوحدى بعمل كدا ده كل الجروب

فالاستيكر ده اقل حاجة بنعملها للمنتدى وبنشتريه .. عشان نرد جميل للمنتدى اللى فعلا بعد ربنا سبحانه وتعالى جمعنا ببعض .. وكمان بنحاول نقدم اكتر فى الاشتراكات المدفوعه عشان ده بيتنا اللى لازم يلاقى مننا دعم

لان لو قعدنا فى اى قهوة او نادى ودفعنا اشتراك شوفوا حندفع قد ايه .. وكمان مش حنتعرف على بعض كدا ابدااااا
وفى نفس الوقت الاستيكر بيقدملك مزايا وخصومات .. وكمان العضوية المدفوعة بتقدملك مزايا فى طريقةا لبحث المتقدم فى الموقع وبتفتحلك صلاحيات .. وكل ده حاجة بسيطة .. استيكر ب50 جنيه .. مش حتشتريه تانى .. وعضوية البريميم اقل واحدة ب50 جنيه فى السنة

وطبعا الاعضاء بتدخل تستفاد بكم معلومات كبير وخدمات كمان من كيتات ريموت .. اللى الناس بتبعت وتخاطر وبتجيبه على حسابها .. ومفروض اصلا يكون فى دعم كمان ولو 10 جنيه للمنتدى والملعومات بنجيبها من التوكيل مباشرة .. غير العروض من محلات الفرش .. وغيره وغيره فىا لقسم والمنتدى ماليان بخير الحمد لله
غير العمل التطوعى للاعضاء

يعنى مثلا زى عمرو وزى هيما .. اللى كانوا عايزين يتطعوا ويشتروا ليدات صالون .. ونواكل للصنى .. على حسابهم وبعد كدا يدوها للاعضاء بنفس التمن اللى جابوه .. ويمكن كانوا عاوزين يعطوه جزء منه هدايا

نزولهم ولفهم وتعبهم ده عشان ايه .. مش عشان حبهم للاعضاء للمنتدى .. اللى استفادوا منه

عامة انا رديت على جزء الاستيكر سواء كان تطوعى ازاى او كان بيقدم ايه

اما موضوع الميكانيكى او الكهربائى .. صعب انك تستقر على حد معين وثابت .. لان بصراحة مفيش واحد فى مصر متقن وايده تتلف فى حرير .. واغلب الاعضاء اللى عربيتها لسه جديدة بيتعاملوا مع التوكيل

وفعلا اكيد لو لقينا حد متخصص فى نيسان .. صعب يعطيك خصم بالاستيكر .. وبصراحة الاهم عندى من خصم استيكر او خصم حيعملهولى ودى انه يعمل شغل صح

ادعولى ان حلمى يتحقق وافتح ورشة صغيرة لنيسان بس ..
وطبعا تكونوا معايا كلكم شركاء فيها
لان نجاح اى شغل مش حينفع يقف على فرد واحد
بل على الجماعة والتعاون والمحبة والاجتهاد

تحياتى

ماشاء الله عليك ياعمدة رد ممتاز بجد انتا عبرت على اللى جوايا