أرجو المساعدة في الاختيار بين النيسان قاشقاي و الاوبل أسترا 1600 تربو

**magdyabulela** · 31-03-2012 03:12 PM

أنا محتار بين الاوبل أسترا التربو 1600 والنيسان قاشقاي البلس ... أنا عارف ان الفنيات لصالح الاسترا لكن القاشقاي (رغم انها بيزك في حاجات كتير) لما ركبتها لاقيتها اوسع واعلى من الاسترا وشنطتها كبيرة رغم قلة الاوبشنز عن الاوبل .... أرجو الافادة وكمان عاوز اعرف سعر اعادة البيع لصالح مين فيهم وشكرا.

**Dr'AhmZZong** · 31-03-2012 04:06 PM

بص يا سيدي .. سوق الأوبل في مصر مش حلو نهائي عربية ممتازة اااااه .. لكن مش أي حد بيفهم فيها .. قطع غيرها نااااااااار .. توكيل من أسوء مايكون مش فاهم حتى في العربية ..

لكن نيسان عندك سوقه محترم جدااااااااا .. حتى الصني اللي مش عاجبه الناس بسبب عيوب التقفيل محققة مبيعات رهيبة و محافظة على سعرها جدااااااا < و ده يدل إن العربية ديه لم تتأثر بعيوب التقفيل > .. مابالك بقى بالقشقاي .. عربية جميلة جدااااااااااا .. واسعة .. ياباني 100% تقفيل انجليزي .. عفشة مناسبة جداااااااااا للطرق الغير ممهدة < و أنا جربت بنفسي على سرعة 80 > .. بصراحة ما شاء الله مفيهاش غلطة .. مشكلتها إن لو حضرتك بتحب الجري كتييييييير ممكن ماتساعدكش زي باقي cross overs .. و كمان معاك توكيل فوق المحترم عندك اكتر من 4 مراكز بينافسوا بعض على الخدمة .. و معاك سعر اعادة بييييييييع مش وحش < العربية لسة مانتشرتش اوييييييييي > ..

تحياتي لحضرتك ..

**yaso12** · 02-04-2012 12:14 PM

الاوبل حلوة فى كل حاجة بس بتقع بسرعة فى السعر وملهاش صيانة بره التوكيل والتوكيل اى كلام

**melagouze** · 02-04-2012 08:27 PM

القشقاي شكلها هيغير قريب ....

الاسترا شنطتها مش ضيقه قوي ....375 لتر..... اسعار قطع غيارها مش ناااار و لا حاجه زي ما الناس كاتبه....اسعار قطع غيارها في منتدي الاوبل ....تسارع قوي جدا(التربو)....شياكه من بره و من جوه..

لو مفيش غير الاتنين دول قدامك .....اختار الاسترا لو العربيه هتقعد معاك.....غير كده لأ....علي فكره انا حجزتها النهارده بس الكوزمو مش التربو....و اختارتها بعد مقارنه طويله مع كل المنافسين....و انا قابلت ناس شارينها كانوا بيقولوا علي التوكيل مش بالسوء اللي انت متخيله....

**yoko** · 02-04-2012 08:32 PM

دي حاجة ودي حاجة
مينفعش تقول دي أحسن ولا دي
انا راجل كبير وعندي عيله وخلاص بطلت جري وكده هختار قاشقاي
انا شاب ومجنون جري ومش فارق معايا غير كده هجيب الاسترا تربو

**DarkMagician** · 03-04-2012 08:51 PM

المشاركة الأصلية كتبت بواسطة melagouze

القشقاي شكلها هيغير قريب ....

الاسترا شنطتها مش ضيقه قوي ....375 لتر..... اسعار قطع غيارها مش ناااار و لا حاجه زي ما الناس كاتبه....اسعار قطع غيارها في منتدي الاوبل ....تسارع قوي جدا(التربو)....شياكه من بره و من جوه..

لو مفيش غير الاتنين دول قدامك .....اختار الاسترا لو العربيه هتقعد معاك.....غير كده لأ....علي فكره انا حجزتها النهارده بس الكوزمو مش التربو....و اختارتها بعد مقارنه طويله مع كل المنافسين....و انا قابلت ناس شارينها كانوا بيقولوا علي التوكيل مش بالسوء اللي انت متخيله....

مين قالك ان الشكل حيتغير ؟؟؟والله نفسي اعرف الاخبار دي بتجيبوها منين
كارلوس غصن نفسو ميعرفهاش
الشكل ااساسا متغير في 2011 وقدامو على الاقل سنتين ومفيش نسخة اختبارية اساسا للشكل الجديد

صباح الفل يعني

**DarkMagician** · 04-04-2012 11:29 AM

المشاركة الأصلية كتبت بواسطة melagouze

و النبي يا جماعه تقولوا للاستاذ العزيز اللي بيقعد مع كارلوس غصن ( و احنا ما بنقعدش معاه) انه يقولوا ان العربيه دي نزلت في 2007 و اتعملها facelift في 2010 .......يعني الشكل في اخر عمره ....... و انا نصيحتي هنا لصاحب الموضوع

متشكر على التريقة يا محترم بس الواحد مش حيرد عليك باسلوبك

والشكل اتغير على اخر 2010 ونزل في 2011 او اخر 2010

وكل التغيير اللي حصل الفانوس من قدام ومعايا الكتالوج بتاع الخليج بتاعها اللي كان فيه موديل 2010