سؤال حول تقسيط رينو لوجان

**reaky** · 28-03-2012 04:53 PM

السلام عليكم

انا عاوز أشترى سياره لوجان جديده وعرفت انهم بيقسطو فى الشركه هناك
هيا تمنها هناك 79 الف انا هدفع من تمنها حوالى 50 الف واقسط الباقى على حوالى سنه
مسؤول التقسيط هناك اسمه جمال قالى انهم عندهم حظر بيع وتقريبا فى حاجه اسمها توكيل انا مش متأكد إن كانت الحاجات دى حلال او لا
الحاجه التانيه هما قالولى انى هحجز واستلم العربيه بعد 3 شهور انا مش عارف لو حضرتك تعرف مكان تانى ممكن يقسطلى بس أستلم منه العربيه أسرع
انا سمعت عن حد اسمه محمد ذكى بيسلم أسرع بس مش عارف ايه نظام التقسيط عنده
كمان ياريت لو حد عنده معلومات عن شركات التأمين التكافلى
متشكر جدا على المساعده

**ZOoOoMA** · 28-03-2012 06:19 PM

المشاركة الأصلية كتبت بواسطة reaky

السلام عليكم

انا عاوز أشترى سياره لوجان جديده وعرفت انهم بيقسطو فى الشركه هناك
هيا تمنها هناك 79 الف انا هدفع من تمنها حوالى 50 الف واقسط الباقى على حوالى سنه
مسؤول التقسيط هناك اسمه جمال قالى انهم عندهم حظر بيع وتقريبا فى حاجه اسمها توكيل انا مش متأكد إن كانت الحاجات دى حلال او لا
انا معرفش حلال و لا حرام بس هما بيعملو كده عشان خاطر يضمنو حقهم في العربيه و يضمنو انك مش هتهرب منهم
الحاجه التانيه هما قالولى انى هحجز واستلم العربيه بعد 3 شهور انا مش عارف لو حضرتك تعرف مكان تانى ممكن يقسطلى بس أستلم منه العربيه أسرع

انا شايف انك تستنى شويه و تستلمها من الشركه الام يكون افضل و احسن بكتيييير على الاقل هيكون المصدر مضمون لكن المعرض متعرفش العربيه حصل فيها ايه و هيا رايحالو و ب التالي الشركه الام اضمن
انا سمعت عن حد اسمه محمد ذكى بيسلم أسرع بس مش عارف ايه نظام التقسيط عنده
كمان ياريت لو حد عنده معلومات عن شركات التأمين التكافلى
التامين التكافلي معنديش معلومات عنو بصراحه
متشكر جدا على المساعده

اي خدمه يا كبير و كلنا في خدمه بعض

**elhalfawy_2010** · 29-03-2012 10:03 PM

بس ياسيد رينو بيقسط مع شركة كونتكت فممكن تشتري من اي معرض وتقسط برده مع كونتكت بنفس برنامج التقسيط وهما عندهم برنامج اسلامي اما موضوع التوكيل فهو ضمان حقهم مش اكتر اما المعارض بره بتعمل اوفر بريس حوالي الف او الفين وممكن تستلم خلال اسبوع بالكتير وتريح نفسك

**MaSal** · 30-03-2012 02:48 AM

بص يا باشا بالنسبة للتقسيط عندك كذا نظام :

1- تقسيط رينو وده بيكون مع شركة اسمها كونتكت وبفايده 9 % لو علي اقل من 3 سنين و9ونص % لو اكتر من 3 سنين بس حتبقي مرتبط تجيب العربية من التوكيل وتستني بقي هل حيجيبوها بعد شهرين ولا تلاتة
2-تقسيط تبع شركة كونتاكت كارز او اي بنك وده حيخليك تجيب العربية من اي معرض لو متوافره وتخلص اجرائتها من اسبوع لاسبوعين
3- بالنسبة للبنوك في بنوك اسلامية زي بنك فيصل والبركة والوطني للتنمية وفي نظام اسلامي تبع كوناكت برضه افضلهم من حيث صيغة العقد وسرعة الاجراءات وتعقيدها الوطني للتنمية
4- بالنسبة لباقي البنوك اللي مش اسلامية الفايده بتبقي اقل يعني توصل 7 % مثلا

بالنسبة لمحمد ذكي هو الاكثر ثقة في السمعة بتاعته والتزامه وعدم مغالته في سعر العربية (الاوفر برايس) بس حتستني للاسف العربية تكون متوافره عنده

غير كده حاول تاخد ملحق السيارت بتاع الجمعة وتكلم كل المعارض اللي فيه وتشوف مين عنده العربية وايه الالوان المتوافره ومتتعاقدش مع اي حد غير لما تشوف العربية بعينك اوك

بالنسبة للتأمين عندك نوعين في تأمين تجاري وفي تأمين تكافلي اللي اعرفه ان دار الافتاء اجازت التأمين التكافلي وقالت في فتواها تقريبا اسم شركة تأمين بيت التأمين المصري السعودي للتأمين التكافلي ودي اللي انا أمنت بفضل الله معاهم عن تجربة وسؤال من ناس عملت حوادث واتعاملت معاهم فسمعتهم طيبة وربنا يستر علينا جميعا ان شاء الله

اي سؤال تاني انا تحت الطلب

**reaky** · 30-03-2012 12:17 PM

ربنا يباركلكم ويكرمكم يارب على المعلومات المفيده دى
متشكر جدا واسمحولى لو فى اى حاجه تانيه أسألكم

**adel_edrees** · 01-04-2012 12:48 PM

بس يا سيدى ترتيبهم من حيث السمعة
1- محمد زكى
2- عربيات
3- الميكانيكيون العرب
ده لو عايز تشترى من موزع معتمد و لو عايز تشترى من تاجر يبقى ما فيش غير سمير ريان