اخوكم كورسير اتصدم يا رجالة

**corsair** · 31-03-2012 10:26 PM

النهارده قولت اعمل حركة جدعنه مع صحابي في الشركة واخدهم اطلع بيهم علي اسبينس ونعمل شوبينج خراب البيوت انا مسميه كدا

المهم دخلنا والدنيا تمام وبعد ما حملنا اجي امشي بالعربية الاقي حك للصبح في رفرف العربية الخلفي

الكاوتش الجديد بيحك في الرفرف الخلفي وبالاخص في الشفه بتاعت الرفرف :b4_556:

انا دلوقتي قدامي حل من الاتنين

اولا اني اركب علايات علي السوست

ثانيا اني اتني الشفه بتاعت الرفرف وبكدا الكاوتش ميحكش في الرفرف

يا ريت يا جماعه تقولولي اعمل ايه لحسن انا هتجنن من ساعة ما عرفت كدا

**m7mda7md** · 31-03-2012 10:39 PM

اخويا كورسير انا رأيي تتني شفه الرفرف.....هو هيبقي حوار بس انا لو مكانك هعمل كده و مستحيل اعلي العربيه......اتعقدت من الحوار ده عشان واحد صاحبي رافع برايد و حاجه آخر قرف كل شويه ترزع و تهبد ف المطبات ده غير شكلها الغير عاطفي‎

**AHMEDCAR** · 31-03-2012 10:39 PM

اللى انا ملاحظه انك مركب مقاش 185 -60-14

و ده المقاس السليم ة انا مركبه و مافيش معايا مشاكل السؤال انت الرفرف اللى بيحك ده كان اتخبط منك قبل كده لو اتخبط يبقى ماكنش اترد من السمكرى صح و الل من غير ماتركب علايات و الاجات اللى هتاثر على الثبات دى انك تتنى شفه الرفرف

**corsair** · 31-03-2012 10:49 PM

المشاركة الأصلية كتبت بواسطة m7mda7md

اخويا كورسير انا رأيي تتني شفه الرفرف.....هو هيبقي حوار بس انا لو مكانك هعمل كده و مستحيل اعلي العربيه......اتعقدت من الحوار ده عشان واحد صاحبي رافع برايد و حاجه آخر قرف كل شويه ترزع و تهبد ف المطبات ده غير شكلها الغير عاطفي‎

انا بقول كدا بردك ومعنديش استعداد اني افقد ثبات العربية واخليها تعوم بعد كل اللي انا عملته ده وتسلملي يا حماده علي ردك الجميل ده وربنا يعديها علي خير

المشاركة الأصلية كتبت بواسطة ahmedcar

اللى انا ملاحظه انك مركب مقاش 185 -60-14

و ده المقاس السليم ة انا مركبه و مافيش معايا مشاكل السؤال انت الرفرف اللى بيحك ده كان اتخبط منك قبل كده لو اتخبط يبقى ماكنش اترد من السمكرى صح و الل من غير ماتركب علايات و الاجات اللى هتاثر على الثبات دى انك تتنى شفه الرفرف

حبيبي عم احمد والله ليك واحشه يا غالي وانا عمري ما اتخبط في الرفرف الخلفي قبل كدا خالص والمقاس فعلا 185/60/14 وكده مش هيبقي قدامي غير اني اتني الشفه هل بقا ده في مشكله لو عملته وهل في حد محترف يقر يتني الشفه من غير ما يأثر علي الشكل الخارجي للصاج

**S O P H O S** · 31-03-2012 11:01 PM

تتني شفه الرفرف
+111111111111

**mmaaggddyy** · 01-04-2012 12:24 AM

المشاركة الأصلية كتبت بواسطة corsair

انا بقول كدا بردك ومعنديش استعداد اني افقد ثبات العربية واخليها تعوم بعد كل اللي انا عملته ده وتسلملي يا حماده علي ردك الجميل ده وربنا يعديها علي خير

حبيبي عم احمد والله ليك واحشه يا غالي وانا عمري ما اتخبط في الرفرف الخلفي قبل كدا خالص والمقاس فعلا 185/60/14 وكده مش هيبقي قدامي غير اني اتني الشفه هل بقا ده في مشكله لو عملته وهل في حد محترف يقر يتني الشفه من غير ما يأثر علي الشكل الخارجي للصاج

الان ليس أمامك الا حلين الاول التعلية ودة يؤثر علي الثبات وبالتالي الامان - الحل الثاني يؤثر علي الشكل فقط - اذا القرار الذي أفضله هو أن تضحي بالشكل في سبيل المحافظة علي الامان - أرشح لحضرتك مركز المتحدة علي الدائري أمام الكنيسة التي في العمرانية (صاحبة المشكلة المعروفة )-تقبل تحياتي

**Screenplays** · 01-04-2012 12:26 AM

علايات هتضيعلك ثبات العربيه اكتر ما هو ضايع يبقي تني الشفه هو الافضل

**anchoor** · 01-04-2012 12:41 AM

بص يا كورسير يا اخويا نصيحة من اخوك الكومى اتنى الشفة بتاعت الرفارف احسن طبعا بس قبل ما تتنيها حط فيهم من جوه شحم كتير على زيت عشان بعد ما تتنيها بيقف فيها ميه لكن مع الشحم , إنسى البارومة.

وبعدين انت العربية حكت منك عشان كانت محملة بس يا ريس. تحياتى يا حبيبى.

وبعدين مش تباركلى على البروتون الجديدة. انا بعت ال 2000 وجبت موديل 2005