الموضوع: لانسر بومه من أول 2010 أقل فى الخامات والتقفيل

أنا معايا بومه 1600 موديل 2006 وواخد بالى من كل تفاصيل موديلاتها والفروق بينها لغاية 2012 وملاحظتى ان من أول موديل 2010 وتغيير الفتيس الCVT بالإستبترونك وهم مختصرين فيها جامد وأول ملاحظة قوية إن مبقاش فيها stabilizer bar فى العفشة الخلفية وقصة ان الولاعة وحروف عصاية الفتيس مبتنورش؟! وفى معرض فورميولا الأهرام أتيح ليا انى أشوفها موديل 2012 بالتفصيل أكتر وأقارن حاجات كتير جدا بعربيتى وفعلا حاجات كتيرة جدا فيها خامتها أقل وملاحظاتى كالتالى:

1- مازال لا يوجد stabilizer bar فى العفشة الخلفية؟! (كان موجود لغاية 2009)
2- شكل الخراطيم وأغطية زيت الباور وغيره أقل جودة ومثلا غطاء علبة زيت الباور مش مكتوب عليه POWER STEERING FLUID بالبارز زى عندى وده على سبيل المثال من عدة ملاحظات من هذا القبيل وأيضا قفل الكبوت شكله رديء والسوست اللى جواه باينة عكس زمان كان مقفول بفبرة شكلها نضيف وخامته بوجه عام محترمه أكتر

3- بالنسبة للصالون الخامة المصنع منها فرش الكراسى أقل بكثير و بشكل صارخ وأى عيل صغير عنده العربيه ياخد باله من الفرق (ده الخامه اللى كانت يتستخدم قبل كده بس فى الانسر الـ GL مش ألـ GLX)؟! مع العلم بإن العربيه اللى تفرجت عليها كانت رياضية كاملة بفتحة سقف ومكانشش فيها العتب الفبر؟!!!!!!!!!!!!!

4- خامة البلاستك المستخدم فى الواجهة الأبانوس و الكنسولة اللى بيركب فيها الكاسيت أقل جودة والقطعة البلاستك اللى بيبقه فيها زراير الزجاج الكهرباء فى الأبواب فى موديلات 2006 و2007 كانت مطلية زيها زي الكنسولة اللى فيها الكاسيت باللون الرمادى أما الآن فهى مجرد بلاستك غير مطلى وبنفس لون فرش الباب بدون أى Contrast وملمسها بلاستك ردىء

5- مسامير تثبيت فرش الباب باينه وقبل كده كان عليها غطاء فبر ومفيش مسامير باينه خالص

6- ما خفى كان أعظم والله أعلم فى الموتور والعفشة وخامات باقى الحاجات المهمه؟!!!!!!!

7- أه نسيت العربيه اللى شوفتها كانت رياضية بفتحة سقف ومافيهاش الكاسيت المتسوبيشى اليابانى المعروف بوحدة الـ CD Changer بتاعته اللى كان بينزل فيها ومركبين فيها راديو سى دىKENWOOD ولما سألت على الكاسيت ده المندوب قالى ان العربية بتيجى من غير كاسيت واللى فيها ده بيركبوه هنا فى مصر بعد ما بتيجى العربية؟!!!!! وده كاسيت ماليزى!!!!!!!!!! وشكله وحش جدا فى الكنسوله مش زى الكاسيت المتسوبيشى اليابانى اللى كان بينزل بالسى دى تشينجر وبفكركم ان ده الرياضية أم فتحة سقف.

8- المصيبه بقه انها غالية مش رخيصة وأغلى من الأول كمان وطبعا انتم عارفين الأسعار.

للأسف مش هى ده الانسر البومه اللى أنا أعرفها

نفس المقارنة ده عملتها في عربيت واحد قريبي بس هو معاه دايو لانوس وقارناها بشيفروليه لانوس. وطبعا الفرق كان واضح كدة حتي كان مكتوب حاجة زي احترس ضغط عالي او درجة حرارة عالية ( بالعربي ) ههههههههه