استفسار عن فتيس الأوتوماتيك

**autocross** · 30-03-2012 05:54 PM

السلام عليكم
انا معايا النترا 2009 اتوماتيك اول فئه ودلوقتى عامله 23000 كم واتكرر معايا موقف مرتين لحد دلوقتى فى نفس الاسبوع من الفتيس ببقى ماشى طالع من مطب مثلا وبدوس تنقل نقله وتنتش بعدها نتشه غبيه جدا واحساس كانها هتقف وتبطل بس بعدها اقف خالص وابدا تانى معاها تنقل مفيش مشكله انا من فتره كدا كنت بغير زيت موتور والراجل قالى زيت الفتيس دا محروق وعاوز يتغير انا طبعا مخدتش بكلامه قولت ايه المجنون دا العربيه لسه معملتش 20000 كم وقولت عاوز يعمل شغل عليا وخلاص
بس انا قلقان بصراحه من الموضوع دا علشان ملسوع فى فتيس فولكس بورا قبل كدا وعارف ان الاتوماتيك مفيهوش هزار معلش انا اسف طولت عليكو
ياريت لو حد عنده اى معلومه يفيدنى وخصوصا ميعاد تغيير الزيت او الفلتر وشكرا ليكو

**Kareem Fawzy** · 30-03-2012 06:24 PM

بص يا باشا زيت الفتيس بيتغير على 40 الف كيلو او 3 سنين
وحضرتك انصحك بتغيره
لان عربيتى 2007 وعملت حاجة شبيها بكدة هى انى اديها نقله d مثلا ومتعبرنيش
r متعبرنيش
روحت غيرت زيت الفتيس نزل اسود لدرجة مستفزة
انصحك تغير زيت الفتيس وان شاء الله كله خير
اشترى 3 كيلو زيت فتيس atf موبيل او شل
سعر اللتر تقريباً 28 جنيه
وتروح اى بنزينة تغيره
وان شاء الله مش هتحس بكدة تانى
تحيـــاتى

**bakkarahmed** · 30-03-2012 07:40 PM

نضف الحساسات والبلوف وغير الزيت بس هات نوع نضيف من التوكيل (الليتر ب 90 جنيه) spiv ممكن يكون غالي شويه بس هات اربعه ليتر بس واشتري فلتر فتيس وبعد كده الامور هاتبقي تمام ان شاء الله

**Sir_Mohd_Sabra** · 30-03-2012 11:14 PM

بص ياباشا غير زيت الفتيس والفلتر كمان بس هات نوع كويس زى فالفولين او ليكوى مولى غالى شويه بس ممتازين جداا وروح على اى مركز خدمه محترم وخليه يعملك الشغل ده وان شاءالله يظبط معاك

**mmaaggddyy** · 31-03-2012 02:20 AM

المشاركة الأصلية كتبت بواسطة Kareem Fawzy

بص يا باشا زيت الفتيس بيتغير على 40 الف كيلو او 3 سنين
وحضرتك انصحك بتغيره
لان عربيتى 2007 وعملت حاجة شبيها بكدة هى انى اديها نقله d مثلا ومتعبرنيش
r متعبرنيش
روحت غيرت زيت الفتيس نزل اسود لدرجة مستفزة
انصحك تغير زيت الفتيس وان شاء الله كله خير
اشترى 3 كيلو زيت فتيس atf موبيل او شل
سعر اللتر تقريباً 28 جنيه
وتروح اى بنزينة تغيره
وان شاء الله مش هتحس بكدة تانى
تحيـــاتى

موبيل atf 320 بسعر 48 جنية - شيل atf md 3 بسعر 38 جنية - فالفولين max life بسعر 75 جنية - ميتسوبيشي atf sp iii بسعر 58 جنية - كيا atf sp iv بسعر 85 جنية - تقبل تحياتي

**Screenplays** · 31-03-2012 09:18 AM

غير زيت الفتيس و شيك علي البطاريه و برضه بالمره صيانه ال 25 الف

**koshary** · 31-03-2012 11:35 AM

حضرتك زى ما الاعضاء قالو غير زيت الفتيس وبالنسبة للعربيه اعمل صيانة ال 25 الف وقولهم عالعيب بس غريبه اوى عربيه عامله 23 الف بس والفتيس يعمل حركه زى دى

**autocross** · 31-03-2012 06:24 PM

شكرا جزيلا لكل الأعضاء المحترمين وانا شايف ان كل الردود مشتركه فى نصيحة تغيير الزيت وان شاء الله هغير الزيت والفلتر بس انا لاحظت ان فى أنواع كتير جدا اتذكرت ياريت لو حد غير او تجربه فعليه لان الزيت مش بالاسم ولا بالسعر انا عن نفسى بغير زيت للموتور امارات مصر10000 وقليل جدا لو لقيت حد سمع عنه اصلا :)
وتحياتى ليكم

**Sir_Mohd_Sabra** · 02-04-2012 12:30 AM

زيت امارات مصر ممتاز على فكره ومشهور بس مالوش دعايه هنا ع المنتدى قويه بس
بالنسبه لزيت الفتيس انصحك بزيت فالفولين maxlife atf ده ممتاز جداا وفرق فى الاداء مع ناس كتير هنا فى المنتدى وكمان بيتغير بعد تقريبا 60000 كيلو
اتصل بيهم على 19728 وهما هيحددوا معاك ميعاد التغيير وكل حاجه او ممكن تشتريه من احد موزعيهم وتشترى فلتر اصلى وتروح مركز خدمه محترم يعملك الشغل ده
بس بيتهايئلى تغيير الفلتر مش مهم اوى يعنى