ميكانيكى و كهربائى لديهاتسو ميـــرا موديـــل 2000

**Sharky** · 07-06-2008 05:19 PM

الحمد لله يا جماعة جبت لأختى دايهاتسو ميرا موديل 2000 و محتاج أعرف عناوين الميكانيكية و الكهربية إللى فاهمين فيها علشان أتعامل معاهم فى الفترة القادمة لو أحتجتهم

فياريت لو حد يعرف عناوين فى مدينة نصر و مصر الجديدة
و ياريت كمان أسماء محلات قطع الغيار و بعناوينهم و أرقام تليفوناتهم

**عزيز محمد** · 08-06-2008 02:10 PM

كان نفسى أفيد حضرتك لكن الميكانيكى الوحيد اللى اتعاملت معاه موجود فى الحرفيين هو شغله كويس لإنه متخصص بس أسعاره مبالغ فيها قوى

صاحب الورشة باشمهندس سيد الفراش (ومعلق شهادة بكالوريوس الهندسة جامعة المنصورة فى الورشة) ومكانه خلف الجامع اللى على الشارع الرئيسى
كمان عنده مخزن فيه قطع الغيار الخارجية (فوانيس رفارف إلخ) ربنا ما يجعلك تحتاجهم

لكن سؤال لو سمحت: العربية عملت كام وعدادها عامل كام كيلو ومانيوال ولا اوتوماتيك وإيه الكماليات اللى فيها

**Sharky** · 08-06-2008 03:43 PM

العربية أنوماتيك موديل 2000 عاملة 113900 و فيها تكييف و باور و سنتر و عملت 31500 الف

**عزيز محمد** · 08-06-2008 04:23 PM

ما شاء الله سعر رائع على الكماليات دى

ربنا يبارك لكم فيها

بس هل هو ده رنج سعرها ؟ أصل الأسعار اللى باسمعها عن موديلات 2000-2002 أعلى من كده (أواخر ثلاثينات) ولا فيه ظروف اخرى خفضت السعر

**Sharky** · 08-06-2008 08:39 PM

هى كانت عربية مرات واحد صاحبى و كانت مرشوشة بره لكن فابريقة جوا
بس كان قدامى واحدة قبلها عاملة 80 الف كم و إتباعت على 37000 الف

**عزيز محمد** · 09-06-2008 11:06 AM

شكرا يا أستاذ أحمد على ردك وآسف إنى ما أفدتكش كتير فى سؤالك الأصلى

**rrchico** · 18-12-2008 09:15 PM

دى اجمل و اسرع تجميع عربية ممكن تشوفة بجد انا موهووووم بيها و مش ناوى اغيرها .... عموما فى سيد الفراش و قطع الغيار تجبها من اوشين فى الحرفيين و تركبها عند سيد الفراش و نمرتة 0123964377

**shaltot** · 22-12-2008 09:51 AM

أخي الحبيب بعد مساء الخير
أولا ألف مبروك
ثانيا السعر ماشاء الله ممتااااااااز
ثالثا في كهربائي اسمه محمد المنوفي بيشتغل في الدايهاتسو بقاله 10 سنين وممتاز في الحرفيين وفي محل اسمه دايهاتسو لاند د. علاء طلعت وأعتقد عنده ميكانيكي كويس وعنده قطع غيار جامده وفي ميكانيكي تاني في الحرفيين اسمه محمود دايهاتسو. وممكن تعمل لهم زيارة بدون تصليح أقصد تتعرف عليهم هذا بالإضافة لأوشين وسيد الفراش زي ماقال الأستاذ عزيز محمد وله كل الإحترام .ولك تحياتي