عاوز اروح شبين الكوم من المحلة

**bam8572** · 31-03-2012 04:18 PM

بسم الله الرحمن الرحيم
السلام عليكم ورحمة الله وبركاته
----

اللهم ارزقنا السلامة وابعد عنا كل شر

-----

شباب

انا من المحلة الكبرى وعاوز اروح شبين الكوم بس معرفش ايه النظام

مع العلم ان عربيتى فيها مخالفات ( تفييم ) بالإضافة إلى إن انا شخصياً مش معايا رخصة قيادة

الموضوع معقد شوية لكن انا حابب اسأل على نقط المرور اللى هتقابلنى دا رقم واحد

رقم 2 هحاول بإذن الله اجيب حد معايا معاه رخصة لكن نيجى للمهم

ازاى اروح شبين الكوم من المحلة ؟؟ والمسافة اد ايه تقريباً وهتاخد وقت اد ايه ؟؟

مع العلم ان للمحلة طريقين للخروج منها

1 - سكة طنطا ومنها بروح القاهرة واسكندرية وهكذا

2- طريق المنصورة ومنه على بورسعيد والحتت دى كلها

بس بجد انا حتى مش عارف اطلع منين ولاعندى اى خبرة فى الموضوع

ارجو المساعدة

ومشكورين مقدماً

**amrelsaqqa** · 31-03-2012 05:13 PM

هتطلع في اتجاه طنطا وتروح طنطا ومن طنطا تاخد الطريق الزراعى لحد بركة السبع
وبعد كدة من بركة السبع لحد شبين ودى سهلة لو سألت حد هيقوللك الطريق ، طريق طوالى وربع ساعة

**bam8572** · 31-03-2012 06:28 PM

الله يطمنك ياباشا

طيب والكمين ؟؟ هيقابلنى نقط مرور كتير ولا ايه؟؟

انا معييش رخصة اصلاً ومرعوب ,, طيب لنفترض انى اتصرفت فى حوار الرخصة وعاوز اخد رأيك بردو

ينفع اخد بطاقة اخويا ورخصته واطلع بيهم ؟؟ مع العلم ان فيه شبه بينا بس مش كبير وبعدين انت عارف الصور فى البطاقة مش واضحة يعنى

ولنفترض ولله الحمد ان كل دا عدى

التفييم بقى ,, هيوقفونى ع التفييم ؟؟؟؟؟

**bam8572** · 31-03-2012 08:47 PM

للرفع

للرفع

للرفع

**mr_vampire** · 16-04-2012 02:37 PM

المشاركة الأصلية كتبت بواسطة bam8572

الله يطمنك ياباشا

طيب والكمين ؟؟ هيقابلنى نقط مرور كتير ولا ايه؟؟

انا معييش رخصة اصلاً ومرعوب ,, طيب لنفترض انى اتصرفت فى حوار الرخصة وعاوز اخد رأيك بردو

ينفع اخد بطاقة اخويا ورخصته واطلع بيهم ؟؟ مع العلم ان فيه شبه بينا بس مش كبير وبعدين انت عارف الصور فى البطاقة مش واضحة يعنى

ولنفترض ولله الحمد ان كل دا عدى

التفييم بقى ,, هيوقفونى ع التفييم ؟؟؟؟؟

وانتا داخل شبين الكوم في كمين مباحث وقفوني مرة عالستاير وخلوني اشيلها عشان الرخصة ماتتسحبش.

فانتا مفيم وكمااااااااااان مش معاك رخصة .... ده اللي معاه رخصة وعربيته مافيهاش الهوا بيبقي داخل مقلق .....متجازفش وتدخل نفسك في متاهات والقيادة من غير رخصة ( اعتقد حبس ) وهتلبس اخوك فالحيطة............ اللهم بلغت اللهم فاشهد....