الحمد لله اتخبطت ومحتاج مساعدتكم لأن نفسيتى فى الحضيض

**wael30003** · 31-03-2012 03:32 PM

الحمد لله الذى لا يحمد مع مكروه سواه
طبعا فى بلاوى اشد منى وانا عارف بس عشان العربية جديدة وبالتقسيط ولسه حتى مكملتش ال10000كم حوالى 7200 كم هنزلكم الصور عشان تحكموا عليها ازاى اصلحها لأنى مش مأمن بس هاحكلكم شوية تفاصيل عشان ممكن حد يساعدنى لأنى مش عايز اروح لواحد يجرب فيا
التفاصيل
لوجان 2012
استلام 30/10/2011
اتخبطت 30/3/2012
الخبطة فى الباب اليمين الامامى
الزجاج وهو طالع بيحك فى الباب عشان الخبطة
كنت عايز اعرف سمكرى كويس لأنى مش هاقدر على تكاليف التوكيل
ويا ريت تردوا عليا بسرعة لغاية اما انزل الصور.. انا هنزلها ان شاء الله كمان ساعتين لأن لسه مروحتش لأن والدى كان سايقها وواحد متخلف طالع من شارع جانبى بعربية قديمة ومتهالكة على الآخر وخبط العربية ووالدىكلمنى بالتليفون وانا فى الشغل الراجل دفع 150 جنيه بعد ما الناس قدروا الخبطة ب 300 جنيه وانا النصف وهو النصف وطبعا هاتتكلف اكترمفيش حاجة اسمها 150 جنيه
والحمد لله انا احسن من غيرى فى ناس بلاءها اكبر من كده
بس يمكن عشان الواحد مش ناقص اصلا كفاية قسطها الشهرى
والعربية لسه جديدة زى ما انتوا عارفين
وجزاكم الله خير

**corsair** · 31-03-2012 03:49 PM

بص يا غالي قدر الله وما شاء فعل متزعلش نفسك اهم حاجه انك بخير وفداك مليون عربية اللي بيجي في الصاج يتعوض الا الانسان حط النظرية دي في دماغك دايما واحنا ماشيين معرضيين لتلطيش في اي لاحظه وربنا هو اللي بيبقي ساترها علينا لحد ما ندخل بيوتنا

الموضوع بسيط جدا والسمكري لو عرف يردها علي البارد هيردها غير كدا هيردها علي السخن وتترش بنفس لون العربية ومش هتبان وهتكلفك تقريبا 300 جنيه سمكره ودوكو وربنا يعوضك خير

**fawzyfawzy11** · 19-04-2012 09:21 PM

ياسيدى الحمد لله والشكر على كل ما يصيبنا انا احكى لك
عن اللى حدث معى بعد الاستلام والذهاب الى الترخيص وخلصت الترخيص وانا راجع بيها للمنزل وانا فرحان وفى اشاره مرور عند الشاطبىوانا واقف صدمنى ميكروباس فى الرف الامامى الايمن وخلع الفا توس الذى دخل تحت الشبكه الاماميه وهرب حدث ذلك الساعه الثانيه والنصف ظهرا وكلفنى ذلك فى مركز الطارق اكثر من 2800 جنيه صحيح التامين حيدفعهم ولكن البهجه راحت منى واخيرا كما قلت اولا الحمد لله

**wael30003** · 19-04-2012 09:39 PM

انا الحمد لله صلحتها فى الحرفيين وكلفتنى 750 جنيه و3 ايام اجازة

**lord777** · 19-04-2012 10:01 PM

فداك و الحمد لله على كل شىء
يا ريت ترفع الصور

**blackhorse123** · 20-04-2012 01:01 AM

ياعم الحمد لله على كل حال
يااما اتخبطت العربيه منى لما شبعت .............. لا تحزن على شئ

عند الحلم تنسى كل شئ تنسى حتى نفسك لتغمرك فرحة لم تشعر بها من قبل

**wael30003** · 20-04-2012 03:03 AM

المشاركة الأصلية كتبت بواسطة lord777

فداك و الحمد لله على كل شىء
يا ريت ترفع الصور

ان شاء الله هاحاول بس عندى مشكلة فى كارت الموبايل
انا مصورها قبل التصليح
وهاصورها بعد التصليح
وقولوا لى رأيكم

**klaw** · 25-04-2012 11:16 AM

انصح اى حد فى اسكندرية ب على رينو ( سمكرة و دوكو ) دة شغال فى رينو بقالة 10 سنيييييييين يعنى كفاءة التوكيل بسعر برة . .... 01223151844 بس قولة انا من طرف م / مصطفى رينو لوجان نبيتى. على فكرة دة فى اسكندرية .

**wael30003** · 27-04-2012 08:50 PM

شكرا للمعلومة مع العلم انى عربيتى نبيتى
ورجعت زى الاول
لدرجة ان العربية ازدادت جمالا فى عينيى بعد الاصلاح
مش عارف ليه بافكر ااسرقها وابعها من ورايا وابقى اشوف انا هاعمل ايه ليا

**blackhorse123** · 27-04-2012 10:42 PM

المشاركة الأصلية كتبت بواسطة wael30003

شكرا للمعلومة مع العلم انى عربيتى نبيتى
ورجعت زى الاول
لدرجة ان العربية ازدادت جمالا فى عينيى بعد الاصلاح
مش عارف ليه بافكر ااسرقها وابعها من ورايا وابقى اشوف انا هاعمل ايه ليا

الف مبروك وحمد لله على السلامه الحمد لله ان الامور اتظبطت معاك والعربيه رجعت زى الاول واحسن

ممكن اسال كلفتك كام تصليح ؟

الموضوع: الحمد لله اتخبطت ومحتاج مساعدتكم لأن نفسيتى فى الحضيض

LinkBack

أدوات الموضوع

عرض

الحمد لله اتخبطت ومحتاج مساعدتكم لأن نفسيتى فى الحضيض - انشر الموضوع فى :

-

-

-

-

-

المواضيع المتشابهه

الحمد لله . أنا عملت حادثة النهاردة ومحتاج مساعدتكم (رينو ميجان)

الحمد لله اتخبطت ومحتاج مساعدتكم لأن نفسيتى فى الحضيض

الحمد لله أخويا عمل حادثة بعربيته اللانوس امس ومحتاج مساعدتكم

الحمد لله ,, حادثه ومحتاج مساعدتكم بالله تفهموني التأمين الشامل

مساعدة عاجلة ومحتاج راييكم ( السيارة اتخبطت )

الكلمات الدلالية لهذا الموضوع

المفضلات

المفضلات

ضوابط المشاركة