سوال مهم و فني لمالكي اللوجان

**hzem** · 31-03-2012 01:33 AM

أزيكم يا جماعة بس عندي سوال بخصوص اللوجان في ميكانيكي شافها و قال وحشة اوي لاني معرفش يشتغل فيها و في واحد تاني غيره قال كده لان فيها بعد الأجزاء من الدخل بلاستيك و كمان الماتور متربط علي بعده علشان تصلح جزء من تحت لازم تفك كل و ترجع تركبه تاني انا حقيقي خايف اجبها لان مفيش ميكانيكي راضي يبص عليها من الداخل لأنو عارف اللي بقوله و ده يعني لازم تروح للتوكيل و تدفع اللي بيقوله للي عندهم خبرة و ملاكها ممكن يفيدونا بهذا الموضوع و لكم جزيل الشكر

**wassim_nasser** · 31-03-2012 02:50 AM

بص .. انت بتتكلم ف عربية زيرو .. يعنى بطبيعة الحال مش هاتحتاج شغل ميكانيكا فيها قبل 3 سنين .. طيب فرض ان حضرتك هاتحتاج شغل ميكانيكا .. عندك التوكيل (وده احسن عشان تضمن ان قطع الغيار اصلية) و عندك 70 ورشة ف الحرفيين مليانين ميكانيكية كانوا شغالين ف التوكيلات وشربوا الصنعه و طلعوا فتحوا ورش مستقله و هاتلاقي كل واحد متخصص ف ماركه زي ايمن سكودا وابراهيم فولكس .. و عندك ورشه الاخ كريم منير والعقيد خالد .. لاحظ ان اللي بيقولك الكلام ده عايش ف سوهاج يعنى انت برضه وضعك احسن عشان ف القاهرة .. ماتخفش من حاجه وتوكل علي الله

**halem0000** · 31-03-2012 03:19 PM

لا ياباشا طبعا ماتور المانيوال 8 صباب انما الأتوماتيك 16 وطبعا ماتور الأتوماتيك أحسن بكتير

**hzem** · 31-03-2012 03:24 PM

الف شكرا علي اهتمامك معلش اتقل عليك الماتور التوماتيك احسن بكتير في ايه علي اساس انوا 16 صباب ولا حاجة تانية

**gebreel** · 31-03-2012 03:36 PM

سيبك من الكلام ده يا باشا لأن الميكانيكية دول شكلهم على قدهم و اخرهم يصلحوا 28 ولا 32 مع احترامي للعربيتين

اللي خلا الميجان بتتصلح برة التوكيل اللوجان مش هتتصلح بره؟؟؟

و انت بنفسك اقف قدام الكبوت و حاول تبص على كل حاجة هتلاقي ان كل حاجة واضحة و انت بنفسك لو ليك شوية في الميكانيكا هتعرف ايه فين

**hzem** · 31-03-2012 05:17 PM

الف شكرا يا جماعة

**mido7337** · 31-03-2012 05:25 PM

المشاركة الأصلية كتبت بواسطة halem0000

لا هو ده الإختلاف كمان الكابينة فى الأتوماتيك معزولة اكتر

هى الكابينة فى الأتوماتيك معزولة اكتر ولا فى 2012 عامتا ؟؟

**halem0000** · 01-04-2012 12:07 AM

انا معايا 2012 مانيوال ومش متأكد إذا كان 2012 كلها كده سواء مانيوال او أتوماتيك لأنى ماشفتش الأتوماتيك بس الناس إللى جابت الأتوماتيك هنا فى المنتدى بيأكدوا إن عزلها أحسن من الموديلات السابقة لأن الشركة كمان مركبة عازل للموتور على ما اعتقد وممكن تدخل على تقرير 2012 الأوتو وتشوف بنفسك