الموضوع: ممكن لو حد عندة فكرة أسعار الحاجات دى كام تقريبا

انا عربيتى أكسنت 2007معملتش حاجة فى العفشة خالص قبل كدة حتى الزوايا من سنتين ولا ثلاثة معملتش فيها حاجة لان محستش ان العربية بيها مشكلة خالص

فأنا مش غاوى مصاريف

بس قلت أغير الجلب عشان تبقى عمر واحد وتتفك مرة واحدة

بص انا هاقولك على اللى بيحصل عندى بالظبط

1 - عندى هبد ورزع جامد فى العربية من الخلف وخصوصا لما بتعدى مطب أو طريق منقر
2 - لما بتيجى تاخد غرزة أو ملف بتلاقى العربية من الخلف بتتمرجح عكس اتجاة الملف

* فأنا قلت دى المساعدين ؟؟؟؟؟؟؟ والرأى ليك

3 -الأمام بحس بخبط ورزع والعربية بتبقى ناشفة جدا برضة فى المطبات والنقر
4- لما بهز الدريكسيون وانا واقف بحس بخبط تحت الدواسات وتحت رجلى
5- بتزيق من الامام لما بلف الدريكسيون فى مطلع مثلا
6- لما بمشى فى طريق منقر بحس ان من ناحية يمن السائق فيه حاجة بتخبط

مع ان العربية لما الطريق بيكون ناعم مابتسمعش صوت حاجة خالص وبتبقى ناعمة على الطريق

وبالمناسبة بالامس كنت ماشى فى طريق شبة مظلم وفوجئت بمطب حفرة هو مش عميق خالص بس لية حرف من ناحية الأسفلت فالعربية كلت المطب فطبعا صدت فى الحرف دة ومشيت عادى بس حسيت انى راكب عربية مش محصلة عربية كارو يمكن الكارو انعم فى المطبات

يعنى دى أمثلة من الحاجات اللى عندى

فممكن مبدئيا إية هى الأسباب المؤدية لكدة

وتأثير المطب إيه وخصوصا ان خدت المطب على السريع وماحستش ان فية لا مساعدين ولا سوست مع ان المطب مش عميق هو واسع حولى 3/4 متر فمع السرعة خبط فى حرف المطب من الناحية الأخرى

أسف على التطويل

معلش انا كنت كتبت نفس الكلام فى موضوع تانى وأسف على تكرارة


وشكرا لردك