سؤال لخبراء اللوجان

**halem0000** · 31-03-2012 03:06 PM

السلام عليكم ورحمة الله وبركاته

سؤال لخبراء هذا القسم الكرام معلش اصل لسه جديد فى السواقة
[justify]
دلوقتى لا قدر الله عند إنقطاع سلك الدبرياج إزاى الواحد يتصرف وبالأخص لو كانت العربية على نقلة مش على المور ومحدش يقولى العربية جديدة ومش هينقطع لأنى قرأت فى صفحة رينو عن عربية سلك الدبرياج بتاعها إنقطع أنا عارف إنها ممكن تكون مشكلة فردية بس كلكم عارفين ان العربيات معظمها جديدة يعنى انا بقول إزاى نتصرف التصرف الأمثل فى هذه الحالة عشان لا تتلف أجزاء أخرى حتى تعم الفائدة على الجميع ايضا ولكم كل الشكر والتقدير والإحترام.....[/justify]

**wassim_nasser** · 31-03-2012 06:07 PM

الصح طبعا انك تركن علي جنب و تقطر العربية لحد التوكيل أو الميكانيكى و هناك تغير واير الدبرياج .. أما لو كنت علي طريق صحراوى و عايز تلحق نفسك ف إدي الغيار التالت وانت مبطل و دورها مع سنة بنزين هاتطلع معاك .. يعنى حاول تحايلها أو بالبلدي إسرقها كده .. انا مش متأكد من المعلومة دي بس اهو ميكانيكى قالهالي .. وبرضه نستنى رأي الناس

**halem0000** · 01-04-2012 12:01 AM

متشكرين اوى يا جماعه على هذا الإهتمام ولكن هل ممكن الواحد يدى غيار للفتيس والعربية مبطلة وسلك الدبرياج مقطوع طبعا وهل ممكن العربية تطلع على التالت من الثبات ؟