الموضوع: تجربتى مع مركز السبع لصيانة كيا

بسم الله الرحمن الرحيم
ناس محترمة جداجدا
انا معايا سبورتاج 2012
كلمت السبع أمس لتشغيل خاصية غلق السنتر اوتوماتيك لما تتحرك العربية قالى تعالى وهتتكلف 165 جم رحت ف نفس اليوم ولكن قالى قبل الساعة 3 عصرا وانا كنت مكلمهم 1.5 ظهرا المهم ذهبت للمركز بالمعادى وقابلنى م /هيثم عزام وبقولك المهندس ده فاهم العربية من الإبرة للصاروخ وفهمنى حاجات كتيير عن العربية واستلم منى السيارة م/ياسر محمد وتم عمل التالى:
1-صيانة 5000 كم
2-تم تشغيل الخاصية الغلق الأتوماتيكى لما العربية تجيب سرعة 15 كم
3-تم تشغيل خاصية فتح السنتر لما اشيل المفتاح من الكونتاكت
4-اعادة لضبط النور الأمامى
5-تركيب كلبس للكرتيرة السفلية
6-غسيل كامل للسيارة من الداخل والخارج
7-الرد على كافة الإستفسارات بصدر رحب عن طريق م/هيثم
8- تم الإتصال بى اليوم من كول سنتر للإطمئنان على رضى العميل بالخدمة
المفاجأة تم عمل كل ماسبق مجانا وهذه كانت المفاجأة
عامتا انا خرجت من المركز مبسوط ومرتاح نفسيا وتم ذلك خلال حوالى 1.5 ساعة مش 5 ساعات زى ما قالى مركز ابو رواش لكيا
ألف شكر لمركز السبع وحبيت افيد وحوش كيا بهذه التجربة وشكرا للمنتدى الجميل والإدارة القوية